YOTAANTSI 04
¿Jaanika Tasorentsi?
Intantakarori itimi atiripee, iriorijei yamanakotiri osheki ijitasorentsiyetiri. Iro kantaincha ora Bibiria okantakotiri aparoni Tasorentsi ‘yanaacotiri maaroni ijitasorentsitashiyetari’ (2 Coronicashi 2:5). ¿Jaanika iriori? ¿Paita yanaakotantariri pashinipee ijitasorentsitashiyetari? Aka yotaantsikika piyotero ikoake Tasorentsi ayoteri iriori.
1. ¿Jaoka ipajitari Tasorentsi, ikoakempa Tasorentsi piyotero ibajiro?
Ikanti Tasorentsi Bibiriaki: “Narotake Yioba. Iro nobajiro” (piñanatero Isaías 42:5, 8, TNM). Bajirontsi Yioba opoñaka iriñaneki hebreo, osheki iotatsiri ikanti oka bajirontsi iro jitachari ‘imatasanotero Tasorentsi irantero inintakaariʼ. Ikoake Yioba ayotero ibajiro (Éxodo 3:15). ¿Paita ayotantarori? Iriori isankenatakantakero Bibiriaki ibajiro Yioba okaratake 7.000. a Yioba ibajiro oni “iriotaque Tasorentsisanori pincatsariventantatsiri inquitequi aisati quipatsiqui” (Deuteronomio 4:39).
2. Ora Bibiria, ¿paita okantakotiriri Yioba?
Okanti Bibiria itimabeta osheki ijitasorentsitashiyetari, apaniro irinti Yioba Tasorentsisanori, ¿paitakea? Tempa Bibiria okantakotiri Yioba “apaniro avirotaque Inquitequiniri pipincatsariventiro maaroni quipatsi” (piñanatero Salmos 83:18). Irinti Tasorentsi Shintsitasanotatsiri, iro jitachari imatiro irantero maaroni ikoayetiri, aisati irinti Betsikirori “maaroni timajeitatsiri” inkiteki aisati kipatsiki (Irantayeteri Jesoquirishito 4:8, 11). Itimitani Yioba peerani katsini irosati koajika (Salmos 90:2).
PIYOTASANOTERO YOTAANTSIKA
Tsame ayotero ijitakantashiyeetari ibajiro Tasorentsi, iro kantaincha otimi aparoni ibajirosanori. Ayotero yobametakee Tasorentsi jaoka ipajitari aisati paita ikoantari iriori ayotero ibajiro.
3. Otimi Tasorentsi aparoni ibajirosanori
Itsipapee ijitakantashiyeetari pashini ibajiro Tasorentsi, piyotantyarori paita onashitantakari pamenero SHIAKAANTSI aisati pinkenketsatabakaajeitya:
-
¿Paita ikantakoyetashitariri ibajiro atiri?
Okanti Bibiria atiripee yamanakotiri osheki ibinkatsarite aisati ijitasorentsitashiyeetari. Piñanatero Salmos 136:1-3 aisati pinkenketsatabakaajeitya:
-
¿Jaanika Tasorentsi anaakotasanotiriri ijitasorensitashiyeevetari?
4. Ikoake Yioba piyotero ibajiro aisati piñabeetero
¿Paita piyotantari ikoake Yioba abiro piyotero ibajiro? Pamenero SHIAKAANTSI aisati pinkenketsatabakaajeitya:
-
¿Paita piyotantari ikoake Yioba piyotero ibajiro?
Ikoake Yioba atiripee iñabeetero ibajiro. Piñanatero Oromasati 10:13 aisati pinkenketsatabakaajeitya:
-
¿Paita okameetsatantari ankanteri Tasorentsi ibajirosanori?
-
Ariorika pashini atiri iriñanatero pibajiro, ¿jaoka pikantanentari?
-
¿Jaoka ikantanentari Yioba ariorika piñanatero ibajiro?
5. Ikoake Yioba pintsipabintsatyari iriori
Okantake tsinane camboyasato pajitachari Soten ayotero ibajiro Tasorentsi iro kameetsatasanotatsiri. Pamenero SHIAKAANTSI aisati pinkenketsatabakaajeitya:
-
Oyotantakarori Soten ibajiro Tasorentsi, ¿jaoka okantanentakari?
Antsipabintsatantyariri itsipapee ajibate ayotero ibajirosanori. Piñanatero Santiaco 4:8a aisati pinkenketsatabakaajeitya:
-
¿Paita ikoakaimpiri Yioba?
-
Piyoterorika aisati piñanaterorika ibajiro Tasorentsi, ¿amitakotimpimpa pishaninkatantajeariri iriori? ¿Paitakea?
APAROPEE ATIRI IKANTI: “Itimi aparoni Tasorentsi, atsipetashita añanatiro ibajiro”.
-
¿Paita pikantiri, keariompa Tasorentsi ipajita Yioba?
-
¿Jaoka onkantyari pobameteri itsipapee ikoake Tasorentsi añanatero ibajiro?
EIRO PIPEAKOTAROTSI
Tasorentsisanori ipajita Yioba. Ikoake iriori ayotero aisati añanatero ibajiro antsipabintsatantyariri.
Paita piyotabakeri
-
¿Paita inashitantakariri Yioba ijitasorentsitashiyeetari?
-
¿Paita añanatantyarori ibajiro Tasorentsi?
-
¿Paita piyotantari ikoake Yioba pintsipabintsatyari iriori?
PAMENERO PASHINIPEE
Piyotero cinco obametaantsi oinijayempirone itimi Tasorentsi.
Piyotero ikantani itimi Tasorentsi.
Onabeta te ayoteroji jaoka ikantirori hebreopee ibajiro Tasorentsi. Arori, ¿paita añanatantarori ibajiro?
Piyotero Tasorentsi otimi aparoni ibajirosanori.
“¿Cuántos nombres tiene Dios?” (Oka sankenarentsi otimi jw.org)
a Anta apéndice A4 de La Biblia. Traducción del Nuevo Mundo piñanatero obametaantsipee piyotantyarori paita ojitari ibajiro Tasorentsi, aisati piyotero paita kaari okonijatanta oka bajirontsi pashini Bibiriapeeki.
