YOTAANTSI 53
Ankimoshirebentero inintiri Yioba
“Icameetsatasanoti [Tasorentsi Yioba]” (1 Timoteo 1:11). Ikoakaakee ankimoshiretanaje, ankimoshirebentero paitapeerika antayetiri. Aisati ikoake amaore ariorika antabeete. Tsame ayotero aka sankenarentsikika okameetsabeta ajoikatya paitapeerika ankimoshiretantyari, iro kantaincha okameetsatasanoti ankoyeero iñakameetsatiri Yioba.
1. Tekera ajoikatya, ¿paita ankenkeshiriempari?
¿Paita pinebetari abirori pijoikatyari? Aparopee atiri isaiki ibankoki inebetaro iriñanatero sankenarentsi, inkemero pampoyeantsi, iramenero perikora aisati interine. Pashinipee atiri inebetaro inkarateri itsipabintsare irijate iraniiyete, iramaate aisati irijoikatyaro perota. Paitarika pijoikatyari, okameetsati piyotero “icoacaaquempiri Avincatsarite” (Ejesosati 5:10). Meeka atiripee inebetaro yantabakaa, imatsitanti, yantiro kaari yai aisati itsimaari Yioba (piñanatero Salmos 11:5). ¿Paita amitakoteene antero kameetsayetatsiri?
Ariorika ankoyeri atsipabintsare nintiriri Yioba, aitake iramitakotee ankoyero ajoikatyari tampatikatatsiri inebetari Tasorentsi. Abiro piyotakero yotaantsiki 48 ariorika “pincarateri iojeitatsiri, piotanaque avirori”. Irompa pinkarateririka atiri kaari pinkatsatiri Tasorentsi, ari “impeacayempi” (Proverbios 13:20).
2. ¿Paita kaari okameetsatanta pisamanite pijoikatya?
Ariorika ajoikatya aamabentempa eiro asamanititsi. Ariorika asamanite ajoikatya eiro amatirotsi antero paitapeerika kameetsayetatsiri akoayebetari anteri. Okantimpi Bibiria: “Pinquearioventero pantero cameetsayetatsiri” (piñanatero Ejesosati 5:15, 16).
PIYOTASANOTERO YOTAANTSIKA
Piyotero jaoka onkantyari pinkoyeanontantyarori pijoikatya kameetsayetatsiri.
3. Eiro pijoikatarotsi kaari kameetsatatsi
¿Paita okameetsatantari ankoyeanontyaro kameetsatatsiri? Pamenero SHIAKAANTSI aisati pinkenketsatabakaajeitya:
-
¿Paita okempetantarorini ijoikatarini oromasatini aisati meeka ijoikatari atiripee?
-
Ebankari Dany, ¿paita iyotakotakeri ijoikatari?
Piñanatero Oromasati 12:9 aisati pinkenketsatabakaajeitya:
-
Okantika sankenarentsi, ¿jaoka onkantyari ankoyero ajoikatyari kameetsari?
¿Paita kaari ikoi Yioba? Piñanatero Proverbios 6:16, 17 aisati Carashiasati 5:19-21. Piñanatakero okapee sankenarentsi, impoiji pinkenketsatabakaajeitya:
-
Okantika apite sankenarentsi, ¿paita yantiri atiri inkimoshiretantyari?
Pamenanontyaro kameetsatatsiri pijoikatyari
Pisampitya:
-
¿Jaoka okantari nojoikatari? ¿Inebetarompa Yioba?
-
¿Jaoka onkarate nosamanite? ¿Nojoikatyampa otimirika nantayetiri?
-
¿Jaanika nontsipatyari? ¿Nontsipatyarimpa kaari nintiri Yioba?
Ariorika anijantariero kobenkatatsiri, ari ababisakotajea, irotake anijantareantyarori ajoikatyaro kaari kameetsatatsi, omaterome antakayeeme kaari kameetsatatsi.
4. Eiro paparatirotsi tiempo
Pamenero SHIAKAANTSI aisati pinkenketsatabakaajeitya:
-
Yoka kemisantatsiri te irantabetyaroji kaari kameetsatatsi, iro kantaincha ¿paita abishimotakeriri ijoikataka osheki?
Piñanatero Jiriposhisati 1:10 aisati pinkenketsatabakaajeitya:
-
¿Jaoka okantari amitakotee oka sankenarentsi eiro ajoikatantatsi osheki?
5. Pinkoyeero kameetsatatsiri pijoikatyari
Timatsi ikoiri Yioba kempe ijoikatyari atiri kameetsatatsiri aisati timatsi kaari ikoi, arori amatero ajoikatya kameetsa ikoakeri Yioba. Piñanatero Eclesiastés 8:15 aisati Jiriposhisati 4:8. Impoiji pinkenketsatabakaajeitya:
-
¿Paita pijoikatari pinebetari abirori?
Ari amatakero ajoikatya iñakameetsatiri Yioba.
APAROPEE ATIRI IKANTI: “Naro nameniro antabakaantsi, matsitaantsi aisati yanteetiro kaari yai, iro kantaincha te nanteroji oka, ¿okameetsatimpa namenero?”.
-
¿Paita pankanakeriri abirori?
EIRO PIPEAKOTAROTSI
Ikoake Yioba ankoyeanontya ajoikatyaro kameetsatatsiri oimoshirenkanteeri arori.
Paita piyotabakeri
-
¿Paita kaari yantayeti kemisantatsiri inkimoshiretantyari?
-
¿Paita kaari okameetsatanta asamanite ajoikatya?
-
¿Pamenerompa pijoikatyari iñakameetsatiri Yioba? ¿Paitakea pamenanontantyari oka?
PAMENERO PASHINIPEE
Piyote jaanika kantatsiri kameetsa oni ajoikatari.
Piñanatakotero jaoka onkantyari ankoyero kameetsa ajoikatyari.
“¿Son sanas nuestras diversiones?” (La Atalaya, 15 de octubre de 2011)
¿Paita yojokantanajarori shirampari ijoikatakaro kaari kameetsatatsi? Piñanatero iyenkitsare pajitachari “Me liberé de mis prejuicios”.
“La Biblia les cambió la vida” (La Atalaya, 1 de febrero de 2010)
Piyotero paita antakeri tsinane amenirori shiakaantsi kantakotirori matsitaantsi.
