YOTAANTSI 58
Pinkantyani pinkemisantasanoteri Yioba
Yora kemisantaperotatsiri ikoasanoti inkeariobenteneri Yioba, eiro ishinetiritsi itsipapee irojokakayeri oka ikemisanti. Aisati abirori ari pimatakero pinkeariobenteneri Yioba, iriori iñakameetsatiro pikemisantasanotiri (piñanatero Deuteronomio 10:12). ¿Paita pomerentsi abishimotempine pinkemisantasanoteri Tasorentsi? ¿Jaoka onkantyari pimpiatantyarori pomerentsi?
1. ¿Paita yantiri amatabitantatsiri irojokakanteerori akemisantiri Yioba?
Aparopee atiri ikoabeta irojokakayeerome antabeetiniri Yioba. Timatsi jokanajirori keariotatsiri, iriori itseeyakotari kemisantiriri Yioba, ikoabeta irojokakayerime ikemisanti, yokapee ipajiyeetiri apóstata (tseeyakotariri kemisantiriri Yioba). Aisati timatsi amatabitantatsiri jibatakairiri kemisantashiyetachari, yokapee itseeyakotari kemisantiriri Yioba irinijantareakantyariri atiri kaari iotatsi inkemisanteri Yioba. Paamabentyari piatsatariri Tasorentsi, pamenerorika ishiakaantsite, piñanaterorika isankenarepee aisati interineki paamabentyari yamatabitimpikari. Ikenketsatakotakeri Jesoshi atiri koabetachari irojokakayerime ikemisantiri Tasorentsi: “[Iriorijei] ikempejeitacari caari amenatsi. Oquempetaca icoake irijate jaokarika, icoaque irancatsatanajeri itsipapee caari amenajeitatsi iriori. Aitaque impariajeitaque omoroqui maaroni” (Mateo 15:14).
2. ¿Paita anteri eiro ajokantarotsi akemisanti?
Tempa anintasanotiri Yioba eiro aijatirotsi rerigioni kaariperori, aisati eiro akonoirotsi yantabeetiri kemisantashiyetachari antabeetiri arojei. Ikamantiro Yioba inampi: “Pisoquijajeitanaje”, pikarajeitirokari Antyaro oni Babironia (Irantayeteri Jesoquirishito 18:2, 4).
PIYOTASANOTERO YOTAANTSIKA
Piyotero paita panteri eiro yojokeetakantimpirotsi pikemisantiri Yioba, aisati ariorika pinijantariero Antyaro oni Babironia poinijayeri Yioba pinintasanotiri.
3. Paamabentyari kemisantashitachari amatabitantatsiri
Pikemakeririka kantimatiriri kemisantiriri Yioba, ¿paita panteri? Piñanatero Proverbios 14:15 aisati pinkenketsatabakaajeitya:
-
¿Paitakea eiro ashiretantaro ikantayetiri kantimatantatsiri?
Piñanatero 2 Joa 9-11 aisati pinkenketsatabakaajeitya:
-
¿Jaoka ankanteriri tseeyakotariri kemisantiriri Yioba?
-
Te ankarabetyariji tseeyakotariri kemisantiriri Yioba, iro kantaincha ¿jaoka onkantyari iramatabitee?
-
Ankemisanteririka tseeyakotariri kemisantiriri Yioba, ¿jaoka inkantanentyari Yioba?
4. Pinkemisanteri Tasorentsi piyoterorika irantane piyemisantaririnte
Ariorika ayotero yantakeri ayemisantaririnte antyaroite kaari kameetsatatsi, ¿paita anteri arori? Tsame ayotero, ¿paita ikantakeriri Yioba israeritapee peerani? Piñanatero Levítico 5:1.
Iriñane Tasorentsi okantee ayotakotakeririka yantakeri ayemisantaririnte antyaroite kaari kameetsatatsi eiro amanirotsi, irointikea ankanteri iriori inkamantantyariri jibatakantirori apatotaantsi. Terika inkoyeji inkamantakotero yantane ontimatiye arori ankamanteri jibatakantantatsiri, anterorika oka ainijairi Yioba anintiri aisati ayemisantaririntepee.
-
¿Paitakea ainijantyariri anintiri Yioba?
-
¿Paitakea ainijantyariri anintiri ayemisantaririnte antakerori kaari kameetsatatsi?
-
¿Paitakea ainijantyariri anintiri itsipapee ayemisantaririnte?
Ariorika aparoni piyemisantaririnte otimimotiri pomerentsi, ¡pamitakoteri!
5. Pinijantariero Antyaro oni Babironia
Piñanatero Irocashi 4:8 aisati Irantayeteri Jesoquirishito 18:4, 5. Impoiji pinkenketsatabakaajeitya:
-
¿Ainirokerampa pibajiro osankenatakotaka ibaperiteki kemisantashitachari?
-
¿Ainirokerampa pitimi organización irashi kemisantashitachari?
-
¿Amitakotirompa pantabeetiri rerigioni kaariperori?
-
¿Pikemirompa aisati pamenirompa ishiakaantsite, ibampoyeane aisati iyenkitsare kemisantashitachari?
-
Pisampitempa, ¿paita tekera pijokeroji?
Pikoakerika kameetsa pinkantanentya aisati pikoakerika poinijayeri Yioba pinintiri, pamenanontya kameetsatatsiri.
Inkanteetempirika pamitakotero organización irashi kemisantashitachari, ¿paita panteri?
APAROPEE ATIRI IKANTI: “Terika niyoteji paita ikantakoyetiriri apóstata kemisantiriri Yioba, ¿jaoka nonkantyari nompiakobentyaro keariotatsiri?”.
-
¿Okameetsatimpa piyotero itseeyari apóstata? ¿Paita kaari okameetsatanta?
EIRO PIPEAKOTAROTSI
Akoakerika ankemisantasanoteri Yioba, eiro atsipataritsi atiri koatsiri iramatabitee.
Paita piyotabakeri
-
¿Paita kaari okameetsatanta ankemisantero ikantiri tseeyakotariri kemisantiriri Yioba?
-
Ariorika ayotakoteri yantakero ayemisantaririnte antyaroite kaari kameetsatatsi, ¿paita anteri arori?
-
Ikantee Yioba anijantariero rerigioni kaariperori, ¿jaoka onkantyari arori ankemisanteri?
PAMENERO PASHINIPEE
Piyotero jaoka pinkanterori isankenare aisati ishiakaantsite tseeyakotariri kemisantiriri Yioba.
¿Jaoka onkantyari pinijantariero organización amitakotirori Antyaro oni Bibironia?
¿Paita yantiri aparopee kisanentiriri Yioba irojokakanteerori akemisanti?
Piñanatero iyenkitsare saserote kemisantashitachari jokanajirori rerigioni kaariperori, iyenkitsare opajita “Había buscado a Dios desde niño”.
“La Biblia les cambió la vida” (La Atalaya, 1 de julio de 2011)
