YOTAANTSI 37
¿Paita okantakotirori Bibiria antabeerentsi aisati kireki?
Terika añeriji piirekite aisati pantabeere, ¿pikenkeshireakampa? Timatsi opomerentsitimotee aantyariri kireki, aisati okomitimotee anashitakayearo tiempo antabeetantyanariri Yioba. Ora Bibiria okamantee amatantyarori okapee.
1. ¿Paita obametakotirori Bibiria antabeerentsi?
Ikoake Tasorentsi ankimoshirebentero antabeere. Okanti Bibiria “okimoshiretakairi shirampari iroyea, irire [...] aisati okimoshiretakairi irantabeete” (Eclesiastés 2:24, TNM). Yantabeeti katsini Yioba. Ariorika ankempetyari antabeetasanoterika, aitake amonkaratero ikoakaakeeri iriori, aisati ankimoshirete.
Okameetsati antabeete, iro kantaincha ajibateneri Atasorentsite Yioba (Joa 6:27). Ari imatakero ikantakeeri, impeero koiteimoteeri ariorika ajibateneri iriori.
2. ¿Paita obametakotiriri Bibiria kireki?
Okantakotiri Bibiria “yora kireki iriotake jokaakobenteeri”, iro kantaincha aisati okanti eiro yoimoshirenkeetsi kireki (Eclesiastés 7:12, TNM). Iriñane Tasorentsi okantimpi eiro pinintasanotiritsi kireki, irointikea “piveshireimentearo timimojeitimpiri” (piñanatero Ijorioririnte 13:5). Ariorika ankimoshirebentero timimoteeri, eiro akenkeshiretajirotsi ankoyeero pashinipee ashekiantyarori abaararo. Eiro otimitsi arebiteri itsipapee atiri (Proverbios 22:7). Eiro añatsatimentaritsi kireki ankoakotantyariri iirekite itsipapee atiri, aisati eirorika antabeetitsi eiro ashitashitaritsi kireki.
3. ¿Jaoka onkantyari kameetsa ajirikeri airekite?
Te irimashitsateji Yioba, irotake ikoantari eiro imashitsatitsi kemisantajeitiriri, “irineshinoncajeiteri ishanincapee [...]. Te oncameetsateji irimashitsate” (1 Timoteo 6:18). Okameetsati amperi airekite ampinakobentantyarori koiteimotarori ibanko Tasorentsi, aisati aneshinonkatantyariri ayemisantaririnte. Te iramenempiji Yioba jaoka okaratiri pipiri kireki, irointikea yameniro timatsiri pasankaneki pipiri kireki. Pimperirika monkaratachari pikoakeri, kimoshire pinkantya aisati pinkimoshiretakayeri Yioba (piñanatero Itiancaneni Jesoshi 20:35).
PIYOTASANOTERO YOTAANTSIKA
Tsame ayotero jaoka onkantyari antabeete kameetsa, aisati jaoka onkantyari abeshireimentyaro timimoyeteeri.
4. Kameetsa pantabeete iriñakameetsayeetantyariri Yioba
Ariorika ashaninkatari Yioba kameetsa antabeete. Pamenero SHIAKAANTSI aisati pinkenketsatabakaajeitya:
-
¿Jaoka ikantari Yeison anta yantabeetinta?
-
Anta yantabeetinta, ¿jaoka ikantari Yeison ijibatiniri Yioba?
Piñanatero Corosashisati 3:23, 24 aisati pinkenketsatabakaajeitya:
-
¿Paitakea okameetsatantari pishintsibentero kameetsa pantabeete?
Okameetsati antabeete, iro kantaincha ajibate ankeariobenteneri Yioba.
5. Okameetsati abeshireimentyaro timimoteeri
Osheki atiri ijibatiro yantabeeti iroshekiantyariri iirekite, iro kantaincha okantee Bibiria te onkameetsateji ajibate ashekiyeri kireki. Piñanatero 1 Timoteo 6:6-8 aisati pinkenketsatabakaajeitya:
-
¿Paita obametimpiri Bibiria?
Intimabetya kapichaji airekite, ari amatakero kimoshire antime. Pamenero SHIAKAANTSI aisati pinkenketsatabakaajeitya:
-
Yokapee ashaninka ashinonkachari, ¿paitakea ikimoshirejeitantari?
Timatsirika osheki abaararo, iro kantaincha akoakerorika pashini, ankenkeshireajero yobametakeeri Jesoshi eiro aikero akoanaiti. Piñanatero Irocashi 12:15-21 aisati pinkenketsatabakaajeitya:
-
¿Paita obametakotimpiri ikantakeri Jesoshi? (Pamenero orijaniki 15).
Piñanatero Proverbios 10:22 aisati 1 Timoteo 6:10. Impoiji pinkenketsatabakaajeitya:
-
¿Paita jibatatsine panteri, pishaninkatyari Yioba irompa poshekiyeri kireki? ¿Paitakea pijibatantyarori oka?
-
Pikoakerika poshekiyeri kireki, ¿paita abishimotempine?
6. Impeero Yioba koiteimoteeri
Terika añero antabeete aisati itimirika kapichaji airekite, ¿ashiretanakearimpa Tasorentsi? Pamenero SHIAKAANTSI piyotantyarori jaoka onkantyari amatantyarori okapee pomerentsitatsiri, aisati pinkenketsatabakaajeitya:
-
¿Paita pomerentsitantsi timimotakeriri yoka kemisantatsiri?
-
¿Paita yantakeri imatantarori pomerentsitimotariri?
Piñanatero Mateo 6:25-34 aisati pinkenketsatabakaajeitya:
-
¿Paita imperiri Yioba kemisantajeitiriri?
APAROPEE ATIRI IKANTI: “Te añeroji notiempote, ontimatiye nantabeete namitakotantyariri noshaninka. Eiro nomatirotsi nojate onkantyani apatotaantsiki”.
-
¿Paita sankenarentsi Bibiriaki obametakotempiri pijibate pinkemisanteri Yioba?
EIRO PIPEAKOTAROTSI
Okameetsabeta ontime antabeere aisati airekite, iro kantaincha okameetsatasanoti ankeariobenteneri Atasorentsite Yioba.
Paita piyotabakeri
-
¿Paita amitakotempine eiro apaniro pikenkeshireasanotirotsi pantabeere?
-
¿Paitakea okameetsatantari pibeshireimentyaro timimotimpiri?
-
Ikantimpi Yioba impempiro koiteimotimpiri, ¿jaoka onkantyari poinijantya te pintseenkeriji?
PAMENERO PASHINIPEE
Piyotero keariorika okanti Bibiria te inkameetsateji kireki.
“¿Tiene el dinero la culpa de todos los males?” (Oka sankenarentsi otimi jw.org)
Piyotero jaoka onkantyari pimpashitantya pinkimoshiretakantyariri Yioba.
“¿Qué dice la Biblia sobre dar?” (Oka sankenarentsi otimi jw.org)
¿Paita kaari okameetsatanta añatsatimentyari kireki?
“El punto de vista bíblico: Los juegos de azar” (¡Despertad!, marzo de 2015)
Piyotakoteri shirampari jokanajirori iñatsatimentari kireki aisati ikoshiti.
“Me apasionaban las carreras de caballos” (La Atalaya, 1 de noviembre de 2011)
