YOTAANTSI 19
¿Iritakempa kemisantiriri Yioba kemisantaperotatsiri?
Irinti kemisantiriri Yioba kemisantaperotatsiri. Piyotero yobametantayetiri, inintabakaajeita, aisati piyotakotero paita ijitantari kemisantiriri Yioba.
1. ¿Jaoka yairori kemisantiriri Yioba yobametantiri?
Peerani ikantakeri Jesoshi Tasorentsi: “Ora pineane, irootaque queariotasanotatsiri” (Joa 17:17). Kempe Jesoshi maaroni kemisantiriri Yioba ikantani ikemisantiro Iriñane Tasorentsi. Piyotero intantanakarori kemisantiriri Yioba. Osarentsiki 1870, aparopeeni atiri ishitoriatirori Bibiria yamenasanotakero Iriñane Tasorentsi ikisabetakari jibatakantirori iglesia, yokapee aikero imonkaratakero okantayetiri Bibiria, aisati intanakaro ikamantantakero keariotatsiri. a
2. ¿Paitakea apajitantari kemisantiriri Yioba?
Akamantakotiro kemisantaperotatsiri keariosanori okantiri Bibiria, irotake ipajitantakeeri Tasorentsi kemisantiriri Yioba (Ijorioririnte 11:4-12:1). Peerani ikantakeri Yioba inampi: “Abirojeitake kemisantanari” (piñanatero Isaías 43:10, TNM). Tempa Jesoshi ikamantakotiri iriri, iriotake “ovaajeerori ora icantaqueeri Tasorentsi” (Irantayeteri Jesoquirishito 3:14). Osarentsiki 1931 akoyeakero apajitaka kemisantiriri Yioba (iriñaneki birakocha testigos de Jehová). Kimoshire akantanenta apajitakotaro oka ibajiro.
3. ¿Jaoka ikantari yoinijanta kemisantiriri Yioba inintabakaajeita?
Inintasanotiri Jesoshi iroamereni ikempetakantari ishaninkasanori (piñanatero Maricoshi 3:35). Aisati meeka kemisantiriri Yioba ishaninkatabakaajeita, irotake ikantabakaajeitantari “iye”, “jaiji”, “tsio”, “eentyo” (Jiremona 1, 2). Ikemisantiro oka kantakantaantsi “pinintajeiteri ayemisantaririnte” (1 Petero 2:17). Inintasanotiri maaroni iyemisantaririnte, ariorika otimi pomerentsi intakojeitari.
PIYOTASANOTERO YOTAANTSIKA
Piyotero jaoka okantari intantanakarori kemisantiriri Yioba aisati piyotero iriojeitake kemisantaperotatsiri.
Yora kemisantiriri Yioba yairo Bibiria yobametantariri atiripee.
4. Abametanti okantayetiri Bibiria
Peerani ikamantakee Yioba ari amatero ayotasanotero okantayetiri Bibiria. Piñanatero 2 Corintosati 4:6 aisati pinkenketsatabakaajeitya:
-
Iriñanaterorika kemisantajeitatsiri Bibiria, ¿paita iriyoteri?
Piyotero jaoka okantakari iñanatakero Iriñane Tasorentsi Charles Russell jeri itsipapee ikaratiri. Pamenero SHIAKAANTSI aisati pinkenketsatabakaajeitya:
-
¿Jaoka okantajari iyotajiro Iriñane Tasorentsi Charles Russell jeri ikarajeitiri?
¿Piyoitimpa?
Peerani te ayobeityaroji maaroni okantiri Bibiria, kapichaji kapichaji iyotakaajeitakee Tasorentsi. Okempetakaro okitaityamani, kapichaji kapichaji ishipakireanake katsirinkaiteri irosati okitaityamanaji (piñanatero Proverbios 4:18). Ayotantajarori keariosanori okantiri Bibiria, akoanake ankamantajeri itsipapee atiri.
