Irobakerari aabakaachari ikoake irinintabakaajeitya onkantaitatiyempani, ari irimatakero. Osheki aabakaachari kemisantakerori Iriñane Tasorentsi imatakero inintabakaaka abisabetanaka osheki osarentsi.

1. ¿Paita obametiriri Bibiria shirampari?

Ikoyeakeri Yioba shirampari impinkatsaribentantyarori ijina (piñanatero Ejesosati 5:23). Ikoakaakeri iramenakobenteri ishaninkapee. Obametiriri Bibiria shirampari: “Cameetsa pinintasanotero pijina” (Ejesosati 5:25). Yora shirampari nintasanotirori ijina yaakameetsatiro jaokarika irisaikeri, yojokaakobentiro aisati ipiro paitapeerika koiteimotarori (1 Timoteo 5:8). Shirampari irijibate iramitakotero ijina onkemisantantyariri Tasorentsi (Mateo 4:4). Ariorika iramaneri shirampari Tasorentsi aisati iriñanaterorika Bibiria okameetsati inkaratero ijina. Yamenakobentirorika shirampari ijina, aitake irimatero irishaninkatajeari Yioba (piñanatero 1 Petero 3:7).

2. ¿Paita obametirori Bibiria tsinane?

Iriñane Tasorentsi okanti: “Ocameetsati ompincatsateri tsinane ojime” (Ejesosati 5:33). Ariorika onkenkeshireakoteri tsinane ojime jaoka ikantari inintiri itomipee aisati iroori, aitake omatero ompinkatsateri ojime. Onkemisanteririka tsinane ojime oinijeri opinkatsatiri. Te onkameetsateji onkantimateri tsinane ojime, irointikea oñanateri kameetsa iriorika kemisantatsiri irompa kaari kemisantatsi.

3. ¿Paita iranteri aabakaachari inkaratabakaajeitantyari onkantyani?

Okanti Bibiria ariorika shirampari irayero ijina, “onquempetaquea apaniro irinaque” (Mateo 19:5). Irishintsiperojeite eiro yojokabakaajatsi, inkaratabakaajeitya onkantyani. Kameetsa inkamantabakaajeitya jaoka ikantanentari aisati paita koiteimotariri. Yora aabakaachari ijibati inintasanotiri Yioba aisati inintasanotiro itsipatari. Shirampari yaabakaakarika te onkameetsateji irinebetajea pashini tsinane kaari ijina. Aisati tsinane onkempetya, itimakerika ojime eiro onebetajatsi pashini shirampari kaari ojime.

 PIYOTASANOTERO YOTAANTSIKA

4. Shirampari, pinintero pijina pamenakobentero

5. Tsinane, pininteri pijime pimpinkatsateri

Obametiro Bibiria tsinane ompinkatsateri ojime iriorika kemisantatsiri irompa kaari kemisantatsi. Piñanatero 1 Petero 3:1, 2 aisati pinkenketsatabakaajeitya:

• Iriorika pijime kaari kemisantiri Tasorentsi, ¿jaoka onkantyari pinkemisantakantyariri? ¿Pinkamantapiniterimpa orampa paakameetsatapiniteri? ¿Paitakea pantantyarori oka?

Shirampari jero ijina apiteroite inkoyeanontya iranteri. Ontime kitaiteripee eiro okoitsi tsinane antero ikantayetirori ojime, okameetsati onkamanteri paitarika okoiri, eiro okajemakotiritsi  onkenketsatakantyariri, irointikea oñanateri kameetsa. Aisati eiro opeakotarotsi tsinane ikantakeri Yioba iritake shirampari pinkatsaribenterine ishaninkapee ibankoki, aisati ikoakaakero Yioba onkemisanteri ojime. Omonkaraterorika tsinane okapee, obeshireakayeari oshaninkapee. Piñanatero 1 Petero 3:3-5 aisati pinkenketsatabakaajeitya:

• Iñakerorika Yioba opinkatsatiri tsinane ojime, ¿jaoka ikantanentari Yioba?

6. Aabakaajeitachari irimatero pomerentsitimotariri

 EIRO PIPEAKOTAROTSI

Inkimoshirete aabakaachari irinintabakaajeityarika, impinkatsatabakayearika aisati inkemisanterorika Bibiria.

Paita piyotabakeri

• ¿Jaoka inkantyari inkimoshiretakantyarori shirampari ijina?

• ¿Jaoka onkantyari onkimoshiretakantyariri tsinane ojime?

• Paabakaakarika, ¿paita sankenarentsi amitakotempine pimatantyarori pomerentsitimotimpiri?