YOTAANTSI 39
¿Paita ikantakotirori Yioba irajantsi?
Ora irajantsi irotake kameetsaperotatsiri. Eirorika añirotsi iraja, eiro añaitsi. Yobetsikanakee Yioba, irotake ikantanteeri jaoka ankanterori irajantsi. ¿Paita ikantakotirori Tasorentsi irajantsi? ¿Okameetsatimpa ayearo aisati asatyaro? ¿Paita amitakotempine piyotero jaoka pinkanterori irajantsi?
1. ¿Paita ikantakotirori Yioba irajantsi?
Peerani ikantakeri Yioba kemisantajeitiriniri: Ora irajantsi “irotaque oaneiriri maaroni timayetatsiri” (Levítico 17:14). Ikanti Yioba ora irajantsi oshiaro añantari. Iriori ipakeero añantari, irotake opinatasanotantari, okempetaro irajantsi opinatasanota.
2. ¿Itsañakoteerompa Yioba iraja?
Peerani tekera añeriniji iroamereni Jesoshi, ikantajeitakeri Yioba kemisantajeitiriniri eiro yobarotsi irajantsi (piñanatero Génesis 9:4 aisati Levítico 17:10). Impoiniji yapiitajiniri oka kemisantajeitiriniri. Yora jibatakaajeitiriri iroamerepeeni Jesoshi ikantajeitakeri: “Eiro poacotarotsi ivatsa iriraja” (piñanatero Itiancaneni Jesoshi 15:28, 29).
Inkantempirika aabintantatsiri eiro pirirotsi katsijari, abiro pinkemisanteri, ¿tempa? Pisatemparorika pishitsaki, ¿kameetsampa? Te onkameetsateji. Aisati oka okempeta ikantakantiri Tasorentsi, ankemisanteririka Yioba eiro abarotsi irajantsi, eiro irirotsi, eiro abarotsi poshinirintsi kaari sakoitacha iriraja, aisati eiro abarotsi obanarontsi itentakero irajantsi.
Aabintantatsiri isataantari irajantsi atiripee irobabisakotantajeariri, isataantari timakotatsiri ashitari iraja: Glóbulos rojos, glóbulos blancos, plaquetas aisati plasma. Yora sataarori okapee te inkemisanteroji ikantakantiri Tasorentsi, iro kantaincha aabintantatsiri aisati isatairi pashini timakotatsiri irajantsi, kemperi proteína aisati vitamina. Aparopee aabintantatsiri yaajatiro iriraja atiri, aisati iroimpiajeneri irisatajeneri ibatsaki, okapee te onkantakoteroji Bibiria okameetsatirika. Aparopeeni arojei ankoyeanontyaro asatyarorika okapee abatsaki, orampa eiro (Carashiasati 6:5). a
PIYOTASANOTERO YOTAANTSIKA
Ayotakotero paita anteri tekera ankoyeanontyaji tratamiento médico aabintaantsipankoki.
3. Ankoyeero ikoakeri Yioba
Ariorika payero irajantsi, ¿jaoka onkantyari pimpinkatsatantyariri Tasorentsi? Pamenero SHIAKAANTSI impoiji pinkenketsatabakempa jaoka onkantyari pantero oka pokatsine:
-
Pamaneri Yioba impantempirori piyotantyari (Santiaco 1:5).
-
Pamenero Bibiriaki jaoka onkantyari pantero kameetsatatsiri (Proverbios 13:16).
-
Piyotero paita tratamiento médico timatsiri pisaikinta.
-
Piyotero tratamiento kaari iñakameetsati Tasorentsi.
-
Pinkoyeero tratamiento kameetsatatsiri pinkameetsashiretimotantyariri Tasorentsi (Itiancaneni Jesoshi 24:16). b
-
Ikantabetakempi pijime, pijina, jibatakantirori irompa obametimpiri Bibiria pinkoyeanontyaro aparoni tratamiento, pinkenkeshirempa abisati pinkoyeanontantyarori tratamiento iñakameetsatiri Tasorentsi (Oromasati 14:12).
