YOTAANTSI 09
Amaneririka Tasorentsi aitake ankempejityari
¿Pikoakempa iramitakoyeetempi? ¿Otimimotimpi pisampiyetari kaari paki? ¿Pikoakempa iroimoshirenkeetempi? ¿Pikoimpa pinkempejityari Yioba? Pamaneririka Tasorentsi, ari piñakero koiteimotimpiri. ¿Jaoka onkantyari pantero amanantsi? ¿Ikemirompa Tasorentsi maaroni amanantsi? ¿Jaoka okantari piyotero ikemiro Tasorentsi pamaniririka? Ayotero.
1. ¿Jaanika amaneri? ¿Paita ankenketsateri amanerika?
Yobametakee Jesoshi apinti amaneri Apa jenokisati. Aisati yamanirini iriori Yioba. Ikantake: “Ari pinquempetaquerori avirori oca: ‘Apa, savicatsiri inquitequi...’” (Mateo 6:9). Ariorika amaneri Yioba aikero ankisotanake antsipabintsatyari iriori.
Amatero amaneri paitapeerika akoiri, iro kantaincha akoakerika irankee Tasorentsi, eiro akantiritsi kantimonentariri. Ora Bibiria okanti timatsi ikoakaakeeri ankantapiniteriri, “ariorica amoncarataquero ayojeitaque ari inquemisantaquee” (1 Joa 5:14). Yoinijanakee Jesoshi jaoka onkantyari amane (piñanatero Mateo 6:9-13). Okameetsati amaneri Tasorentsi maaroni akoayetiri, iro kantaincha eiro apeakotarotsi ampasonkiteri yamitakojeitee arori, aisati amanakobenteri itsipapee atiri.
2. ¿Jaoka pinkantyari pamane?
Ora Bibiria okamantee: “Pishiretasanojeiteari Tasorentsi; pinquenquetsatacaapinijeiteri” (Salmos 62:8). Okameetsati amaneri Tasorentsi keariotasanotatsiri sokijantsine asankaneki. Amatero amane shintsijenka orampa amajerete, jaokarika ankantya amaneri Yioba ampinkatsatantyariri. Aisati ari amatakero amane jaokarika asaikiri aisati paitapeerika oratsiri.
3. ¿Jaoka okantari Yioba yakiro amaniriri?
Añanaterorika Bibiria yakeero Tasorentsi asampiyetari, iriori “iotacairi caari neaperotacha” (Salmos 19:7; piñanatero Santiaco 1:5). Otimimotimpirika pomerentsi, Yioba inkimoshiretakayempi, aisati irimatero intiankeri ikoyeanepee iramitakotantempiri.
PIYOTASANOTERO YOTAANTSIKA
Ayotero jaoka onkantyari antero amanantsi inebetari Tasorentsi, aisati jaoka onkantyari amitakotee amanantsipee.
4. Otimi amonkarateri amaneririka Tasorentsi
¿Paita anteri inkemantyarori Tasorentsi amaneriri? Pamenero SHIAKAANTSI.
Ikoake Yioba apinti amaneri iriori. Piñanatero Salmos 65:2 aisati pinkenketsatabakaajeitya:
-
Tempa ikemisantiro Tasorentsi amanantsi, ¿pikoakempa abiro pamaneri? ¿Paita pikenkeshireantarori oka?
Akoakerika inkemisantero Tasorentsi amaniriri okameetsati antero ikoakeri iriori. Piñanatero Joa 9:31 aisati 1 Petero 3:12. Impoiji pinkenketsatabakaajeitya:
-
¿Paita panteri inkemisantantyarori Tasorentsi pamaneriri?
Ariorika soraro iramaneri Tasorentsi iranaakotantyari, ¿ikemirompa Tasorentsi yamanakeriri?
5. Ontimatiye amaneri Tasorentsi asankaneki
Osheki atiri iñanatashitari Tasorentsi bero bero bero, iro kantaincha ¿inebetarompa Tasorentsi oka? Piñanatero Mateo 6:7 aisati pinkenketsatabakaajeitya:
-
Ariorika pamaneri Tasorentsi, ¿paita panteri eiro piñabeetashitantatsi bero bero bero?
¿Ariompa pimatero pimpasonkiteri Yioba kitaiteripeeki abishimotempirika kameetsatatsiri? Pantirorika oka kitaiteripeeki, ontsonkearika aparoni semana ari pinkantakeri Tasorentsi siete kameetsatatsiri abishimotakempiri.
Yora kameetsari Apa ikoake itomi inkamanteri ikenkeshiretari. Aisati ikoake Yioba ankamanteri jaoka akantashiretari.
6. Ipashitakeero Tasorentsi amanantsi
¿Jaoka okantari amanantsi oshintsitakanteeri ontimerika pomerentsi? Pamenero SHIAKAANTSI.
Okantee Bibiria ora amanantsi obameetsashiretee. Piñanatero Jiriposhisati 4:6, 7 impoiji pinkenketsatabakaajeitya:
-
Onabeta amanantsi te ontsonkeroji maaroni pomerentsi, ¿jaoka okantari amitakotee?
-
¿Paita pikoiri pinkenketsatakayeri Tasorentsi?
¿Piyoitimpa?
Ñantsi “amén” iro kantachari “aitake onkantyari”. Peerani irosati meeka yora kemisantatsiri intsokerorika amanantsi ikanti “amén” (Salmos 41:13).
7. Pinashitakayearo pitiempote pamanantyari
Aparopee kitaiteri antiro paitapeerika, irotake apeakotantarori amane. ¿Inebetarompa Jesoshi iramane? Piñanatero Mateo 14:23 aisati Maricoshi 1:35. Impoiji pinkenketsatabakaajeitya:
-
¿Jaoka ikantakari Jesoshi inashitakaaro itiempote ikenketsatakantariri iriri?
-
¿Jaoka onkantyari pinashitakayearo abiro pitiempote pamanantyari?
APAROPEE ATIRI IKANTI: “Ora amanantsi te amitakotenaji, te inkemena Tasorentsi”.
-
¿Paita pankeriri?
EIRO PIPEAKOTAROTSI
Amaneririka Tasorentsi timatsiri asankaneki ari antsipatasanotakeari, iriori Tasorentsi irobameetsatero asankane aisati irishintsitakaajeitajee antantyarori ikoakeri.
Paita piyotabakeri
-
¿Jaanika amaneri?
-
¿Jaoka ankantyari amane?
-
¿Jaoka okantari amitakotee amanantsi?
PAMENERO PASHINIPEE
Piyotero ankero Bibiria isampitakoyetiro atiri amanantsi.
“Siete preguntas sobre la oración” (La Atalaya, 1 de octubre de 2010)
Piñanatero paita okameetsatantari pamane aisati jaoka onkantyari pamaneri Tasorentsi kameetsa.
“¿Por qué es importante orar?” (Oka sankenarentsi otimi jw.org)
Piyotero obametakotiro Bibiria jaanika amaneri.
“¿Está bien rezar a los santos?” (Oka sankenarentsi otimi jw.org)
Pamenero shiakaantsika jaoka pamaneriri Tasorentsi aisati jaoka onkarate.
