YOTAANTSI 05
Ara Bibiriaki otimakotiri ikamanteeri Tasorentsi
Ipashitakee Yioba kameetsatatsiri: Karatatsiri 66 sankenarentsi timatsiri Bibiria. Pisampitarika: “¿Jaanika betsikanakerori Bibiria? ¿Jaanika sankenatakerori?”. Piyotero jaoka okantakari intantakarori otimake Bibiria aisati paita kaari opeantaja.
1. Isankenatakerorika atiri Bibiria, ¿keariompa iritake Tasorentsi ashitarori?
Isankenatakero Bibiria 40 shirampari. Iriorijei inashiyetaka, aisati onashita yantabeetake. Intanakaro isankenatakero osarentsiki 1513 tekera impokeji Jesoshi, maaroni oka imonkaratakero osarentsiki 98. Otimabeta osamanitake 1.600 osarentsi, maaroni okantiri Bibiria okempetaka, ¿paitakea? Tempa irinti Tasorentsi ashitarori (piñanatero 1 Tesaronicasati 2:13). Yokapee shirampari isankenatakero Bibiria, iro kantaincha “caari oni irineane [...] oamejeitaqueri Ishire Tasorentsi” (2 Petero 1:21). a Ishire Tasorentsi oyotakaakeri kamantantatsiniri paita irisankenateri (2 Timoteo 3:16).
2. ¿Jaanika ontimimoteri Bibiria?
Maaroni atiri “savicajeitatsiri quipatsiqui, jaocarica otimayetiri inampipee, aisati jaocarica ocantayetari irineanepee” irimatero iriñanatero okamantiri Bibiria (piñanatero Irantayeteri Jesoquirishito 14:6). Imatakaakeri Tasorentsi aparopee atiri isankenatantakarori Bibiria osheki iriñanepeeki atiri. Jaokarika isaikajeitiri aisati jaokarika okantayetari iriñane, maaroni atiri irimatero iriyotero Bibiria.
3. ¿Jaoka ikantakari Yioba itikaakobentakero Bibiria?
Isankenayeetakero Bibiria imeshina birantsi aisati oshi pankirentsi ikanteetiri papiro. Yora shiramparipee isankenatajiro Bibiria aisati yapiitajiro kameetsa eiro opeantatsi. Itimabetaka osheki atiri koabetachari intsonkerome Bibiria, aisati itimake atiripee tikaakobentakerori. Tekatsi tsañakoterine Yioba irobametanteeri arori. Okanti Bibiria: “Oncanteani ontime irineane Avincatsarite: eiro opeatsi irointi” (1 Petero 1:25).
PIYOTASANOTERO YOTAANTSIKA
Tsame ayotero jaoka ikantakari iyotakaakeri Tasorentsi shiramparipee iriñane isankenatantakarori. Aisati amenero jaoka okantakari Tasorentsi ipiabentakotakaro iriñane irimatantyarori atiri iriñanatero.
4. Okanti Bibiria jaanika ashitarori
Pamenero SHIAKAANTSI aisati piñanatero 2 Timoteo 3:16. Impoiji pinkenketsatabakaajeitya:
-
Isankenatakerorika atiri Bibiria, ¿paita pikantantari irotake iriñane Tasorentsi?
-
¿Imatakerompa Tasorentsi ikamantakeri atiri?
Yora sankenatirori carta isankenatiro ikantiri nampitariri. Atiripee aisati isankenatakero Bibiria, iro kantaincha Tasorentsi ikamantakeri iriorijei.
5. Te intsonkeeteroji Bibiria
Ora Bibiria irointi irashi Tasorentsi, irotake ipiabentakotantakarori. Osheki pinkatsaripee aisati jibatakaajeitiriri kemisantashiyetachari ikoabetaka intsonkerome Bibiria aisati te inkoyeji iriñanatero itsipapee atiri. Iro kantaincha pashini nintajeitirori Bibiria ipiabentakotakaro. Tsame ayoteri aparoni shirampari piabentakotakarori Bibiria, pamenero SHIAKAANTSI aisati pinkenketsatabakaajeitya:
-
Tempa piyotakero ipiabentakoteetakaro Bibiria, ¿pikoakempa piñanatero? ¿Paitakea?
Piñanatero Salmos 119:97 aisati pinkenketsatabakaajeitya:
-
¿Paitakea osheki atiri ipiabentakotantakarori Bibiria aisati yoipiajiro pashinipee ñantsi?
6. Otimimotiri sankenarentsi maaroni atiripee
Timatsi Bibiria osheki iriñanepeeki atiripee, anaakotiro pashinipee sankenarentsi. Piñanatero Itiancaneni Jesoshi 10:34, 35 impoiji pinkenketsatabakaajeitya:
-
¿Paita ikoantari Tasorentsi ontimimoteri maaroni atiri Bibiria iriñanepeeki?
-
Piyotantakarori Bibiria, ¿paita pinebetakari?
Ikarati
100%
saikatsiri kipatsiki
imatiro iñanatiro Bibiria iriñaneki
Timatsi Bibiria okarati
3.000
iriñanepeeki atiri,
omonkarataka orampa obekara niyanki
5.000 miyonepee
Yobetsikeetakero osheki Bibiriapee paperiki.
Irotake anaakotirori otsipapee sankenarentsi
APAROPEE ATIRI IKANTI: “Irointi Bibiria peesato isankenatiro atiri, irotake tseeyantsi”.
-
¿Paita pikantiri abiro?
-
¿Paita piyotantari irotake Bibiria iriñane Tasorentsi?
EIRO PIPEAKOTAROTSI
Ora Bibiria irotake iriñane Tasorentsi. Iriori ikoake maaroni atiri iriñanatero.
Paita piyotabakeri
-
¿Paitakea akantantari irointi Bibiria iriñane Tasorentsi?
-
Itimabetaka kisanentirori Bibiria tekatsi tsonkerone, ¿paita pikantiri abiro? ¿Paita pikantakotirori otimake Bibiria osheki iriñanepeeki atiri?
-
Piyotantakarori ishintsiperotake Tasorentsi ikamantakeero iriñane, ¿jaoka pikantanentari?
PAMENERO PASHINIPEE
Piyotero jaoka okantakari intantakarori otimake Bibiria.
Piñanatero te ompiempa Bibiria otimabetaka maba kisanentirori.
“La Biblia. Una historia de supervivencia” (La Atalaya, núm. 4 2016)
Otimabetaka kobenkataantsi, aparopee atiri ishintsiperotake yoipiajiro Bibiria pashinipee iriñaneki atiri.
Ainiro osheki Bibiria, ¿paita piyotantari te ompashinitanajea ikamanteeri Tasorentsi?
“¿Se ha cambiado o manipulado la Biblia?” (Oka sankenarentsi otimi jw.org)
a Ishire Tasorentsi iro jitachari ishintsire Tasorentsi iramitakotantyariri itsipapee. Oka piyotero yotaantsiki 7.
