YOTAANTSI 10
¿Paita okameetsatantari pampatotya jeri kemisantiriri Yioba?
¿Pijaitimpa yapatotantari kemisantiriri Yioba? Terika pijateji, pipashibentakaarorika pampatotya aisati pisampitemparika: “¿Paita yantajeitiri kemisantiriri Yioba irapatotaantsiteki? ¿Paita yapatotapinijeitantari? ¿Kameetsampa nampatotya aisati narori?”. Aka yotaantsika piyotero jaoka okantari amitakotempi apatotaantsipee pishaninkatantajeariri Tasorentsi aisati pintimantyari kameetsa.
1. ¿Paita ampatotantyari?
Aparoni sankenatakerori Bibiria yobametakee paita okameetsatantari ampatotya, ikantake iriori: “Nampatojeitearica, noncante: Picameetsati” (Salmos 22:22). Meeka, kemisantiriri Yioba yapatotabakaajeita, irotake ikimoshirejeitantari, maaroni nampitsipeeki yapatojeita inkantakotantyariri Tasorentsi, impampoyeakobentantyariri aisati iramanakotantyariri. Yantajeitiro oka maaroni semanapeeki, aisati osarentsipeeki yantiro antyaroite apatotaantsi.
2. ¿Paita piyoteri apatotaantsipeeki?
Apatotaantsipeeki piyotakotero Iriñane Tasorentsi amitakotantempiri pimatero maaroni ikantakantiri Tasorentsi (piñanatero Deuteronomio 17:19). Ariorika pampatotya piyotakoteri Yioba jaoka ikantari, piyotirorika irinti inintasanojeitakee pinkoasanote pishaninkatajeari, aisati piyotero jaoka inkantyari irisabikakayempi kimoshire (Salmos 32:8).
3. ¿Jaoka inkantyari iramitakotempi apatojeitachari?
Ikantee Yioba “anquenqueshirejeiteri itsipapee: anintajeiteri aisati ancavintsaajeiteri. Timatsi ayemisantaririnte caari pocapinitatsi inquemisante: eiro piquempejeitaritsi avirori” (Ijorioririnte 10:24, 25). Apatotaantsiteki piñeri atiripee inintabakaajeita aisati koatsiri iriyoteri Tasorentsi kempe abiro. Aitake oimoshirenkayempi Bibiria (piñanatero Oromasati 1:11, 12). Pimatero pinkenketsatakayeri timashitachari aisati yora aabakaachari amabetirori paitapeerika pomerentsi. Irotake ikoantari Yioba pampatotapinitya.
PIYOTASANOTERO YOTAANTSIKA
Tsame amenero jaoka okantari irapatotaantsite kemisantiriri Yioba aisati paita okameetsatantari ajatashitantyarori.
4. Irapatotaantsite kemisantiriri Yioba
Itimabeitani iroamereni Jesoshi (ikanteetiri siglo primero), iriorijei yapatotapinijeitani (Oromasati 16:3-5). Piñanatero Corosashisati 3:16 aisati pinkenketsatabakaajeitya:
-
¿Paita yapatojeitantari iroamereni Jesoshi?
Meeka aisati kemisantiriri Yioba yapatojeita apatotaantsipankopeeki. Piyotantyarori jaoka okantari yapatojeitantari pamenero SHIAKAANTSI. Impoiji pamenero shiakaantsiki kaari shebatacha jaoka okantari apatotaantsi, aisati pinkenketsatabakaajeitya:
-
Irapatotaantsite kemisantiriri Yioba, ¿okempetarompa okantiri Corosashisati 3:16? ¿Paitakea?
-
Piñantakarori shiakaantsi shebatachari orampa kaari shebatacha, ¿paita pinebetabakari apatotaantsipee?
Piñanatero 2 Corintosati 9:7 aisati pinkenketsatabakaajeitya:
-
Irapatotaantsiteki kemisantiriri Yioba, ¿paita kaari yamanakotantee kireki?
Abiro jeri yora obametimpiri pamenero paita piyotakoteri otsipaniki apatotaantsi.
-
¿Paita timatsiri apatotaantsiki pinebetari?
¿Piyoitimpa?
Otimi jw.org jaoka napatojeitari aisati jaoka onkarate.
-
Apatotaantsite otimi ñanarentsipee aisati shiakaantsipee. Ariorika intyaro aisati ontsonkanakea ampampoye aisati amane.
-
Yora apatojeitachari irimatero irobankero irako iriñanatantyari.
-
Maaroni irimatero irampatotya, shirampari, tsinane, antyaripee aisati jananekipee.
-
Irapatotaantsite kemisantiriri Yioba te ompinatyaji aisati te inkoakotante kireki.
5. Pishintsiperote pampatotantyari
Ankenkeshireakoteri ishaninkapeeni Jesoshi. Isaikabeitani Nasareteki, yaniijeiti osheki ijatashitantyarori templo Jerusareniki, okarati maba kitaiteri yaniiti otishipeeki, yantapinitiro oka osarentsipeeki. Piñanatero Irocashi 2:39-42 aisati pinkenketsatabakaajeitya:
-
¿Opomerentsitimotarimpa irijajeite Jerusareniki?
-
Pampatotyarika, ¿paitame ompomerentsitimotempime abirori?
-
¿Kameetsampa pishintsiperote pampatotantyari? ¿Paitakea?
Obametee Bibiria okameetsatasanoti ampatotya ankemisantantyariri Yioba. Piñanatero Ijorioririnte 10:24, 25 aisati pinkenketsatabakaajeitya:
-
¿Paita ametantyarori ampatotapinitya?
APAROPEE ATIRI IKANTI: “Nomatero nonkemisanteri Tasorentsi nobankoki, ¿paita nampatotantyari?”.
-
¿Paita ikoakakeeri Yioba, paita sankenarentsi orampa kempetachari oinijaimpiri?
EIRO PIPEAKOTAROTSI
Ariorika pampatotya piyotakoteri Yioba, pishaninkatajeari iriori aisati pinkarateri itsipapee pinkemisantantyariri.
Paita piyotabakeri
-
¿Paita ikoantari Yioba ampatotya?
-
¿Paita piyoteri yapatotantari kemisantiriri Yioba?
-
¿Jaoka onkantyari amitakotempi pijaterika apatotaantsiki?
PAMENERO PASHINIPEE
¿Pipashibentakaarompa pijate apatotaantsiki? Aparoni pashibentachari inebetakaro apatotaantsi, pamenero paitakea.
¡Eiro nopeakotarotsi jaoka okantakari yobetsajeitakena! (4:16)
Piñeri aparoni ebankari nebetarori apatotaantsipee aisati piyotero paita yantakeri yapatotapinitantari.
Piyotero paita ikantakotirori atiripee apatotaantsipee.
“¿Por qué estaría bien ir a las reuniones en el Salón del Reino?” (Oka sankenarentsi otimi jw.org)
Aparoni piatsatachari iyotakero apatotaantsi irotake ijatantakari. Piñanatero iyenkitsare.
“No iba a ningún lado sin mi arma” (La Atalaya, 1 de julio de 2014)
