YOTAANTSI 13
Pinkoakerika pinkimoshirebenteri Tasorentsi, ¿paita panteri?
Eiro pantirotsi kaari kameetsatatsi, tempa te ininteji Tasorentsi (1 Corintosati 6:9, 10).
Pinintiririka Tasorentsi Yioba, eiro pantirotsi kaari kameetsatatsi.
Ikanti Tasorentsi: “Eiro pikoshititsi, eiro pishinkitatsi, eiro pimonkotirotsi koka; eiro pipobatarotsi pocharo”.
Te ininteji Tasorentsi, tsinane tsomontetatsiri ojokeri otomi, tsinampairiri, ishiramparirinte, obayeri, koasanotirori kireki, aisati antabakaachari.
Aisati eiro pamaniritsi ijitasorentsitashiyetari, eiro pisheripiariyetitsi, eiro pimatsiyetatsi.
Maaroni antirori kaari kameetsatatsi, eiro isaikajeitajitsi iroakerari kipatsiki.
Ontimatiye pinkabintsaajeiteri pishaninka (Mateo 7:12).
Ikoi Yioba pinkempetyari iriori.
Pinintiririka pishaninkapee, ontimatiye paakameetsateri aisati pamitakoteri maaroni.
Eiro pamatabitiritsi, aisati eiro pikoshitiritsi pashinipee.
Pimpeakotakayero yantimotakempi kaari kameetsatatsi.
Pinkamantayeteri pashinipee, ¿jaoka ikantari Tasorentsi? aisati ¿paita ikoiri? (Oromasati 10:13-15).
Onimotempirika oka
OBAMETAANTSI KAMEETSAYETATSIRI BIBIRIAKI
¿Jaaninkampa kemisantaperotiriri Tasorentsi?
Osheki atiri ikantashita: “Maaroni atiri ikemisantiri Tasorentsi”.
PIYOTAKOJEITENA
¿Paita okameetsatantari ayoperotero Iriñane Tasorentsi?
Meeka osheki atiri iyotasanojeitiri Iriñane Tasorentsi, ¿pikoi piyoteri?
