YOTAANTSI 50
¿Jaoka onkantyari pinkimoshiretakantyariri pishaninkapee?
Itimi atiripee itomi, oka ipashitakari Yioba. Ikoakaakeri Yioba atiri iramenakobenteri itomi, irotake yobametantariri irimonkaratero. Aisati yobametiri Yioba jananeki, ebankari inkimoshiretakantyariri iriri aisati iriniro.
1. ¿Paita yobametiriri Yioba apapee?
Ikoakaakeri Yioba apa aisati ina irininteri itomi, irisabikimoteri inkantyani, irojokaakobenteri, aisati irobameteri Bibiria (Proverbios 1:8). Ikantakantiri Yioba apapee: “Poamejeiteri [pitomi] icantayetiri Avincatsarite” (piñanatero Ejesosati 6:4). Iñakameetsatiri Yioba maaroni obametiriri itomi Bibiria, aisati iñakameetsatiri kaari jokiri itomi.
2. ¿Paita yobametiriri Yioba itomi atiripee?
Ikantiri Yioba itomi atiripee: “Pinquemisantapiniteri ashijeitimpiri” (piñanatero Corosashisati 3:20). Ariorika jananeki aisati ebankari inkemisantasanoteri iriri aisati iriniro, aitake inkimoshiretakayeri iriri aisati inkimoshiretakayeri Yioba (Proverbios 23:22-25). Ijananekibeitani Jesoshi irintini kameetsatasanotatsiri, yanaakotiri itsipapee jananeki. Yora iririni Jesoshi aisati irinironi te inkameetsatasanoteji, iro kantaincha Jesoshi ikemisantirini iriorijei aisati ipinkatsajeitirini (Irocashi 2:51, 52).
3. ¿Paita anteri intsipabintsatantyariri ashaninkapee Yioba?
Timatsirika pitomi, pikoirika irinintasanoteri Yioba inkempetempi abiro, ari pimatakero pinkemisanterorika okantimpiri Bibiria: “Pinquenqueshiretasanotero maaroni nocantaquempiri. Irotaque poametapinijeiteriri pitomipee anta pivancopeequi, ariorica paniitacaajeiteri” (Deuteronomio 6:6). Abiro piyote ariorika pinkantapiniteri pitomi, eiro ipeakotarotsi pikantakeriri. Pinkoyeanontya jaoka onkarate pobametantyariri pitomi jaoka ikantari Yioba. Aisati pinkoyeanontya aparoni kitaiteri maaroni semanapeeki piñanatantyarori Bibiria jeri pishaninkasanori. Aisati terika intimeji pitomi pimatero piñanatero Bibiria maaroni semanapeeki, aitake amitakotempi.
PIYOTASANOTERO YOTAANTSIKA
Tsame ayotero jaoka onkantyari Bibiria amitakoteri atiripee inkimoshirejeitantyari.
4. Pobameteri pitomi aisati paakameetsateri
Ariorika abameteri atomi osheki okomita. ¿Jaoka onkantyari amitakotanteeri Bibiria? Piñanatero Santiaco 1:19, 20 aisati pinkenketsatabakaajeitya:
-
¿Jaoka ankantyari aakameetsatantyariri atomi abameteririka?
-
Inkishearika apa, ¿paitakea eiro yobametantaritsi itomi?
5. Paamabentakotyari pitomi
Paamabentakotantyariri pitomi okameetsatasanoti pobameteri. Pinkenketsatakayeri jaoka okantari ishiramparitantari aisati jaoka okantari otsinanetantari. Ari amatakero ankenketsatakayeri atomi ontimabetya ampashibentya. Pamenero SHIAKAANTSI aisati pinkenketsatabakaajeitya:
-
¿Paitakea okomitimotantariri apa inkamanteri itomi ñabintsataantsi?
-
¿Paita amitakotakeriri apapee?
Omonkarataka okantiri Bibiria, osheki atiri oijatiriri kamaari yantiro kaari kameetsatatsi. Piñanatero 2 Timoteo 3:1, 13 aisati pinkenketsatabakaajeitya:
-
Okantika orijaniki 13 itimi atiri kaari kameetsatatsi, aparopee yantabintsatakeri jananeki, ¿paita okameetsatantari irobameteri apa itomi jaoka inkanterori ishiramparitantari aisati otsinanetantari? ¿Paita iranteri apapee eiro yantabintsayeetantaritsi itomi?
¿Piyoitimpa?
