YOTAANTSI 13
Kemisantashiyetachari itseeyakotari Tasorentsi
Ikanti kemisantashiyetachari ikemisantiri Tasorentsi, ¿paitakea yantantarori antyaroite kaari kameetsatatsi? Tempa iriojeitake tseeyachari. Maaroni ikantayetiri, yantayetiri itseeyakotari Tasorentsi. Ariorika iñiro Tasorentsi okapee, ¿jaoka ikantanentari? ¿Jaoka inkanteriri iriorijei?
1. ¿Jaoka okantari yobametantiri tseeyakotariri Tasorentsi?
Yora kemisantashiyetachari “iosanojeivetari jaoca icanta Tasorentsi, iro cantaincha yamatavijeitaja irisati” (Oromasati 1:25). Iriorijei te iriñanateroji ibajiro Tasorentsi, iro kantaincha okanti Bibiria okameetsati añanatero ibajiro Tasorentsi abentantyariri (Oromasati 10:13, 14). Aparopee jibatakaajeitiriri kemisantashiyetachari ikantashita yoasanketairi Tasorentsi atiripee. ¡Oka irotake tseeyantsi! Te iri kantakayearone abisayetatsiri kaari kameetsatatsi (piñanatero Santiaco 1:13). Osheki atiri kemirori oka tseeyantsi yojokanakeri Tasorentsi.
2. ¿Jaoka okantari yantayetiri tseeyakotariri Tasorentsi?
Yaakameetsatiri Yioba atiripee, iro kantaincha kemisantashiyetachari te iraakameetsajeiteriji. Okanti Bibiria: “Oshequi catsini antapinitiro caari cameetsatatsi” (Irantayeteri Jesoquirishito 18:5). Peerani irosati meeka yantiro kemisantashiyetachari poritica, aisati ishinetakota yobabakaa osheki atiripee obayeritantsiki. Aparopee jibatakaajeitiriri kemisantashiyetachari otimimotiri osheki irobaararo, ishintsinatiri oijajeitiriri imperi kireki. Yokapee kemisantashiyetachari te irishaninkatyariji Tasorentsi, te inkeariobenteneriji (piñanatero 1 Joa 4:8).
3. Ariorika iñiro Tasorentsi yantayetiri kemisantashiyetachari, ¿jaoka ikantanentari?
Pitsimarorika yantayetiri kemisantashiyetachari, ¿jaoka ikantanentari Yioba? Ikisanentiri jibatakaajeitiriri kemisantashiyetachari. Iriorijei itseeyakotari Tasorentsi, aisati yoashinonkairi oijajeitiriri. Inintajeitiri Tasorentsi atiripee, irotake intsonkasanojeitantyariri kemisantashiyetachari, ‘tekatsi ñajerineri’ (Irantayeteri Jesoquirishito 18:21). Kapichanibaniji imporokeri maaroni kemisantashiyetachari (Irantayeteri Jesoquirishito 18:8).
PIYOTASANOTERO YOTAANTSIKA
Tsame ayotero paita ikantakotiriri Yioba kemisantashiyetachari, paita yantayetakeri iriorijei. Aisati ayotero ankeariobenteneri Yioba intimabetya kemisantashiyetachari.
4. Te iriñakameetsateroji Tasorentsi maaroni rerigioni
Osheki atiripee ikanti: ‘Maaroni rerigioni areetakayeari Tasorentsi’. ¿Keariompa oka? Piñanatero Mateo 7:13, 14 aisati pinkenketsatabakaajeitya:
-
¿Jaoka okantari abotsi ayeeneni onkantyani antimaje?
Pamenero SHIAKAANTSI aisati pinkenketsatabakaajeitya:
-
¿Obametantimpa Bibiria osheki rerigionipee areetakayeari Tasorentsi?