-
Pisankenatero paperiki paita tratamiento pikoyeanontakari.
4. Kemisantajeitiriri Yioba yameniri kameetsari aabintantatsiri
Arojei te ankoyeroji irajantsi, iro kantaincha amenasanoteri aabintantatsiri kameetsatatsiri iramitakotanteeri. Pamenero SHIAKAANTSI.
Piñanatero Tito 3:2 aisati pinkenketsatabakaajeitya:
-
¿Paitakea aakameetsatantyariri aabintantatsiri?
|
Eiro asataarotsi |
Ankoyeanontya asatyarorika |
|---|---|
|
A. Plasma sanguíneo |
Timatsiri plasma |
|
B. Glóbulos blancos |
Timatsiri glóbulos blancos |
|
C. Plaquetas |
Timatsiri plaquetas |
|
D. Glóbulos rojos |
Timatsiri glóbulos rojos |
5. Timatsiri irajantsiki
Otimakoti irajantsiki okarati cuatro componente: glóbulos rojos, glóbulos blancos, plaquetas aisati plasma. Oka jitachari componente otimi ikanteetiri fracciones sanguíneas. c Aparopee fracciones obabisakotero jokiirentsipee, aisati ompiempari irajayetatsiri.
Maaroni kemisantatsiri irimatero inkoyeanontya irisatyarorika fracciones sanguíneas, inkoyeanontya inkameetsashiretimotantyariri Yioba. Aparopee kemisantatsiri ikoake irisatyaro fracciones sanguíneas, iro kantaincha pashini kemisantatsiri te inkoyeji irisatyaro.
Pinkoyeanontyarika pisampitempa:
-
¿Jaoka onkantyari nonkamanteri aabintantatsiri paita nokoantari nosatyaro fracciones sanguíneas orampa paita kaari nokoantaro okapee?
APAROPEE ATIRI ISAMPITA: “Irajantsi irotake obabisakotantatsiri, ¿paitampa kaari okameetsatanta nosatemparo irajantsi?”.
-
¿Paita pikantiri abiro?
EIRO PIPEAKOTAROTSI
Ikoake Yioba aakameetsatero irajantsi paitapeerika antayeteri.
Paita piyotabakeri
-
¿Paitakea ikantantari Tasorentsi ora iraja irotake pinatasanotachari?
-
¿Paitakea ayotantari te inkoyeji Yioba asatyaro irajantsi?
-
¿Paita amitakotempine paamabentakotyaro irajantsi?
PAMENERO PASHINIPEE
Tekera intoyeetempiji okameetsati piyotero paita tratamiento médico pinkoanontyari.
“Preguntas de los lectores” (La Atalaya, 15 de octubre de 2000)
Tekera pinkoyeanontyaji payerorika fracciones sanguíneas, ¿paita pinkenkeshirempari?
“Preguntas de los lectores” (La Atalaya, 15 de junio de 2004)
¿Paita iñakameetsatantari aabintantatsiri ikantakotirori Yioba irajantsi?
“Acepté el criterio divino sobre la sangre” (¡Despertad!, 8 de diciembre de 2003)
Piyotero jaoka okantari jibatakantantatsiri yamitakotiri ayemisantaririnte aabintaantsipankoki.
a Pamenero yotaantsi 35 pajitachari “¿Jaoka pinkoyeerori pintime kameetsa?”.
b Piñanatero oparitsa 5 pajitachari “Timatsiri irajantsiki” aisati, nota 3 pajitachari “Procedimientos médicos aajatirori irajantsi”.
c Aparopee aabintantatsiri ikenkeshirea ora componentepee irotake fracciones sanguíneas, irotake okameetsatantari pinkanteri aabintantatsiri te pinkoyeji irisatempi irajantsi, glóbulos rojos, glóbulos blancos, plaquetas aisati plasma.
