Ikoake Yioba irobameetsatempa maaroni timayetatsiri (1 Corintosati 14:33, 40). Irotake ikoantari inampi obameetsatempa. ¿Jaoka onkantyari irobameetsatya kemisantajeitiriri Yioba? ¿Jaoka onkantyari amitakotantyariri irobameetsatempa apatotaantsiki?

1. ¿Jaanika jibatakairiri kemisantajeitatsiri?

“Quirishito ipincatsariventajeitiri quemisantajeitiriri” (Ejesosati 5:23). Itimabeta Jesoshi inkiteki iñiro yantayetiri ishaninkaite Yioba aka kipatsiki. Ikoyeakeri Jesoshi aparopeeni jibatakaajeitantatsiri, irinti iriojei “nampirentsi cameetsari, yora iotasanotatsiri”, ipajiyeetiri aisati Cuerpo Gobernante (piñanatero Mateo 24:45-47). Kempe yantayetiro iroamereni Jesoshi, meeka aisati Cuerpo Gobernante ijibatakantiri maaroni kemisantajeitatsiri (Itiancaneni Jesoshi 15:2). Iro kantaincha yokapee jibatakantatsiri kaari ini pinkatsaritatsiri inampiki Yioba, irointikea ikemisantiri Yioba, ikemisantiro iriñane aisati ipinkatsatiri Jesoshi.

2. ¿Jaoka okantari yantabeetantari jibatakantirori?

Yora jibatakantirori apatotaantsi ikemisantasanotiri Yioba, yobametantiro Iriñane Tasorentsi, yamitakotanti aisati yoimoshirenkanti. Yantayetiri iriorijei te inkoakotante kireki. Ikantakeri Tasorentsi “te iro pinquenquetsatacaapinijeitanteariri paitanteariri iirequite, irointi pincoasanotaque pintacojeiteari” (1 Petero 5:1, 2). Yora siervos ministeriales yamitakotiri jibatakantatsiri, irimatero impeanajea jibatakantatsiri aisati.

Ikoyeakeri Cuerpo Gobernante aparopeeni jibatakantatsiri impeantyariri superintendente de circuito. Yokapee ijati nampitsipeeki iñiri iyemisantaririnte, yobametiri, yoimoshirenkiri. Irimatero inkoyeeri kemisantatsiri monkaratirori Bibiria impeantyariri jibatakantatsiri aisati siervos ministeriales (1 Timoteo 3:1-10, 12; Tito 1:5-9).

3. ¿Paita yantiri kemisantiriri Yioba?

Maaroni kemisantatsiri apatojeitachari ibeshireimentari Yioba, ikantakotiri “ikameetsati”, aisati ibeshireakaari Tasorentsi inkamantanterika (piñanatero Salmos 148:12, 13).

 PIYOTASANOTERO YOTAANTSIKA

4. Ijibatakanti Jesoshi kameetsa

Ikantee Jesoshi ‘pimpokashitena’. Piñanatero Mateo 11:28-30 aisati pinkenketsatabakaajeitya:

• Irijibatakanterika Jesoshi, ¿jaoka ankantanentajeari?

5. Yora jibatakantatsiri ikeariobentiro yobametantiri

1. Yora jibatakantatsiri ishiretari Yioba, aisati yamitakojeitiri ishaninkasanori irantero kempe iriori.

2. Yora jibatakantatsiri ikenkeshireakotiri maaroni kemisantatsiri timatsiri apatotaantsiki.

3.   Okantani ikamantanti jibatakantatsiri.

4. Iriotake obametantatsiri. Ikiteyetiro aisati yantiro pashinipee.

6. Amitakojeitiri jibatakantatsiri

Obametee Bibiria amitakoteri jibatakaajeitantatsiri. Piñanatero 1 Tesaronicasati 5:12 aisati pinkenketsatabakaajeitya:

• ¿Paita amitakotantyariri jibatakantatsiri?

Piñanatero Ijorioririnte 13:17 aisati pinkenketsatabakaajeitya:

• ¿Paita okantantari Bibiria ampinkatsateri jibatakantatsiri aisati ankemisanteri?

 EIRO PIPEAKOTAROTSI

Ijibatakantiri Jesoshi maaroni kemisantajeitatsiri, yora jibatakantatsiri ipinkatsajeitiri Jesoshi, arori amitakojeitiri jibatakantatsiri tempa yobamejeitee aisati yamitakojeitee.

Paita piyotabakeri

• ¿Jaanika jibatakairiri kemisantajeitatsiri?

• ¿Jaoka ikantari jibatakantatsiri yamitakotiri iyemisantaririnte?

• ¿Paita yantiri kemisantiriri Yioba?