YOTAANTSI 43
¿Paita okantakotirori Bibiria kachojari?
Osheki atiri itsipatari itsipabintsare irirantyarori kachojari. Pashini atiri te inkoyeji irirero kachojari, aisati pashinipee osheki iriro kachojari irosati irishinkitanakea. ¿Paita okantakotirori Bibiria kachojari?
1. ¿Okameetsatimpa irero kachojari?
Okanti Iriñane Tasorentsi ora “ovaja oquimoshiretacairi” (Salmos 104:14, 15). Ipashitakee Yioba kameetsayetatsiri, kemperi pearentsi aisati obaja kachojatatsiri. Okanti Bibiria peerani aparopee shirampari aisati tsinane kemisantatsiri irironi kachojari (1 Timoteo 5:23).
2. ¿Paita okenkijairiri Bibiria irajeitirori kachojari?
Te inkoyeji Yioba ashinkijeitya, aisati te inkoyeji irero osheki kachojari (Carashiasati 5:21). Iriñane Tasorentsi okanti: “Eiro picarajeitiritsi shinquitincaripee” (Proverbios 23:20). Ariorika piriro kachojari, pisaikirika apaniro aisati pitsipataririka pishaninka, eiro pirirotsi osheki kachojari, ari pintsabiyatanake aisati pijokiitakea. Terika pametyaro pirero kapichaji eiro pirirotsi.
3. ¿Jaokatya onkantyari ampinkatsatero ikenkeshireari atiri?
Aparopee atiri inkoyeanontya irirerorika kachojari orampa eiro irirotsi. Eiro akisanentiritsi koatsiri irirero kapichaji, aisati eiro ashintsinatiritsi kaari koiro irirero kachojari (Oromasati 14:10). Pintsipatyaririka kaari nintiro kachojari eiro pirirotsi (piñanatero Oromasati 14:21). Okantiri Iriñane Tasorentsi kemisantaperotatsiri: “Eiro piquenqueshireacotapinitirotsi picoayevetari avirori, irointi pinquenqueshireacotapiniteri icoayetiri itsipapee” (piñanatero 1 Corintosati 10:23, 24).
PIYOTASANOTERO YOTAANTSIKA
Tsame ayotero jaoka okantari okamantee Bibiria irerorika kachojari orampa eiro irirotsi. Aisati piyotero jaoka onkantyari pojokero pishinkita.
4. Pinkoyeanontya pirerika orampa eiro
¿Paita ikenkeshireakotirorini Jesoshi kachojari? Tsame ayotakotero ijibatakeri Jesoshi itasonkakobentakero. Piñanatero Joa 2:1-11 aisati pinkenketsatabakaajeitya:
-
¿Paita ikenkeshireakotiririni Jesoshi atiri irirori kachojari?
-
Te inkisanenteroni Jesoshi kachojari. Abiro, ¿paita pinkenkeshireakoteriri atiri koatsiri irirero kachojari?
Irimatero kemisantatsiri irirero kachojari, iro kantaincha inkenkeshiretempa jaoka onkarate kachojari irirero. Piñanatero Proverbios 22:3 aisati pinkenkeshiriempa, ¿okameetsatimpa pirero kachojari...
-
... pantakoterorika shiakomentotsi aisati máquina?
-
... ariorika pitsomonteti?
-
... inkantempirika aabintantatsiri eiro pirajiro kachojari?
-
... eirorika pimatiro pirero kapichaji?
-
... inkantempirika pinkatsari eiro pirajiro kachojari?
-
... pinkarateririka kaari koajiro irajero kachojari tempa peerani ishinkitani?
Anterorika aabakaantsi aisati pashini bieshita, ¿okameetsatimpa ampayeteri kachojari pashinipee atiri? Piyotantyarori okameetsatirika pamenero SHIAKAANTSI.
