YOTAANTSI 41
¿Paita okantakotirori Bibiria ñabintsataantsi?
Osheki atiri ipashibentakotaro iñanatakotero ñabintsataantsi, iro kantaincha ora Bibiria tampatika oñanatakotiro ñabintsataantsi. Iriotake Yioba pakeerori Bibiria, aisati iriotake betsikanakeeri maaroni, irotake ikamantanteeri kameetsa. Iriori yobameteero paita anteri ankimoshiretakantyariri aisati asaikantyari arori kimoshire onkantaitatiyempani.
1. ¿Paita yobametakotirori Yioba ora ñabintsataantsi?
Yioba inintakaakeri shirampari aisati tsinane aabakaachari iriñabintsatabakempa inkimoshirejeitantyari, eiro apaniro iñabintsatabakaa intimantyari itomi, iriñabintsatabakempa iroinijantyari inintabakaa. Irotake okantantari Iriñane Tasorentsi: “Ocameetsati pinquimoshireventero pijinasanori” (Proverbios 5:18, 19). Ikoakaakeri Yioba kemisantatsiri kiso irobanakero ijina, aisati tsinane kiso obanakeri ojime. Te onkameetsateji iraimentyaro shirampari ijina aisati tsinane aimentyari ojime (piñanatero Ijorioririnte 13:4).
2. ¿Paita ojitari ñabintsataantsi kaari kameetsatatsi?
Obametee Bibiria: “Eiro ijatitsi anta ipincatsaritinta [Tasorentsi] yora antirori tsinane caari yai” (1 Corintosati 6:9, 10). ¿Paita ojitari ñabintsataantsi kaari kameetsatatsi? Iro jitachari: 1) Ariorika atiri irantero kaari yai, a 2) ariorika shirampari itsinampairi ishiramparirinte, aisati tsinane otsinampairo otsinaneronte, aisati 3) ariorika iriñabintsateri atiri birantsipee. Eirorika antirotsi okapee, ankimoshiretakayeri Yioba aisati ankantajeitya kameetsa (1 Tesaronicasati 4:3).
PIYOTASANOTERO YOTAANTSIKA
Tsame ayotero jaoka onkantyari aamabentakotya eiro antantarotsi kaari ai, aisati jaoka ankantanentyari anterorika kameetsatatsiri.
3. Eiro katsini antirotsi kaari ai
Aparoni shirampari ñaperotachari ipajitani José, ikisotake yaamabentakaro eiro yantantarotsi kaari yai. Piñanatero Génesis 39:1-12 aisati pinkenketsatabakaajeitya:
-
¿Paita ishiapitsatantanakarori José tsinane? (Pamenero orijaniki 9).
-
¿Okameetsatakempa yantakeri José? ¿Paitakea okameetsatantari yantakeri José?
¿Jaoka inkantyari ebankaripee inkempetyari José eiro yantantarotsi kaari yai? Pamenero SHIAKAANTSI.
Ikoake Yioba eiro katsini antirotsi kaari ai. Piñanatero 1 Corintosati 6:18 aisati pinkenketsatabakaajeitya:
-
¿Jaanika antakayempironeni kaari kameetsatatsi?
-
¿Jaoka onkantyari eiro katsini pantantarotsi kaari pai?
4. Pojokeri antakayempirone kaari kameetsatatsi
¿Paita pomerentsitimotempine eiro pantirotsi kaari pai? Pamenero SHIAKAANTSI aisati pinkenketsatabakaajeitya:
-
¿Paita yantakeri kemisantatsiri eiro yaimentantarotsi ijina?
Maaroni kemisantatsiri ishintsiperoti inkenkeshireantyarori kameetsatatsiri onkantyani. ¿Paita panteri abiro eiro pikenkeshireantajarotsi kaari kameetsatatsi? Piñanatero Jiriposhisati 4:8 aisati pinkenketsatabakaajeitya:
-
¿Paita kameetsatatsiri pinkenkeshirempari?
-
Piñanaterorika Bibiria aisati pantabeeteneririka Tasorentsi, ¿jaoka onkantyari oka amitakotempi eiro pantantarotsi kaari kameetsatatsi?
5. Ikantakantiri Yioba amitakotee
Te inkoyeji Yioba ontimimotee pomerentsitantsi, irotake ikantanteeri ankitetya. Eiro antirotsi kaari kameetsatatsi antimantyari kimoshire. Piñanatero Proverbios 7:7-27 aisati pamenero SHIAKAANTSI. Impoiji pinkenketsatabakaajeitya:
-
¿Paitakea otimimotantakariri ebankari pomerentsi? (Pamenero Proverbios 7:8, 9).
-
Okantika Proverbios 7:23, 26, pantirorika kameetsatatsiri, ¿paita eiro opomerentsitimotajimpitsi?
-
Eirorika pantirotsi kaari kameetsatatsi, ¿paita intasonkakobentempiri Tasorentsi koajikani?
Aparopeeni atiri ikenkeshireashita ora Bibiria okantimatiri antiriri ishiramparirinte. Te inkantimateriji Tasorentsi yokapee atiri, irointikea ikoake maaroni atiri antimajeite kimoshire onkantyani. Ankemisanterorika maaroni ikantakantiri Tasorentsi, antimajeite kimoshire. Piñanatero 1 Corintosati 6:9-11 aisati pinkenketsatabakaajeitya:
-
¿Okantimpa Bibiria apinti antiriri ishiramparirinte yantiro kaari kameetsatatsi?
Iriñakameetsajeitee Yioba ampashinitajearika. ¿Ashintsiperotempa antantyarori oka? Piñanatero Salmos 19:8, 11 aisati pinkenketsatabakaajeitya:
-
¿Pikantimpa opomerentsita pinkemisantero ikantakantane Yioba? ¿Paitakea pikantantari oka?
Yamitakotakeri Yioba osheki atiri ikemisantantajariri, aisati iramitakotempi abirori.
APAROPEE ATIRI IKANTI: “Kameetsatake irantero shirampari tsinane inintiri tekeratsita iraabakempaji”.
-
¿Paita pikantiri abiro?
EIRO PIPEAKOTAROTSI
Yioba inintakaakeri shirampari aisati tsinane irijibate iraabakempa tekera iriñabintsatabakaajeitya.
Paita piyotabakeri
-
¿Paita ojitari ñabintsataantsi kaari kameetsatatsi?
-
¿Paita amitakoteene eiro antantarotsi kaari ai?
-
Ariorika pinkemisanteri Tasorentsi, ¿jaoka pinkantyari?
PAMENERO PASHINIPEE
Piyotakotero paita ikoantari Yioba atiri irijibatero iraabakempa.
“¿Qué dice la Biblia sobre vivir juntos sin estar casados?” (Oka sankenarentsi otimi jw.org)
Piyotero te obameteeji Bibiria aninateri antiriri ishiramparirinte aisati antirori otsinaneronte.
Ankemisanterorika okantakotiri Bibiria ñabintsataantsi antime kameetsa.
“¿Es el sexo oral realmente sexo?” (Oka sankenarentsi otimi jw.org)
Piyotero paita ipashinitantanajari antiriri ishiramparirinte. Piñanatero iyenkitsare iriori, opajita “Me trataron con dignidad”.
“La Biblia les cambió la vida” (La Atalaya, 1 de abril de 2011)
a Kemperi atiri oirori ibanteki ishiramparitantari aisati otsinanetantari, atiri antabintsatabakaachari itiokiki, aisati ajirikirori ishiramparitantari aisati otsinanetantari.