5. Te inkempetyariji kemisantashiyetachari Tasorentsi
Osheki kemisantashiyetachari itseeyakotakari Tasorentsi, ishinetakotaka otimake manataantsipee. Piyotantyarori yantayetakeri pamenero SHIAKAANTSI. Impoiji pinkenketsatabakaajeitya:
-
Antyaroki apitetatsiri manataantsi, ¿paita yantakeri kemisantashiyetachari?
-
¿Paita pikantiri abirori, kameetsampa yantayetakeri kemisantashiyetachari?
Piñanatero Joa 13:34, 35 aisati 17:16. Impoiji pinkenketsatabakaajeitya:
-
Yamitakotiri kemisantashiyetachari anta imanatabakaa, ¿jaoka ikantanentari Yioba?
-
Yora kemisantashiyetachari irio kantakaakarori otimi ashinonkantsi, ¿piñakerompa oka abiro, paita piñakeri?
Te inkempetyariji kemisantashiyetachari Tasorentsi nintantatsiri.
6. Ikoake Tasorentsi eiro akaratiritsi kemisantashiyetachari
Piñanatero Irantayeteri Jesoquirishito 18:4 a aisati pinkenketsatabakaajeitya:
-
Ikoake Tasorentsi eiro akaratiritsi kemisantashiyetachari, ¿kameetsampa oka, paita pikantiri abiro?
7. Aikero ajatatiye ayotasanoteri Tasorentsisanori
Piñakerorika kemisantashiyetachari yantakero kaari kameetsatatsi, ¿okameetsatimpa pinkisanenteri Tasorentsi? Ariorika piñeri shirampari kameetsa yobametiri itomi, iro kantaincha yoka te inkemisanteriji iriri, yojokanakero ibanko aisati yantayetiro kaari kameetsatatsi. ¿Paita pikantiri abiro, irimpa iriri kantakaakarori yantiro itomi kaari kameetsatatsi?
-
¿Irimpa Yioba kantakaakarori yantayetiri kemisantashiyetachari? Piñakerorika yantayetakeri kemisantashiyetachari, ¿okameetsatimpa pojokanajeri Tasorentsi?
APAROPEE ATIRI IKANTI: “Te nonkoaje nonkemisantajeri Tasorentsi, tempa kemisantashiyetachari yamiro pomerentsi”.
-
¿Keariompa, paita pikantiri abiro?
-
Piyotirorika yantiro kaari kameetsatatsi kemisantashiyetachari, ¿paita eiro pikisanentantaritsi Tasorentsi?
EIRO PIPEAKOTAROTSI
Ikantayetiri aisati yantayetiri kemisantashiyetachari itseeyakotari Tasorentsi. Kapichanibaniji iriori imporokajeiteri.
Paita piyotabakeri
-
¿Paita pikenkeshireakotirori yantayetiri kemisantashiyetachari?
-
¿Paita ikenkeshireakotiriri Yioba kemisantashiyetachari?
-
Koajikani, ¿jaoka inkanteriri Tasorentsi kemisantashiyetachari?
PAMENERO PASHINIPEE
Piñanatero paita kaari iñakameetsatantaro Tasorentsi osheki rerigionipee.
“¿Nos acercan a Dios todas las religiones?” (Oka sankenarentsi otimi jw.org)
¿Paitakea ikoantari Yioba ankarateri ayemisantaririnte?
“¿Es necesario pertenecer a una religión?” (Oka sankenarentsi otimi jw.org)
Te irinebetyaroji saserote jaoka okantari irerigionite, iro kantaincha ikoasanotaji iriyotasanoteri Tasorentsi.
“Un sacerdote abandona la Iglesia” (¡Despertad!, febrero de 2015)
Peerani irosati meeka kemisantashiyetachari itseeyakotakari Tasorentsi, aisati yobametakeri atiripee yoashinonkairi Tasorentsi. Piyotero maba yamatabitiri.
“Mentiras que nos alejan de Dios” (La Atalaya, 1 de noviembre de 2013)
