YOTAANTSI 55
Aneshinonkateri ayemisantaririnte
Maaroni nampitsipeeki osheki atiri kimoshire ikemisantiri Yioba apatotaantsipankoki. Yokapee kemisantatsiri inintasanotiro iyotabakeri apatotaantsiki aisati kimoshire yamitakotabakaajeita. Abiro, ¿jaoka pikantanentari apatotaantsiki?
1. ¿Jaoka onkantyari pinashitakayearo pitiempote pamitakotantyariri piyemisantaririnte?
Ari amatakero amitakoteri ayemisantaririnte. Pinkenkeshiretempa, ¿ainirompa ayemisantaririnte antyashipari aisati jokiitachari anta papatotapinita? ¿Pimaterompa paanajeri apatotaantsipankoki? ¿Pimaterompa pamitakoteri iramanante mercadoki? ¿Pimaterompa pimpishitero ibanko? Ari pimatakero pamitakoteri (piñanatero Santiaco 1:27). Ampishitero aisati abetsikajero ibanko Tasorentsi. Anintiri Yioba aisati ayemisantaririntepee, irotake akoantari antero okapee, tekatsi shintsinateene (Salmo 110:3, TNM).
Maaroni baotisajeitachari irimatero irantero pashini. Ariorika irimonkaratero shirampari baotisatachari ikoakairiri Tasorentsi, ari irimatakero impeanajea siervo ministerial (amitakotiriri jibatakantatsiri), aisati irimatero impeanajea jibatakantirori apatotaantsi. Maaroni shirampari aisati tsinane baotisatachari irimatero impeanajea precursor. Aparopee kemisantatsiri yobetsikayetiro ibankopee Tasorentsi, itsipapee ijati pashiniki nampitsi iramitakotantyariri iyemisantaririntepee.
2. ¿Jaoka onkantyari payero timimoyetimpiri pineshinonkatantyariri piyemisantaririnte?
Okanti Bibiria: “Pimpincatsateri Tasorentsi, pimpaaranteri timimoyetimpiri” (Proverbios 3:9). Maaroni kemisantiriri Yioba kimoshire ipiri iirekite aisati timimotiriri iramitakotantyariri iyemisantaririnte aisati iramitakotantyarori kamantaantsi maaroni nampitsipeeki (piñanatero 2 Corintosati 9:7). Ineshinonkatiri iyemisantaririnte abishimotakeri antyaroite pomerentsitantsi. Osheki kemisantatsiri yametaro ‘ikempoyeainiri’ Tasorentsi iirekite (piñanatero 1 Corintosati 16:2). Iriorijei itetiri iirekite inantariki kireki ibankoki Tasorentsi aisati itetiri interineki donate.pr418.com. Ainijayeri anintiri Yioba ariorika ampayeteri timimoyeteeri aisati airekite.
PIYOTASANOTERO YOTAANTSIKA
Tsame ayotero jaoka ankantyari amitakoteri ayemisantaririnte.
3. Pimpayeteri timimoyetimpiri
Inintajeitiri Yioba aisati Jesoshi atiri neshinonkatantatsiri kaari mashitsatatsi. Peerani iñakameetsatakero Jesoshi tsinane kamajimentaaro. Ashinonkainkaro onabeta tsinane amakeri oirekite. Piñanatero Irocashi 21:1-4 aisati pinkenketsatabakaajeitya:
-
¿Ikoakempa Yioba anteteri osheki kireki?
-
Kimoshire anteteririka airekite, ¿jaoka inkantanentyari Yioba aisati Jesoshi?
Piyotantyarori jaoka ikantari yamitakotanti airekite pamenero SHIAKAANTSI. Impoiji pinkenketsatabakaajeitya:
-
¿Jaoka okantari yamitakotantariri airekite ayemisantaririnte maaroni nampitsipeeki?
4. Ari pimatakero pamitakotante
Peerani kemisantatsiniri kimoshire yamitakotantake, yobetsikajiro ibanko Tasorentsi aisati ipayetakeri kireki. Piñanatero 2 Crónicas 34:9-11 aisati pinkenketsatabakaajeitya:
-
¿Paita yantajeitakeri israeritapee iramenakobentantyarori ibanko Yioba?
Piyotantyarori jaoka ikantari kemisantiriri Yioba yantiro kempe israeritapee pamenero SHIAKAANTSI. Impoiji pinkenketsatabakaajeitya:
-
¿Paita okameetsatantari ampishitero ibanko Tasorentsi aisati abetsikajero?
-
¿Jaoka onkantyari amenakobentero ibanko Tasorentsi?
5. Irimatero shirampari baotisatachari iramitakotante apatotaantsiki
Ora Bibiria okantiri shirampari baotisatachari irantyarotakayero ikemisanti iramitakotantyariri iyemisantaririntepee. Piyotantyariri aparoni kemisantatsiri monkaratirori oka pamenero SHIAKAANTSI. Impoiji pinkenketsatabakaajeitya:
-
Ikoake Rayan irantyarotakayero ikemisanti aisati iramitakotante apatotaantsiki, ¿paita yantakeri imatantakarori?
Okanti Bibiria paita irimonkarateri kemisantatsiri impeantajeari siervo ministerial aisati jibatakantirori apatotaantsi. Piñanatero 1 Timoteo 3:1-13 aisati pinkenketsatabakaajeitya:
-
Ikoakerika kemisantatsiri impeanajea siervo ministerial aisati jibatakantirori apatotaantsi, ¿jaoka inkantyari?
-
¿Jaoka onkantyari ijina aisati itomi? (Pamenero orijaniki 4 aisati 11).
-
Irimonkaraterorika kemisantatsiri oka sankenarentsika, ¿jaoka inkantanentyari iyemisantaririntepee?
APAROPEE ATIRI IKANTI: “Yora kemisantiriri Yioba, ¿jaoka yairiri kireki iramitakotantyari?”.
-
¿Paita pankeriri?
EIRO PIPEAKOTAROTSI
Iriñakameetsajeitee Yioba amperirika tiempo, kireki aisati pashinipee timimoteeri amitakotantyariri ayemisantaririnte.
Paita piyotabakeri
-
Okameetsati anashitakayearo atiempote amitakotantyariri ayemisantaririnte, ¿jaoka onkantyari antero oka?
-
Okameetsati ampayeteri timimoteeri amitakotantyariri ayemisantaririnte, ¿jaoka onkantyari antero oka?
-
¿Pikoimpa pamitakotante apatotaantsiki? ¿Jaoka onkantyari pimatantyarori?
PAMENERO PASHINIPEE
Piyotero keariorika ikoake Tasorentsi antero diezmo.
“¿Qué dice la Biblia sobre el diezmo?” (Oka sankenarentsi otimi jw.org)
Okanti Bibiria shirampari baotisatachari irobametante apatotaantsiki. Tekatsirika shirampari, ¿paita anteri tsinane baotisatachari?
“¿El principio de autoridad en la congregación?” (La Atalaya, febrero de 2021)
Piyoteri opomerentsitimobetakari aparopee kemisantatsiri, ijatake nampitsiki yaanakeneri sankenarentsipee iyemisantaririnte.
Yayeetanakeneri sankenarentsipee iyemisantaririnte nampitsiki Congo (4:25)
Piyotakotero te inkempetyariji kemisantiriri Yioba kemisantashitachari.
“¿Cómo se financia la obra de los testigos de Jehová?” (Oka sankenarentsi otimi jw.org)
