YOTAANTSI 16
¿Paita yantakeri Jesoshi isaikabeitani kipatsiki?
Aparopee atiri ikenkeshirea irinti Jesoshi jobentsi, pashini ikanti irinti iotinkari kamantantatsiri aisati itsipapee atiri ikanti irinti shirampari ashinonkachari. Ariorika piñanatero abishimotakeriri Jesoshi ari piyotasanoteri. Aka yotaantsikika piyotero yantayetakeri Jesoshi kipatsiki, aisati okameetsatasanoti piyotero oka.
1. ¿Paita jibatatsirini yantabeetini Jesoshi?
Jibataintsiri ikamantanti Jesoshi “itsipapee atiri ipincatsariventajeitiri Tasorentsi” (piñanatero Irocashi 4:43). Ikamantakotakero Jesoshi ariorika impinkatsaribentajeitee iroimpeajero Tasorentsi pomerentsitimotariri atiripee. a Ikamantantakero Jesoshi oka kameetsari kamantaantsi okaratake maba osarentsi aisati seis kashiri (Mateo 9:35).
2. ¿Paita yantantakarori Jesoshi oka itasonkakobenti?
Okanti Bibiria “Itasoncantayeti [Jesoshi] imayetaquero caari aneapiniti […]. Tempa irio Tasorentsi matacaaqueriri” (Itiancaneni Jesoshi 2:22). Ishintsinka Tasorentsi omatakaakeri Jesoshi yoimajerentakero antyaro inkajare, yobabisakotajiri jokiiyetachari aisati yoitinaajiri kamaintsiri (Mateo 8:23-27; 14:15-21; Maricoshi 6:56; Irocashi 7:11-17). Maaroni yantayetakeri Jesoshi yoinijakee iriotake Jesoshi itiankane Yioba aisati irimatero intsonkero pomerentsiyetatsiri.
3. ¿Paita imatakeri Jesoshi?
Okantani Jesoshi ikemisantakeri Tasorentsi Yioba (piñanatero Joa 8:29). Itimabetaka tsañakotiriri aikero yantiro Jesoshi ikoakaakeriri iriri, yoinijaakeero ari imatakero atiripee inkemisanteri Tasorentsi otimabetaka pomerentsi. Okameetsati “pinquenqueshireteri iriori Quirishito: oshequi ineacatsitimentaquempi, icoaque pinquempeteari” (1 Petero 2:21).
PIYOTASANOTERO YOTAANTSIKA
Tsame ayotero jaoka okantakari Jesoshi ikamantakotakero kameetsari kamantaantsi aisati jaoka okantakari itasonkantayetake.
4. Ikamantantiro Jesoshi kameetsari kamantaantsi
Yaniiyetake kimota Jesoshi, ikenakenayetanake abotsipeeki ikamantayetiri atiripee kameetsari kamantaantsi. Piñanatero Irocashi 8:1 aisati pinkenketsatabakaajeitya:
-
¿Yobametirimpa Jesoshi apinti pokashitiriri?
-
¿Paita yantakeri Jesoshi iriñantyariri atiripee?
Ikamantakotakeri Tasorentsi Mesiashi, irio kamantakoterone kameetsari kamantaantsi. Piñanatero Irocashi 4:17-19 aisati pinkenketsatabakaajeitya:
-
¿Jaoka okantakari Jesoshi imonkaratakero oka kamantaantsi?
-
¿Pikoimpa inkemajeitero atiripee oka kameetsari kamantaantsi?
5. Yobametantiri Jesoshi iro kameetsatatsiri
Ikamantakotakero Jesoshi ipinkatsaritantari Tasorentsi aisati yobametakeri atiripee intimantyari kameetsa. Tsame ayotakotero Sermón del Monte ikenketsatakeri Jesoshi anta tonkaariki. Piñanatero Mateo 6:14, 34 aisati 7:12. Impoiji pinkenketsatabakaajeitya:
-
¿Paita ikenkijakeriri Jesoshi atiripee?
-
Okapee kenkijaantsi, ¿amitakotirimpa atiripee?
6. Yobabisakotanti Jesoshi
Ishintsitakaakeri Yioba Jesoshi irobabisakotantyariri atiripee. Piyotantyarori yantayetakeri piñanatero Maricoshi 5:25-34 aisati pamenero SHIAKAANTSI. Impoiji pinkenketsatabakaajeitya:
-
¿Paita oshiretakari oka tsinane?
-
¿Paita pinebetari oyenkitsare tsinane?
Piñanatero Joa 5:36 aisati pinkenketsatabakaajeitya:
-
¿Paita ayotabakeri yobabisakotantake Jesoshi?
¿Piyoitimpa?
Okarati cuatro sankenarentsi ikanteetiri Evangelio otimi iyenkitsare Jesoshi. Sankenatakerori irinti: Mateo, Maricoshi, Irocashi aisati Joa, okapee sankenarentsi amitakotee ayotantyarori yantayetakeri Jesoshi aisati jaoka ikantayetari.
-
MATEO
iriotake jibatatsiri sankenatakerori Evangelio, isankenare Mateo okanti jaoka okantakari ikamantakotakero Jesoshi ipinkatsaritantari Tasorentsi.
-
MARICOSHI
isankenatakero orijaniki Evangelio, iro kameetsari sankenarentsi.
-
IROCASHI
ikamantakotee jaoka onkantyari amaneri Tasorentsi, aisati yaakameetsatakero Jesoshi tsinanepee.
-
JOA
ikamantakotee jaoka ikantayetari Jesoshi aisati jaoka okantakari ikenketsatakairi Jesoshi itsipabintsarepee aisati itsipapee atiri.
APAROPEE ATIRI IKANTI: “Iriotake Jesoshi Tasorentsi”.
-
¿Paita pikantiri abirori?
EIRO PIPEAKOTAROTSI
Ikamantakotakero Jesoshi ipinkatsaritantari Tasorentsi, yobabisakotantake, aisati okantani ikemisantiri Yioba.
Paita piyotabakeri
-
¿Paita jibatatsirini yantabeetini Jesoshi kipatsiki?
-
¿Paita ayotabakeri itasonkantayetake Jesoshi?
-
¿Paita ikenkijakeri Jesoshi antimantyari kameetsa?
PAMENERO PASHINIPEE
¿Paita jibatatsiniri yobametantake Jesoshi?
“¿Por qué es importante para Jesús el Reino de Dios?” (La Atalaya, 1 de octubre de 2014)
Piyotero keariorika itasonkantayetake Jesoshi.
“Los milagros de Jesús: ¿qué puede aprender de ellos?” (La Atalaya, 15 de julio de 2004)
Iyotakero shirampari ikenkeshireakotiri Jesoshi atiripee, irotake ipashinitantajari.
“Lo más importante de mi vida era yo” (La Atalaya, 1 de octubre de 2014)
Piñanatero maaroni yantayetakeri Jesoshi isaikabeitani kipatsiki.
“La vida de Jesús en la tierra” (La Biblia. Traducción del Nuevo Mundo, apéndice A7)
a Yotaantsiki 31 irosati 33 aikero piyotajero jaoka onkantyari impinkatsaribentante Tasorentsi.
