YOTAANTSI 21
¿Jaanika kamantakotirori meeka kameetsari kamantaantsi?
Kapichanibaniji impinkatsaribentajeitajee Tasorentsi, intsonkero pomerentsitaantsi. ¡Oka kameetsari kamantaantsi ankamantajeiteri atiripee! Ikoakaakeri Jesoshi iroamereni inkamanteri itsipapee (Mateo 28:19, 20). ¿Paita yantakeri kemisantiriri Yioba ikemisantantakariri Jesoshi?
1. Meeka, ¿jaoka okantari omonkarata okantiri Mateo 24:14?
Ikantake Jesoshi: “Pijajeitanaque maaroni quipatsiqui, pincamantajeiteri maaroni atiri nocoaque nompincatsariventajeiteri” (Mateo 24:14). Akoasanoti akamantanti, irotake ajayetantari nampitsipeeki. Akamantiri atiri onashita iriñane osheki, kempe 1.000 ñantsi. Ashintsitasanoti ankamantante maaroni nampitsipeeki, ariorika iramitakotee Yioba ari amatakero.
2. ¿Jaoka ajatiri ankamantantyariri atiripee?
Akamantanti jaokarika itimayetiri atiri. Kempe yantironi peerani kemisantatsiniri, akenakenayeti “pancotsipeequi” (Itiancaneni Jesoshi 5:42). Maaroni osarentsipee ashintsitasanoti ankamantantyariri osheki atiri. Terika añeri ibankoki, akamantanti parikeki orampa mericadoki. Okantani amenayetiri atiripee ankamantantyariri jaoka ikantari Yioba.
3. ¿Jaanika kamantakoterone kameetsari kamantantsi?
Maaroni kemisantaperotatsiri inkamantakotero kameetsari kamantaantsi. Arojei akoasanoti amonkaratero oka, akamantajeitiri atiripee irabisakotantajeari (piñanatero 1 Timoteo 4:16). Tekatsi pinateene antantarori antabeerentsika. Okanti Bibiria: ‘Tecatsi pincoacojeiteri’ iirekite (Mateo 10:7, 8). Te inkoabetyaji inkemisante atiri, aikero ajatati akamantanti, antiro oka ankeariobentantyanariri Tasorentsi Yioba, aisati ankimoshiretakantyariri iriori.
PIYOTASANOTERO YOTAANTSIKA
Ayotero jaoka ikantari kemisantiriri Yioba ikamantiri atiripee nampitsipeeki, aisati ayotero jaoka okantari yamitakotiri Yioba.
Akamantanti maaroni nampitsipeeki: A) Costa Rica, B) Estados Unidos, C) Benín, D) Tailandia, E) Yap (Micronesia), F) Suecia.
4. Ashintsiperoti akamantajeitiri atiripee
Maaroni kemisantiriri Yioba ashintsiperoti akamantanti kameetsari kamantaantsi jaokarika itimayetiri atiripee. Pamenero SHIAKAANTSI aisati pinkenketsabakaajeitya:
-
¿Paita pinebetakotariri yantajeitiri kemisantiriri Yioba?
Piñanatero Mateo 22:39 aisati Oromasati 10:13-15. Impoiji pinkenketsatabakaajeitya:
-
Piñanatakero sankenarentsika, ¿paitakea akamantantariri atiripee?
-
¿Paita ikenkeshireakotiriri Yioba kamantakojeitirori kameetsari kamantaantsi? (Pamenero orijaniki 15).
5. Amitakojeitiri Tasorentsi
Ijibatakantiro Yioba kamantaantsi. Ayotero abisaintsiri nampitsiki Nueva Zelanda. Ijatantakari inkamantante kemisantatsiri Paul pankotsipeeki, ikamantakero aparoni tsinane. Okitaitetamani tsinaneka amanakeri Tasorentsi Yioba, okantakeri okoake iroori iramitakoyeetero oyotasanoteri jaoka ikantari iriori. Ari abisanake maba oratsiri aitake yareetaka Paul obankoki, iposakotapaakero ashitakoro.
Piñanatero 1 Corintosati 3:6, 9 aisati pinkenketsatabakaajeitya:
-
¿Keariompa ijibatakantiro Yioba kamantaantsi? ¿Paita piyotakotiriri abishimotakeriri Paul?
Piñanatero Itiancaneni Jesoshi 1:8 aisati pinkenketsatabakaajeitya:
-
¿Paitakea akoantari iramitakotee Yioba ankamantante?
¿Piyoitimpa?
Yobameyeetee apatotaantsiki ankamantantyari kameetsa. Papatotakarika, ¿onimotakempimpa yobameyeetimpiri pinkamantante?
6. Akemisantiri Tasorentsi ankamantanterika
Itimabeitani iroamerepeeni Jesoshi, itimabetaka kisanentiriri tsañakotaririni aikero ijatati ikamantanti. Yokajei kemisantatsiniri ipiabentakotakaro kamantaantsi aisati ikantani ikamantakotiro “oqueariotasanotaque irineane Tasorentsi” (Jiriposhisati 1:7). Meeka kemisantiriri Yioba yantiro aisati okapee. a
Piñanatero Itiancaneni Jesoshi 5:27-42 aisati pinkenketsatabakaajeitya:
-
¿Paitakea eiro ajokantarotsi akamantanti? (Pamenero orijaniki 29, 38 aisati 39).
APAROPEE ATIRI ISAMPITA: “¿Paitakea ijayetantari kemisantiriri Yioba pankotsipeeki?”.
-
¿Paita pankeriri?
EIRO PIPEAKOTAROTSI
Itiankakeri Jesoshi iroamerepee inkamantante, intsotyanakero kipatsi. Yamitakojeitiri Yioba aikero inkamantante.
Paita piyotabakeri
-
¿Jaanika kamantakotirori kameetsari kamantaantsi maaroni nampitsipeeki?
-
¿Paitakea akamantantariri atiripee?
-
Pinkamantanterika, ¿oimoshirenkempi? ¿Paitakea pinkimoshiretantyari?
PAMENERO PASHINIPEE
¿Jaoka ikantari kemisantiriri Yioba ikamantanti anta pashiniki nampitsi antyaroite?
Akamantanti saiteriki nampitsiki París (ikanteetiri predicación metropolitana) (5:11)
¿Jaoka okantari ikamantiri kemisantiriri Yioba atiri jokanajirori inampi?
Pinkemero oyenkitsare precursora, ¿paita okimoshiretantari?
Piyotero jaoka okantakari kemisantiriri Yioba yanaakotakero juicio aikero ikamantanti.
a Itiankajeitakeri Tasorentsi kemisantiriri inkamantante. Intimabetya pinkatsaripee tsañakoterine kemisantiriri Yioba, aikero inkamantante, tempa ikemisantiri Tasorentsi.