Yora kemisantiriri Yioba ipiri apapee osheki amitakotaantsi irobametantyariri itomipee iraamabentakotyari eiro yantabintsayeetantaritsi. Pamenero okapee:
-
Pamenakobenteri pitomipee (shiakaantsi)
-
“Cómo hablar de sexo con su hijo” (¡Despertad!, núm. 5 2016)
6. Pimpinkatsateri ashitimpiri
Jananeki aisati ebankari pinkatsatiriri iriri, iñanati kameetsa. Pamenero SHIAKAANTSI aisati pinkenketsatabakaajeitya:
-
¿Paita okameetsatantari ebankaripee inkenketsatakayeri kameetsa iriri aisati iriniro?
-
Yora ebankari pinkatsatiriri iriri aisati iriniro, ¿jaoka inkantajeiteriri?
Piñanatero Proverbios 1:8 aisati pinkenketsatabakaajeitya:
-
Ariorika inkanteri shirampari itomi eiro yantirotsi kaari kameetsatatsi, yoka ebankari, ¿jaoka inkanteriri iriri?
7. Pinkeariobenteneri Yioba jeri pishaninkapee
Yorajei kemisantiriri Yioba jeri ishaninkapee inashitakaaro aparoni kitaiteri maaroni semanapeeki inkeariobentantyanariri Yioba. ¿Jaoka okantari oka? Pamenero SHIAKAANTSI aisati pinkenketsatabakaajeitya:
-
¿Paita amitakotempine piñanatapinitero Bibiria jeri pishaninkapee?
-
¿Paita iranteri apapee eiro ishemantarotsi ishaninkapee iriñanatero Bibiria? (Pamenero shiakaantsi intanakarori).
-
¿Opomerentsitimotimpimpa piñanatero Bibiria jeri pishaninkapee? ¿Paita opomerentsitantari?
Peerani ikoake Yioba inkenketsatakotero israeritapee Bibiria. Piñanatero Deuteronomio 6:6, 7 aisati pinkenketsatabakaajeitya:
-
¿Jaoka onkantyari pinkemisantantyarori sankenarentsika?
¿Paita piyotakayeriri pishaninkasanori?
-
Piñanatero aisati picharinkero sankenarentsipee pishitoriateri apatotaantsiki.
-
Piñanatero aparoni kenkitsarentsi timatsiri Bibiriaki inebetari pishaninkapee.
-
Itimirika pitomijaniki, paajero obameterine Bibiria jananeki interineki jw.org.
-
Itimirika pitomi ebankari, pinkoyeero obameterine Bibiria ebankari interineki jw.org.
-
Pinkempetyari ikitsaataka kemisantatsiniri peerani.
-
Pamenero shiakaantsi shebatachari otimi interineki jw.org, impoiji pinkenketsatabakayea.
APAROPEE ATIRI IKANTI: “Te irimatero jananeki inkemero Bibiria”.
-
¿Paita pikantiri abirori?
EIRO PIPEAKOTAROTSI
Ikoakaakeri Yioba apapee irinintajeiteri itomi, irobamejeiteri aisati irojokaakobentajeiteri. Ikoakaakeri Yioba jananeki aisati ebankari impinkatsateri iriri jero iriniro, aisati inkemisanteri. Aisati ikoake Yioba maaroni ashaninkapee inkeariobenteneri.
Paita piyotabakeri
-
¿Jaoka onkantyari irobamejeiteri apapee itomi aisati iraamabentakotyari?
-
¿Jaoka onkantyari jananeki jeri ebankari impinkatsateri ashitariri?
-
Pinkarateririka pishaninkapee pinkeariobentantyanariri Yioba aparoni kitaiteri maaroni semanapeeki, ¿jaoka pinkantajeityari?
PAMENERO PASHINIPEE
¿Paita obametaantsi amitakoterine pijananekite irisaikantyari kameetsa?
“6 lecciones imprescindibles para sus hijos” (¡Despertad!, núm. 2 2019)
Piñanatero obametaantsi amitakoterine yora shentiriri antyashipari.
“¿Espera Dios que cuidemos a los padres cuando se hacen mayores?” (Oka sankenarentsi otimi jw.org)
Shirampari kaari iotatsi ipeanaja kameetsari apa, piyotakotero jaoka ikantajari imatantajarori.
Piyotakotero paita iranteri apa intsipabintsatantyariri itomi.
“¿Qué puede hacer un padre para no distanciarse de su hijo?” (La Atalaya, 1 de noviembre de 2011)
