YOTAANTSI 17
¿Jaoka ikantarini Jesoshi?
Ariorika ayotero yantayetakeri Jesoshi isaikabeitani kipatsiki, amatero ashaninkatajeari iriori aisati ashaninkatajeari iriri. ¿Jaoka ikantayetari Jesoshi? ¿Jaoka onkantyari ankempetantyariri?
1. ¿Jaoka okantari ishiari Jesoshi iriri?
Osheki osarentsi itimitani Jesoshi inkiteki, yameniro jaoka okantari yantabeeti iriri, irotake iyotantakari ikenkeshirea ikempetakari iriri (piñanatero Joa 5:19). Maaroni yantayetiri Jesoshi okempetaka yantayetiri iriri, irotake ikantantakari Jesoshi: “Maaroni neaquenari, ineaqueri Apa iriori” (Joa 14:9). Ariorika piyotasanoteri Jesoshi ari pimatakero piyotasanoteri Yioba aisati. Ineshinonkatakeri Jesoshi atiripee irotake ayotantari yashi yoiro ineshinonkajeitee Yioba.
2. ¿Jaoka okantakari yoinijakeri Jesoshi inintiri iriri?
Ikantake Jesoshi: “Meeca iriojeitanaquero atiri nonintiri Apa, tempa nantapinitiniri paitarica inintacaaquenari” (Joa 14:31). Itimabeitani Jesoshi kipatsiki okantani ikemisantakeri iriri, opomerentsitimobetakari aikero ikemisantiri tempa inintasanotiri. Onimotiri Jesoshi iñabeetakotiri iriri, aisati yamitakotiri itsipapee atiri intsipabintsatantyariri Tasorentsi (Joa 14:23).
3. ¿Jaoka okantari yoinijakeri Jesoshi inintiri atiripee?
Okanti Bibiria inintasanotiri Jesoshi atiripee, ikabintsairi aisati yamitakotiri, te iranteroji oka impeeyetantyariri kireki. Itasonkantayetake Jesoshi yoinijantaka iriotake shintsitatsiri aisati neshinonkatantatsiri (Maricoshi 1:40-42). Yaakameetsatakeri Jesoshi atiripee, iñabeetiri oimoshirenkiri kemajeitiriri, yashinonkaimentakari aisati ikamimentakeri. Inintajeitiri Jesoshi maaroni atiripee, iro kantaincha inintasanotiri kemisantajeitiriri (piñanatero Joa 15:13, 14).
PIYOTASANOTERO YOTAANTSIKA
Ayotasanotero jaoka ikantayetari Jesoshi ankempetantyariri, aisati ayotero jaoka okantari inintanti, ineshinonkatanti.
4. Inintiri Jesoshi iriri
Inintiri Jesoshi iriri, okameetsati ankempetyari. Piñanatero Irocashi 6:12 aisati Joa 15:10 jero 17:26. Piñanatabakero sankenarentsika aisati pinkenketsatabakaajeitya:
-
¿Jaoka onkantyari anijantyariri Tasorentsi anintantariri?
Inintasanotiri Jesoshi iriri inkitesati, okantani yamanirini.
5. Ikenkeshireakotirini Jesoshi ashinonkainkari
Ikenkeshireakotirini Jesoshi atiripee, te inkenkeshirempaji apaniyoji. Imaobetaka Jesoshi ishintsiperotake yamitakotantakariri atiripee. Piñanatero Maricoshi 6:30-44 aisati pinkenketsatabakaajeitya:
-
Okanti sankenarentsika, ¿jaoka okantakari yoinijakeri Jesoshi atiripee inintiri? (Pamenero orijaniki 31, 34, 41 aisati 42).
-
¿Paitakea yamitakotantakariri Jesoshi atiripee? (Pamenero orijaniki 34).
-
Tempa Jesoshi yantakero ikempetakari Yioba, ¿paita piyotakotiriri Yioba?
-
Kempe Jesoshi, ¿jaoka onkantyari pintakotyari itsipapee atiri?
6. Iriotake Jesoshi neshinonkantatsiri
Onabetaka tekatsi timimoterine Jesoshi intakotari atiripee. Ikoake iriori aneshinonkateri itsipapee atiri. Piñanatero Itiancaneni Jesoshi 20:35 aisati pinkenketsatabakaajeitya:
-
¿Paita kameetsatatsiri anteri ankimoshiretantyari?
Pamenero SHIAKAANTSI aisati pinkenketsatabakaajeitya:
-
Terika añeroji osheki timimoteene, ¿jaoka onkantyari ampashitantya?
¿Piyoitimpa?
Okanti Bibiria amaneri Yioba ibajiroki Jesoshi (piñanatero Joa 16:23, 24). Yamitakotee Jesoshi ashaninkatajeari Yioba, irotake amanantariri Tasorentsi ibajiroki Jesoshi.
APAROPEE ATIRI IKANTI: “Te iramitakoteriji Tasorentsi ashinonkachari”.
-
¿Jaoka okantari yoinijee Jesoshi yamitakotee Tasorentsi?
EIRO PIPEAKOTAROTSI
Inintiri Jesoshi Yioba aisati inintajeitiri atiripee. Tempa Jesoshi ikempetari iriri, ayotasanoteririka Jesoshi aisati ayotasanoteri Yioba.
Paita piyotabakeri
-
Tempa piyotabakeri Jesoshi, ¿jaoka onkantyari poinijantyariri Yioba pinintantariri?
-
Tempa piyotabakeri Jesoshi, ¿jaoka onkantyari poinijantyariri atiripee pinintajeitantariri?
-
¿Paita pinebetakotariri ikantari Jesoshi?
PAMENERO PASHINIPEE
Piyotero jaoka ikantari Jesoshi pinkempetantyariri.
“Imitemos el ejemplo de Jesús” (Jesús: el camino, la verdad y la vida, página 317)
Piyotero paita okameetsatantari ankenkeshireajeri Jesoshi ariorika amaneri Tasorentsi.
“¿Por qué orar en el nombre de Jesús?” (La Atalaya, 1 de febrero de 2008)
¿Okamantakotirompa Bibiria jaoka okantakari iboro aisati ibatsa Jesoshi?
“¿Qué aspecto físico tenía Jesús?” (Oka sankenarentsi otimi jw.org)
Yaakameetsatakero Jesoshi tsinanepee, ¿paita obametakotimpiri oka?
“Dios respeta y valora a la mujer” (La Atalaya, 1 de septiembre de 2012)
