YOTAANTSI 25
¿Paita yobetsikantanakeeri Tasorentsi?
Okanti Bibiria yañajeiti atiri kapichaji, “osarentsipee intsipaite avishi” aisati otimi osheki pomerentsi (Salmos 90:10). ¿Ikoakempa Tasorentsi ontimimotee pomerentsi? Te inkoyeji. ¿Paitakea yobetsikantanakeeri? ¿Arimpa omonkaratya ikoakeri Tasorentsi? Piyotero okantayetiri Bibiria.
1. ¿Paita ikoakaabetakariri Tasorentsi atiripee?
Ikoake Yioba antimaje kameetsa. Ijibatake yobetsikakeri shirampari Aran aisati tsinane Eva, yobaanakeri kameetsaiteriki kipatsi pajitachari jardín de Edén. Aitake itasonkakobentakeri Tasorentsi, ikanti: “Irishequiasanojeitanaque pitomipee, intsoteanaquero intimayetanaque quipatsipeequi” (Génesis 1:28). Ikoakaabetakari Yioba intimeri Aran itomipee, iramenakobenteri maaroni birantsi aisati iroanenkajeitero kipatsi kameetsaiteri. Ikoakaabetakari eiro otimimotiri jokiirentsi, irintikea intimeme kimoshire onkantaitatiyempani.
Te impashiniteroji Tasorentsi ikoakeri irantemeri a (Isaías 46:10, 11). Irosati okanta ikoakairi Yioba kemisantajeitiriri intimaje onkantyani kameetsaiteriki kipatsi (piñanatero Irantayeteri Jesoquirishito 21:3, 4).
2. ¿Jaoka onkantyari pintimantajeari kimoshire meeka?
Okanti Bibiria: “Iquimoshiretasanojeitaque maaroni quemajeitirori irineane Tasorentsi”, yobetsikanakee Yioba ankemisantantyariri (piñanatero Irocashi 11:28). Ikoake Yioba pishaninkatyari iriori, “pimoncaratasanotero icantacantiri”, pinintasanoteri aisati pinkeariobenteneri (Deuteronomio 10:12; Salmos 25:14). Panterorika oka, ari pinkimoshiretanake ontimabetya pomerentsi. Ariorika pinkeariobenteneri Yioba ari piyotakero yobetsikanakee antimantyari kimoshire.
PIYOTASANOTERO YOTAANTSIKA
Tsame ayotakotero yobetsikanakero Yioba kipatsi asabikantyari kameetsa, aisati ayotero paita okantakotirori Bibiria añantakari.
3. Ikoake Tasorentsi intime atiri kimoshire
Pamenero SHIAKAANTSI aisati pinkenketsatabakaajeitya:
-
¿Paita yobetsikantanakarori Yioba kipatsi kameetsari?
Piñanatero Eclesiastés 3:11 aisati pinkenketsatabakaajeitya:
-
Piñanatakero sankenarentsika, ¿paita piyotakotiri jaoka ikantari Yioba?
4. Te ompashinityaji ikantakeri Yioba
Piñatero Salmos 37:11, 29 aisati Ijorioririnte 6:17. Impoiji pinkenketsatabakaajeitya:
-
¿Paitakea ayotantari te ompashinityaji ikantakeri Yioba?
Ora pankotsi te onkameetsatanajeji ari obetsikajea. Aisati okempeta abishimotirori kipatsi: Osheki atiri ikantabetakero, iro kantaincha Tasorentsi irobetsikajero intimantyari kemisantajeitiriri.
5. Kimoshire ankantya ankeariobenteneririka Yioba
Ayoterorika paita yobetsikantanakeeri Tasorentsi ari ankimoshiretanake. Pamenero SHIAKAANTSI aisati pinkenketsatabakaajeitya:
-
Oyotakero tsinane Terumi yobetsikanakee Tasorentsi, ¿jaoka okantakari amitakotakero oka?
Piñanatero Eclesiastés 12:13 aisati pinkenketsatabakaajeitya:
-
Ayotabakero ipakeero Yioba osheki kameetsatatsiri, ¿paita panteri pimpasonkitantyariri?
APAROPEE ATIRI ISAMPITA: “¿Paita atimantari aka kipatsiki?”.
-
¿Paita pankeriri?
EIRO PIPEAKOTAROTSI
Ikoake Yioba antime kimoshire kipatsiki onkantaitatiyempani. Aisati meeka ankantya kimoshire ankeariobenteneririka Yioba.
Paita piyotabakeri
-
Yobetsikantanakariri Yioba Aran aisati Eva, ¿paita ikoakaabetakariri?
-
¿Paitakea ayotantari te ompashinityaji ikoakaabetakariri Tasorentsi atiripee?
-
¿Jaoka onkantyari pintimantajeari kimoshire?
PAMENERO PASHINIPEE
Piyotero keariorika otimini jardín de Edén.
“El jardín de Edén, ¿una simple leyenda?” (La Atalaya, 1 de enero de 2011)
Paitakea ayotantari eiro opeatsi kipatsi.
“¿Será destruida la Tierra?” (Oka sankenarentsi otimi jw.org)
Piyotero okantakotiri Bibiria paita atimantari.
“¿Cuál es el sentido de la vida?” (Oka sankenarentsi otimi jw.org)
Piyotakoteri shirampari kenkeshireashitachari otimimotiri maaroni, iro kantaincha yamenaja te ontimimoteriji.
a Pashiniki yotaantsi ayotero paita kaari omonkaratanta ikoakeri Tasorentsi.
