YOTAANTSI 28
Poinijeri Yioba aisati Jesoshi pipasonkitiri yoipakaakobentakempi
Ariorika pishaninka impempiro pashitaantsi, ¿jaoka pinkantanentyari? Pinkantya kimoshire, ¿tempa? Itiankakeri Yioba itomi ikamimentakee arori, oka okempeta ipashitakee Tasorentsi pinatasanotachari, ¿jaoka onkantyari pimpasonkijeiteri Tasorentsi aisati Jesoshi?
1. ¿Jaoka onkantyari ampasonkiteri Tasorentsi aisati Jesoshi?
Ikantake Jesoshi “maaroni quemisantajeitanari” irimatero intimaje inkantaitatiyempani (Joa 3:16). ¿Jaoka ikantari kemisantajeitiriri Jesoshi? Ikenkeshiretiro kameetsatatsiri aisati yantiro ikantakeri Jesoshi, eirorika yantirotsi oka yatsipetashita ikemisantamempeaka (Santiaco 2:17). Ariorika ashiretyari Jesoshi aisati ankemisanteri, ari amatakero antsipabintsatyari iriori aisati Tasorentsi Yioba (piñanatero Joa 14:21).
2. ¿Paita kameetsari kitaiteri ainijanterori apasonkitiri Yioba aisati Jesoshi?
Ikantakeri Jesoshi inkantyani irobamereni inkenkeshireapinitajero ikamantakari impasonkitantyariri ikamimentajeitakeri (1 Corintosati 11:20). Ikoake Jesoshi inkantyani iroamereni inkenkeshireajero ikamimentakeri, aisati meeka aparoni kitaiteri maaroni kemisantaperotatsiri ikenkeshireajiro ikamimentakeeri Jesoshi. Ikantake iriori: “Pinquenqueshiretapinitantenari nocamimentajeitaquempi” (Irocashi 22:19). Ariorika pampatotya aparoni kameetsari kitaiteri pinkenkeshireantajearori ikamantakari Jesoshi, poinijantero pipasonkitiri iriori aisati Tasorentsi.
PIYOTASANOTERO YOTAANTSIKA
Inintajeitee Yioba aisati Jesoshi, tsame ayotero jaoka onkantyari ampasonkijeiteri. Aisati ayotero paita okameetsatantari ankenkeshireapinitajero ikamantakari Jesoshi.
3. Ainijantiro apasonkitanti
Pintsitiyerika inkajareki aisati yobabisakotakempi pishaninka, ¿pimpeakotyarimpa pishaninka obabisakotakempiri? ¿Orampa pinkoyeeri pimpasonkitantyariri?
Yobabisakojeitakee Yioba arori. Piñanatero 1 Joa 4:8-10 aisati pinkenketsatabakaajeitya:
-
¿Paita okameetsaperotantari ikamimentakeeri Jesoshi?
-
Ariorika pinkenkeshireajero yantayetakeri Yioba aisati Jesoshi, ¿jaoka pikantanentari?
¿Jaoka onkantyari ainijantya apasonkitiri Yioba aisati Jesoshi? Piñanatero 2 Corintosati 5:15 aisati 1 Joa 4:11 impoiji 5:3. Piñanatakero okapee sankenarentsi pinkenketsatabakaajeitya:
-
¿Jaoka onkantyari ainijantya apasonkitiri Yioba aisati Jesoshi?
4. Ashiari Jesoshi
Ashiaririka Jesoshi ainijantya apasonkitanti. Piñanatero 1 Petero 2:21 aisati pinkenketsatabakaajeitya:
-
¿Jaoka pinkantyari pishiantyariri Jesoshi?
Inintiro Jesoshi Iriñane Tasorentsi, ikamantakotiro kameetsari kamantaantsi aisati yamitakotiri atiripee.
5. Akenkeshireapinitajiro ikamantakari Jesoshi
Piyotantyarori jaoka ikantaniri kemisantatsiniri ikenkeshireajiro ikamantakari Jesoshi piñanatero Irocashi 22:14, 19, 20 aisati pinkenketsatabakaajeitya:
-
Ora tsiteniriki, ¿paita yantakeri Jesoshi jeri iroamerepeeni?
-
¿Paita shiakantachari tanta aisati obaja? (Pamenero orijaniki 19 aisati 20).
Ikoakaakeri Jesoshi iroamerepee inkenkeshireajero ikamantakari. Yora kemisantiriri Yioba yapatojeita osarentsipeeki inkenkeshireantajearori ikamantakari Jesoshi, yantiro kempe yobametakeriri Jesoshi iroamereni. Piyotantyarori jaoka okantari oka apatotaantsi pamenero SHIAKAANTSI. Impoiji pinkenketsatabakaajeitya:
-
Anta apatotaantsiki ikenkeshireanteetarori ikamantakari Jesoshi, ¿paita yantajeitiri kemisantatsiri?
Ora tanta oshiakanta ibatsa Jesoshi kameetsaperotatsiri, aisati obaja oshiakanta iriraja.
APAROPEE ATIRI IKANTI: “Nokenkeshireakoteririka Tasorentsi, nobabisakotajea”.
-
¿Jaoka onkantyari piñanateneri atiri Joa 3:16 aisati Santiaco 2:17 pobametantyariri paita pashini iranteri?
EIRO PIPEAKOTAROTSI
Ankoakerika ampasonkiteri Jesoshi ashiretyari iriori, ankemisanteri. Aisati ajate apatotaantsiki ikenkeshireanteetarori ikamantakari Jesoshi.
Paita piyotabakeri
-
¿Jaoka ikantajeitari kemisantajeitiriri Jesoshi?
-
¿Pikoakempa pimpasonkiteri Yioba aisati Jesoshi? ¿Jaoka onkantyari pimpasonkijeiteri?
-
¿Paita okameetsatantari pampatotya pinkenkeshireantajearori ikamantakari Jesoshi?
PAMENERO PASHINIPEE
Pinkemero paita oshintsitakayeeri ikamimentakeeri Jesoshi.
Piyotakotero jaoka onkantyari poinijantero pishiretane.
“Ejerzamos fe en las promesas de Jehová” (La Atalaya, octubre de 2016)
Aparoni tsinane oyotaji paita ikamimentantakarori Jesoshi. Piñanatero oyenkitsare pajitachari “Me siento limpia, viva y en paz”.
“La Biblia les cambió la vida” (La Atalaya, 1 de agosto de 2011)
Kitaiteriki ikenkeshireanteetarori ikamantakari Jesoshi, ¿paitakea yobantarori aparopee kemisantatsiri tanta aisati iriro obaja?