Piñanatero Oromasati 13:13 aisati 1 Corintosati 10:31, 32. Piñanatabakero oka sankenarentsi, impoiji pinkenketsatabakaajeitya:
-
Piñanatakero sankenarentsika, ¿paita panteri pinkimoshiretakantyariri Yioba?
Aparopeeni kemisantatsiri inkoyeanontya irirerorika kachojari orampa eiro. Aisati inkoyeanontya jaoka onkarate irirantyarori aisati jaoka onkarate eiro irantaro.
5. Pinkoyeanontya jaoka onkarate kachojari pire
Te inkisanenteroji Yioba kachojari, iro kantaincha iriori te iriñakameetsateroji ashinkitya. ¿Paita kaari iñakameetsatantaro? Piñanatero Proverbios 20:1 aisati pinkenketsatabakaajeitya:
-
¿Paita abishimoterine irerone osheki kachojari?
¿Paita amitakoteene eiro ashinkitantatsi? Okameetsati ankenkeshirea arosati jaoka onkarate kachojari irero eiro ashinkitanta. Piñanatero Proverbios 11:2 aisati pinkenketsatabakaajeitya:
-
¿Paitakea pinkenkeshireantyari jaoka onkarate kachojari pire?
6. Pimpeakotyaro pishinkita
Piyotero jaoka okantakari ipeakotantanajarori shirampari ishinkitani. Pamenero SHIAKAANTSI aisati pinkenketsatabakaajeitya:
-
¿Jaoka ikantarini Dimitri ishinkitani?
-
¿Imatakerompa Dimitri ipeakotanajaro intsipaite ishinkibeitani?
-
¿Jaoka okantakari yojokantanajarori ishinkibeitani?
Piñanatero 1 Corintosati 6:10, 11 aisati pinkenketsatabakaajeitya:
-
¿Paita kaari okameetsatanta ashinkitya?
-
¿Paita ayotantari shinkitinkari irimatero impashinitanajea?
Piñanatero Mateo 5:30 aisati pinkenketsatabakaajeitya:
-
Ikantantakari Jesoshi oka kempetachari pimpeshero pako, yobametakempiro jaoka onkantyari pinkematsikabentantyariri Tasorentsi. Pinkoakerika abiro pimpeakotyaro pishinkita, ¿paita panteri? a
Piñanatero 1 Corintosati 15:33 aisati pinkenketsatabakaajeitya:
-
¿Paita abishimotempine abiro pintsipatyaririka irirori osheki kachojari?
APAROPEE ATIRI ISAMPITA: “¿Paitakea eiro irantarotsi kachojari?”.
-
¿Paita pankanakeriri abirori?
EIRO PIPEAKOTAROTSI
Ipanakeero Yioba kachojari ankimoshiretantyari, iro kantaincha ikantanakee te onkameetsateji ashinkitya aisati eiro irirotsi osheki.
Paita piyotabakeri
-
¿Paita okantakotirori Bibiria kachojari?
-
¿Paita abishimoterine irirori osheki kachojari?
-
Aparopee atiri iriro kachojari irompa itsipapee te inkoasanoteroji, ¿jaoka ankantyari ampinkatsatantyariri iriorijei?
PAMENERO PASHINIPEE
¿Paita inkenkeshiriempari ebankari irirerorika kachojari?
Piyotakotero jaoka onkantyari pojokanajero pishinkita.
“Cómo mantener a raya el alcohol” (La Atalaya, 1 de enero de 2010)
¿Okameetsatimpa kemisantatsiri inkante “salud” irantyarori kachojari?
“Preguntas de los lectores” (La Atalaya, 15 de febrero de 2007)
Piñanatakotero jaoka ikantari shirampari yojokantanajarori ishinkibeitani, iyenkitsare opajita “Era un barril sin fondo”.
“La Biblia les cambió la vida” (La Atalaya, 1 de mayo de 2012)
a Aparopee shinkitinkari te irimateroji irojokero ishinkita, okoitimotari aabinterine. Osheki aabintantatsiri ikantakeri shinkitacharini eiro ipiajarotsi irirajero kachojari.
