YOTAANTSI 11

Jaoka onkantyari añanatasanotero Bibiria

REPRODUCIR EN

¿Pikenkeshireakampa eiro pimatirotsi pantabeetiri? Eiro opomerentsitimotantimpitsi pantabeere, timatsi pinijantareakero pantabeetantyari. Añanatero Bibiria okempeta antabeere, pisampitarika: ¿Jaoka nintyarori noñanatero? Oka yotaantsi amitakotempi pinebetantyarori piñanatero Bibiria.

1. ¿Paita añanatantyarori Bibiria kitaiteripeeki?

Yora ñanatirori “irineane Tasorentsi” maaroni kitaiteripeeki kimoshire inkantya aisati intime kameetsa (piñanatero Salmos 1:1-3). Pintyaro piñanatero kapichaji minuto kitaiteripeeki. Ariorika piyotero Iriñane Tasorentsi aikero pinebetyaro piñanatero.

2. Pikoakerika amitakotempi Bibiria, ¿paita panteri?

Obametantempiri Bibiria pinkenkeshireajero piñanatabakeri. Okameetsabeta piñanatero isankenare Tasorentsi, iro kantaincha okameetsatasanoti “pinquenqueshiretapinitero” (Josué 1:8). Ariorika piñanatero Bibiria, pisampitya: “¿Paita okantakotiriri Yioba sankenarentsika? ¿Jaoka onkantyari nonkemisantero noñanatakeri? Aisati, ¿jaoka onkantyari nobameteri itsipapee niyotabakeri?”.

3. ¿Jaoka onkantyari nonashitakayearo notiempote noñanatantyarori Bibiria?

¿Opomerentsitimotimpimpa pinashitakayearo pitiempote piñanatantyarori pibibiriate? Maaroni abishimotakee oka, iro kantaincha Tasorentsi iramitakotempi pinkeariobentantyarori “pantero kameetsayetatsiri” (Ejesosati 5:16). Pamenero jaoka onkarate piñanatero Bibiria. Aparopee iñanatiro kapichakitaiteni, pashini iñanatiro tampatika ariorika intsonkero iroyea, aisati pashini iñanatiro tekeratsita irimaye tsiteniriki. ¿Jaoka onkarate abirori piñanatantyarori Bibiria?

PIYOTASANOTERO YOTAANTSIKA

Pamenero paita anteri eiro ashemantarotsi añanatero Bibiria. Aitake añerori amitakotaantsipee amatantyarori ayotasanotero.

Okempeta ayotakero abaro obanarontsi kaari anebeta, aisati amatero anebetyaro añanatero Bibiria.

4. Piñanaterorika Bibiria ari pinebetanakearo

Okomitimotimpirika piñanatero Bibiria, pinkenkeshirempa: Peerani te pinebetyaroji aparopee obanarontsi, iro kantaincha meeka pinebetaro. Ora Bibiria okempetaro obanarontsi, ari pinebetyaro piñanatero. Piñanatero 1 Petero 2:2 aisati pinkenketsatabakaajeitya:

Piñanaterorika Bibiria maaroni kitaiteripee, ¿arimpa pinebetakearo piñanatero?

Pamenero SHIAKAANTSI piyotantyariri ebankaripee nebetarori iñanatiro Bibiria. Impoiji pinkenketsatabakaajeitya:

SHIAKAANTSI: Ebankaripee nintirori Iriñane Tasorentsi (5:33)

¿Paita pomerentsipee yanaakotakeri ebankaripee?
¿Paita amitakotakeriri kaari imaotanta?
¿Paita yantakeri inebetantakarori iñanatiro Bibiria?

Pintantyarori piñanatero:

Pamenero traducción kaari komitimotimpi. Piñanatero Traducción del Nuevo Mundo otimirika piñane.
Pintyaro piñanatero kenkitsarentsi pinebetari. Pamenero “Pintantyarori piñanatero pibibiriate”.
Picharinkero jaoka pobekareanakari. Pajirikero sankenarentsi “Jaoka pobekareanakari piñanatakero Bibiria”.
Payero aplicación JW Library^®. Ariorika pobajero picerorariteki jaokapeerika, ari pimatakero piñanatero Bibiria aisati pinkemero jaokarika pikenayetiri.
Piñanatero timatsiri Traducción del Nuevo Mundo. Aitake piñerori mapapee, tablapee aisati glosario amitakotempine piñanatasanotero pibibiriate.

5. Tekera piñanatero Bibiria pobetsikea

Piñanatero Salmos 119:34 aisati pinkenketsatabakaajeitya:

¿Paita pamanantyariri Tasorentsi tekera piñanatero Bibiria aisati sankenarentsika?

¿Paita panteri piyotasanotantyarori sankenarentsika? Ariorika piñanatero yotaantsipee pantero oka:

Piñanatero maaroni oparitsa intarori yotaantsipeeki.
Pamenero sankenatachari Bibiriaki, impoiji piñanatero aisati pinkenkeshirempa paita okantakotiri.
Picharinkero ñantsi akiri sampitaantsipee. Okapee ñantsi amitakotempi piñanatantyarori jeri obametempine.

¿Piyoitimpa?

Peerani kemisantiriri Yioba aakero pashinipee traducción, iro kantaincha meeka anintasanotiro Traducción del Nuevo Mundo, tempa oka sankenarentsi okamantee keariosanotatsiri kaari komitacha, aisati okonijati ibajiro Tasorentsi (pamenero timatsiri jw.org: “¿Tienen los testigos de Jehová su propia Biblia?”).

APAROPEE ATIRI IKANTI: “Te onimotenaji noñanatero Bibiria. Te añeroji notiempote noñanatantyarori”.

Abiro, ¿paita pikantiri?

EIRO PIPEAKOTAROTSI

Pikoakerika piyotasanotero Bibiria, okameetsati pinashitakayearo pitiempote. Pamaneri Tasorentsi iramitakotantempiri piyotasanotero, aisati pobetsikempa piñanatantyarori sankenarentsika.