5. Akamantakotiri Yioba
¿Paita akoantakari apajitaka kemisantiriri Yioba? Pamenero SHIAKAANTSI aisati pinkenketsatabakaajeitya:
-
¿Paitakea apajitantari kemisantiriri Yioba?
Osheki itseeyakoyeetakari Tasorentsi Yioba, irotake ikoyeantakariri iriori kamantakotajerineri irinti keariotatsiri. Tsame ayotakotero apite tseeyantsi.
Ikanti kemisantashiyetachari ikoake Tasorentsi amanakoteri kempe iriori yobetsikashitari ijitasorentsitiri, ¿keariompa oka? Piñanatero Levítico 26:1 aisati pinkenketsatabakaajeitya:
-
Piñanatakero sankenarentsika, ¿paita ikantakotiriri Tasorentsi ijitasorentsitashiyeetari?
Yobametantiro jibatakairiri kemisantashiyetachari Jesoshi iriotake Tasorentsi, ¿keariompa oka? Piñanatero Joa 20:17 aisati pinkenketsatabakaajeitya:
-
Piñanatakero sankenarentsika, ¿iritakempa Jesoshi Tasorentsi? ¿Paita ikantakeri Jesoshi?
-
Piyotantakarori itiankakeri Tasorentsi kemisantiriri yobametantimpiri, ¿jaoka pikantanentari?
6. Anintabakaajeita
Okanti Bibiria kemisantaperotatsiri ikempetaro ibatsa atiri. Piñanatero 1 Corintosati 12:25, 26 aisati pinkenketsatabakaajeitya:
-
¿Jaoka inkanteriri kemisantaperotatsiri iyemisantaririnte irashinonkayearika?
-
Piñakotakeriri kemisantiriri Yioba, ¿jaoka okantari inintabakaa?
Inkemakoterorika kemisantiriri Yioba yashinonkaka iyemisantaririnte, intsipaite irijate iramitakoteri. Pamenero SHIAKAANTSI aisati pinkenketsatabakaajeitya:
-
Abisantanajari antyaro tampea, ¿jaoka ikantakari kemisantiriri Yioba yamitakotabakaajeita? ¿Paitakea yamitakotabakaajeitantari?
Ineshinonkatiri kemisantaperotatsiri iyemisantaririnte koiteimotariri amitakoterine.
APAROPEE ATIRI IKANTI: “Yamatabitanti kemisantiriri Yioba”.
-
¿Paita pinkanteriri?
EIRO PIPEAKOTAROTSI
Kemisantiriri Yioba iritake kemisantaperotatsiri. Ashaninkatabakaajeita, akeariobentiniri Yioba, abametantiro Bibiria aisati akamantiri atiripee iriotake Yioba keariosanotatsiri.
Paita piyotabakeri
-
¿Paitakea akoantakari apajitaka kemisantiriri Yioba?
-
¿Jaoka okantari anintabakaajeita?
-
¿Iritakempa kemisantiriri Yioba kemisantaperotatsiri, paita pikantiri abiro?
PAMENERO PASHINIPEE
Piyotero jaoka okantari intantanakarori kemisantiriri Yioba.
Los testigos de Jehová: una historia de fe viva. Parte 1: Salen de la oscuridad (1:00:53)
Piyotero aparoni amatabitantsi iñakeri kemisantiriri Yioba.
Timatsirika pisampitari jaoka ikantari kemisantiriri Yioba. Piñanatero sankenarentsika.
“Preguntas frecuentes sobre los testigos de Jehová” (Otimi jw.org)
Yantironi Stephen kaari kameetsatatsi. Piñanatakotero paitakea ipashinitantajari.
“Mi vida iba de mal en peor” (La Atalaya, 1 de julio de 2015)
a Sankenarentsi pajitachari La Atalaya irotake asankenare sokijapinitatsiri okantani, intanakaro osokijake osarentsiki 1879.
