YOTAANTSI 24
¿Paita okantakotiriri Bibiria angeri?
Ikoake Yioba ayotakoteri ishaninkasanori sabikajeitatsiri inkiteki. Yora angeripee iriojeitake ishaninkaite Tasorentsi, aisati ikanteetiri “itomipee Tasorentsi” (Job 38:7, TNM). ¿Paita okantakotiriri Bibiria angeri? ¿Paita yantiri angeri? ¿Iriompa ishaninkapee Tasorentsi maaroni angeripee?
1. ¿Jaanikapee angeri?
Tekera irobetsikeroji Yioba kipatsi yobetsikakeri angeripee, ishiajeitari Tasorentsi, iriojeitake kaari iñeti, otimi osheki ishintsinka aisati isaikajeiti anta inkiteki (Ijorioririnte 1:14). Itimi osheki angeri, maaroni inashiyeta (Irantayeteri Jesoquirishito 5:11). Ikanteetiri angeri “pimoncaratiro maaroni icantayetimpiri, piquemisantiri [Yioba]” (Salmos 103:20). Peerani itiankajeitakeri Yioba angeripee inkamantakotantyarori kamantaantsi aisati irobabisakotantyariri kemisantatsiniri. Meeka angeripee yamitakotiri kemisantatsiri iriñantyariri atiripee koatsiri iriyoteri Tasorentsi.
2. ¿Jaanikampa Satanashi, jaanikapee inampire?
Aparopee angeri ipiatsatakari Yioba. Yora jibatatsiri piatsatinkari iritake “camaari, aisati ipajiyeetiri Satanashi. Peerani oshequi yamatavijeivetacarini atiripee” (Irantayeteri Jesoquirishito 12:9). Ikoake kamaari impinkatsaribentante, irotake yantakantakariri Aran aisati Eva kaari kameetsatatsi. Aisati pashinipee angeri ipiatsatanakari Tasorentsi. Iriorijei ipeanaka inampirepee kamaari, irotake yojokajeitantakariri Yioba kipatsiki, koajikani intsonkajeiteri (piñanatero Irantayeteri Jesoquirishito 12:9, 12).
3. ¿Jaoka okantari yamatabijeitee kamaari jeri inampirepee?
Yora kamaari jeri inampirepee yamatabitiri atiri inkoyeantyariri iotashiniroyebetachari, sheripiariyetatsiri aisati matsiyetatsiri. Kemperi: Shipokantatsiri, posankatatsiri, mishibeetachari, iotashiyetarori abisayetatsineri koajika, ñanatirori horóscopo, atiri kenketsatakaashiyetariri shiretsiyetatsiri aisati kamayetatsiri. Ikantee Yioba: “Eiro paventaritsi quenquetsatacairiri camayetatsiri aisati iotashiyevetarori paitapeerica” (Levítico 19:31). Ikoake kamaari jeri inampire iroashinonkaajeitee, irotake ikoantakari Yioba irojokaakobentee.
PIYOTASANOTERO YOTAANTSIKA
Tsame ayotero paita yantiri angeripee meeka, paitakea eiro ajirikantarotsi matsiyetaantsi, aisati jaoka ankantyari aamabentyari kamaari jeri inampirepee.
4. Yamitakojeitiri angeripee koatsiri iriyoteri Yioba
Yora angeri te inkamanteriji atiri ibankoki, iro kantaincha yaanajiri kemisantatsiri itiminta atiri koatsiri iriyoteri Tasorentsi. Piñanatero Irantayeteri Jesoquirishito 14:6, 7 aisati pinkenketsatabakaajeitya:
-
¿Paitakea akoantari iramitakotee angeri ariorika ankamantante?
-
¿Onimotakempimpa iramitakotempi angeri pinkamantantyari? ¿Paitakea onimotantakempiri?
5. Pojokero paitapeerika matsiyetaantsi
Irinti Satanashi jeri inampirepee kisanentiriri Yioba, aisati ikisajeitee arori. Piñanatero Irocashi 9:38-42 aisati pinkenketsatabakaajeitya:
-
Yora inampirepee kamaari, ¿jaoka ikantiriri atiripee?
Te ankoyeji inkie abankoki inampire kamaari. Piñanatero Deuteronomio 18:10-12 aisati pinkenketsatabakaajeitya:
-
¿Jaoka ikantari inampire kaamari yantakanteerori kaari kameetsatatsi? ¿Paita matsitaantsi timatsiri pinampiki?
-
¿Paita kaari ikoanta Tasorentsi pajirikero matsitaantsi?
Pamenero SHIAKAANTSI aisati pinkenketsatabakaajeitya:
-
Omare oshinto Teresa, ¿irompa kobenkatatsiri? ¿Paitakea okobenkatantari?
-
¿Jaoka okantakari ojokajiro Teresa yashitari kamaari?
Ikantani kemisantaperotatsiri ipiatari inampirepee kamaari. Piñanateo Itiancaneni Jesoshi 19:19 aisati 1 Corintosati 10:21. Impoiji pinkenketsatabakaajeitya:
-
Otimimotimpirika yashitari kamaari, ¿paitakea okameetsatantari pojokero?
6. Panaakoteri kamaari jeri inampirepee
Ipinkatsaribentiri Satanashi inampirepee, irintikea jibatakairiri angeripee irinti Miyeri, ipajiyeetiri aisati Jesoshi. ¿Jaoka okantari ishintsinka Miyeri? Piñanatero Irantayeteri Jesoquirishito 12:7-9 aisati pinkenketsatabakaajeitya:
-
¿Jaanika anaakotantatsiri: Miyeri jeri angeripee irimpa Satanashi jeri inampirepee?
-
¿Okameetsatimpa antsaroakayeari kamaari jeri inampirepee?
Ari pimatakero panaakoteri kamaari jeri inampirepee. Piñanatero Santiaco 4:7 aisati pinkenketsatabakaajeitya:
-
¿Jaoka onkantyari paamabentyari kamaari jeri inampirepee?
APAROPEE ATIRI IKANTI: “Namenerorika shiakaantsi sheripiaritatsiri, matsitaantsi irotake kameetsatatsiri”.
-
¿Kameetsampa ankenkeshiriero kempe oka? ¿Paitakea kaari okameetsatanta?
EIRO PIPEAKOTAROTSI
Yora angeripee yamitakojeitee. Irintikea Satanashi jeri inampirepee ikisanentiri Yioba, ikisanentantariri yantakotiro matsitaantsi iramatabitanteeri.
Paita piyotabakeri
-
¿Paita yantiri angeripee iramitakotantyariri atiri iriyoteri Yioba?
-
¿Jaanikampa Satanashi, jaanikapee inampire?
-
¿Paitakea eiro pantantarotsi matsitaantsi?
PAMENERO PASHINIPEE
Piyotero keariorika irinti Jesoshi arcángel Miyeri.
“¿Quién es el arcángel Miguel?” (Oka sankenarentsi otimi jw.org)
Piñanatakotero jaoka okantari ayotiri itimake kamaari.
Piñanatakotero jaoka okantakari tsinane ojokakeri inampire kamaari.
“Halló propósito en la vida” (La Atalaya, 1 de julio de 1993)
Piyotero jaoka okantari yantakotiro kamaari matsitaantsi iramatabitantyariri atiri.
