YOTAANTSI 06
¿Jaoka okantakari intakaro añamento?
Iriotake Tasorentsi “oañantasanotatsiri” (Salmos 36:9). ¿Pishiretakarompa oka? Aparopee atiri ikanti añamento okonijatempa irosati, te añeriji betsikanakerori. Terika ayoteji paita atimantari, atimashitaka. Iro kantaincha iriorika Tasorentsi oañantatsiri, ¿paita yoañajeitantakeeri? a Piyotero okantakotirori Bibiria intanakaro añamento aisati piyotero okeariotakerika oka.
1. ¿Jaoka okantakari intanakaro maaroni timayetatsiri?
Okanti Bibiria: “Ari intakaro Tasorentsi yobetsikakero inkite aisati kipatsi” (Génesis 1:1). Osheki iyoyebetachari kipatsiki iyotake itimi betsikanakerori maaroni timayetatsiri. ¿Jaoka ikantakari Tasorentsi yobetsikakero timayetatsiri? Otimimotiri Tasorentsi ishire (espíritu santo) irotake yobetsikantakarori maaroni timayetatsiri: inkite, impokiropee, planetapee... (Génesis 1:2).
2. ¿Paita yobetsikantakarori Tasorentsi kipatsi?
Yobakero Yioba “quipatsi, oquisotantanacari” (Salmos 119:90). Yobetsikakero kameetsa kipatsi irisabikajeitantyari atiripee inkantyani (piñanatero Salmos 121:2 aisati 124:8). Yora iyoyebetachari ikanti ora kipatsi irotake kameetsatatsiri. Keario te añeroji pashini planeta kempetyarone aipatsite.
3. ¿Paita inashitantariri atiri birantsi?
Yobetsikantakarori Tasorentsi kipatsi ijibatake yobetsikakero pankirentsipee aisati birantsi. Impoiji “yovetsicaqueri shirampari aisati tsinane, ishiacantaca iriori” (piñanatero Génesis 1:27). ¿Paita kaari ashiantari birantsipee? Tempa Tasorentsi yobetsikakee ashiari iriori. Maaroni atiri amatero anintante, antampatikatante, ayotero iriñanepee atiri, amenero paitapeerika kameetsari aisati ankemero kameetsari pampoyeantsi. Te irimateroji birantsipee iramanakoteri betsikakeriri.
PIYOTASANOTERO YOTAANTSIKA
Tsame amenero jaoka ikantakari yobetsikakero Tasorentsi maaroni timayetatsiri aisati paita ashiretantyarori oka. Impoiji ayotero jaoka ikantari atiri ishiari Tasorentsi.
4. Itimi betsikanakeriri maaroni timajeitatsiri
Ariorika atiri betsikirori ishiakantakero paitapeerika timatsiri kipatsiki, maaroni itsipapee iñakameetsatiri iriori. Iro kantaincha ¿jaanika ñakameetsaterine betsikanakeriri maaroni timayetatsiri? Pamenero SHIAKAANTSI aisati pinkenketsatabakaajeitya:
-
¿Paita ishiakantakeri atiri timatsiri kipatsiki?
Maaroni pankotsi itimi betsikanakerori, iro kantaincha ¿jaanika betsikanakerori maaroni timayetatsiri? Piñanatero Ijorioririnte 3:4 aisati pinkenketsatabakaajeitya:
-
Pamenerorika inkite, kipatsi, ¿jaoka okantari pinebetari?
-
¿Keariompa itimi betsikanakerori maaroni timayetatsiri? ¿Paitakea?
¿Piyoitimpa?
Interineki jw.org otimi pashini sankenarentsi aisati shiakaantsi. Pamenero “¿Ainirompa betsikanakeriri?” Aisati “Kantakojeitirori paita atimantari”.
“Timatsi vetsiquirori maaroni pancotsipee, iro cantaincha yovetsicajeitaqueri Tasorentsi maaroni timajeitatsiri, catsini”.
5. Okanti Bibiria jaoka okantakari intanakaro maaroni
Sankenarentsi Génesis ñakaarontsiki 1, okanti Bibiria jaoka okantakari intanakaro kipatsi aisati maaroni timayetatsiri, ¿keariompa okantakotiri? Pamenero SHIAKAANTSI aisati pinkenketsatabakaajeitya:
-
¿Keariompa obametee Bibiria ora kipatsi yobetsikeetakero osamanitake 6 kitaiteri otimi 24 oratsiri?
-
Okanti Bibiria jaoka okantari intanakaro maaroni, ¿keariompa okantiri? ¿Paitakea?
Piñanatero Génesis 1:1 aisati pinkenketsatabakaajeitya:
-
Osheki iyoyebetachari kipatsiki ikanti intanakaro maaroni timayetatsiri. ¿Okantayetiri Bibiria oshiarompa ikantayetiri iriorijei?
Aparopee atiri ikenkeshirea yobetsikakero Tasorentsi aparoni añatsiri opiantanajarori pashini. Piñanatero Génesis 1:21, 25, 27 impoiji pinkenketsatabakaajeitya:
-
¿Obametantimpa Bibiria yobetsikakero Tasorentsi aparoni añatsiri opiantanajarori shima, birantsi aisati atiri, irompa yobetsikanake aparopeeni “timajeitatsiri”? b
6. Atiripee irinti inashita pashinipee timajeitatsiri
Arori te ankempetyariji birantsipee. Piñanatero Génesis 1:26 aisati pinkenketsatabakaajeitya:
-
Arojei akempetari Tasorentsi irotake amatantarori anintabakaajeita aisati aneshinonkabakaajeita, ¿paita obametimpiri oka, jaoka ikantari Yioba?
APAROPEE ATIRI IKANTI: “Maaroni okantakotiri Bibiria yobetsikakeri Tasorentsi iro tseeyantsi”.
-
¿Paita pikantiri abiro? ¿Paitakea?
EIRO PIPEAKOTAROTSI
Yobetsikakero Tasorentsi Yioba maaroni timayetatsiri.
Paita piyotabakeri
-
¿Jaoka okantakari intanakaro maaroni, paita okantiri Bibiria?
-
¿Yobetsikakerompa Tasorentsi aparoni añatsiri opiantanajarori pashinipee, irompa yobetsikanake aparopeeni añayetatsiri?
-
¿Paita kaari akempetantari birantsipee?
PAMENERO PASHINIPEE
Pamenero jaoka ikantari yoinijanta birantsipee itimi betsikanakeriri.
“¿Qué nos enseña la naturaleza?” (¡Despertad!, septiembre de 2006)
Pamenero yobametiri shirampari itomi jaoka ikantakari yobetsikakero Tasorentsi maaroni timayetatsiri.
Piyotero obametakotirori Bibiria ora evolución.
Piyotero paita obametakotirori registro fósil aisati experimento científico itimirika betsikanakeriri timajeitatsiri.
El origen de la vida. Cinco cuestiones dignas de análisis (Joyeto)
a Yotaantsi 25 obametee paita yobetsikantakariri Tasorentsi atiripee.
b Obametee Bibiria oka ñantsi “timajeitatsiri” iro kantachari maaroni añayetatsiri.
