YOTAANTSI 60
Aikero onkimotatanake pinkemisanteri Yioba
Abiro pishitoriatakero maaroni oka sankenarentsi. Piyotabakero jaoka ikantari Yioba, irotake pinintasanotantariri. Pikantakeri Yioba “nantabeetempiro nonkantyani”, aisati pibaotisataka. Ariorika tekera pibaotisatya ari pimatakero pantero oka. Iro kantaincha maaroni baotisatachari aikero irijatatiye irantyarotakayero ikemisantiri Yioba. Aitake pishaninkatasanotyari Yioba irosati onkantyani. ¿Jaoka onkantyari abiro pimatantyarori oka?
1. Eirorika pishintsititsi pishaninkatyari Yioba, ¿paita abishimotempine?
Okameetsati aikero pijatatiye pishintsite pishaninkatyari Yioba, okantimpi Bibiria: “Queariompia, noyemisantaririnte, pitseenquiricari Tasorentsi” (Ijorioririnte 3:12). ¿Jaoka pinkantyari aikero pantabeeteneri Yioba? Ontimatiye pinkamantante aisati pinkeariobentero pimatasanotero ikoakaakempiri Tasorentsi (piñanatero Jiriposhisati 3:16). Ariorika pantabeetasanoteneri Yioba, ¡eiro patsipetashitarotsi! (Salmos 84:10).
2. ¿Paita pashini panteri pinkeariobentantyanariri Yioba?
Irotaintsi pintsonkero oka sankenarentsi, iro kantaincha timatsi pashini panteri. Okamantee Bibiria: “Pimpashinijeitanaque: eiro pantashitajarotsi caari cameetsatatsi” (Ejesosati 4:23, 24). Pinkeariobenterorika pishitoriatero Iriñane Tasorentsi aisati pijatapiniterika apatotaantsipeeki, aitake piyotasanoteri jaoka ikantari Yioba. Onkantyani pinkempetasanotyari iriori, aisati aikero pijatatiye pimpashinitanajea pinkimoshiretakantyariri.
3. ¿Jaoka onkantyari iramitakotempi Yioba pantyarotakayero pikemisanti?
Okanti Bibiria: “Tasorentsi [...] iroameetsantasanojeitempi, iriveshireacaajeitempi, impeavajempi pincatsari avirori, eiro picantashiretajitsi aisati.” (1 Petero 5:10). Timatsi antakayeerone kaari kameetsatatsi, iro kantaincha yamitakotee Yioba eiro imatanteetsi (Salmos 139:23, 24). Ikashiakaakempi Yioba intasonkakobentempi pinkoantyarori pimayetero kameetsayetatsiri, aisati irishintsitakayempi Yioba ariorika ompomerentsitimotempi (piñanatero Jiriposhisati 2:13).
PIYOTASANOTERO YOTAANTSIKA
Tsame ayotero jaoka onkantyari antyarotakayero akemisanti, aisati ayotero jaoka inkantyari Yioba intasonkakobentee.
4. Pinkenketsatakaapiniteri pitsipabintsaresanori
Pipeanaja abiro itsipabintsare Tasorentsi tempa piñanatiro iriñane aisati pikenketsatakairi. Aikerorika pantero okapee, ¿arimpa pintsipabintsatasanotakeari Yioba?
Piñanatero Salmos 62:8 aisati pinkenketsatabakaajeitya:
-
Pikoakerika pintsipabintsatyari Yioba, ¿jaoka onkantyari pinkenketsatakantyariri?
Piñanatero Salmos 1:2 aisati pinkenketsatabakaajeitya:
-
Pikoakerika pintsipabintsatyari Yioba, ¿jaoka onkantyari piñanatantyarori Bibiria?
¿Jaoka onkantyari pishitoriatantyarori Bibiria abirori apaniyoji? Piyotantyarori oka, pamenero SHIAKAANTSI. Impoiji pinkenketsatabakaajeitya:
-
Pamenakero oka shiakaantsi, ¿jaoka onkantyari pishitoriatantyarori Bibiria?
-
¿Paita obametaantsi pikoiri piyoteri?
5. Pantabeetasanoteneri Yioba
Pikoakerika pantabeetasanoteneri Yioba, pantyarotakayero pikemisanti. Pamenero SHIAKAANTSI aisati pinkenketsatabakaajeitya:
-
Okoake Cameron antabeetasanoteneri Yioba, ¿paita antakeri omatantakarori?
Osheki ayemisantaririnte te irimatero irijate pashiniki nampitsi inkamantante. Iro kantaincha maaroni amatakero antabeetasanoteneri Yioba. Piñanatero Proverbios 21:5 aisati pinkenketsatabakayea, ¿paita pashini pimateri ariorika pisaike...
-
... apatotaantsiki?
-
... kamantaantsiki?
¿Paita obametimpiri oka sankenarentsi Proverbios?
Pimatero okapee
-
Kameetsa pinkenketsatakayeri Tasorentsi.
-
Piñanatero maaroni Bibiria.
-
Piyoteri maaroni ayemisantaririnte apatotaantsiki.
-
Pintyaro pobameteri aparoni poamere.
-
Pimpeanajea precursor auxiliar irompa precursor regular.
-
Abirorika shirampari, pimatero pimpeanajea siervo ministerial.
6. ¡Pinkimoshirete pisaike irosati pinkantyani!
Piñanatero Salmos 22:26 aisati pinkenketsatabakaajeitya:
-
¿Paita panteri pinkimoshiretantajeari meeka irosati onkantyani?
EIRO PIPEAKOTAROTSI
Aikero pijatatiye pintsipabintsatyari Yioba aisati pantabeetasanoteneri. ¡Ari pimatakero pinkimoshirete pisaike irosati pinkantyani!
Paita piyotabakeri
-
¿Paita piyotantari iramitakotempi Yioba ariorika pantabeetasanoteneri?
-
¿Paita panteri pishaninkatasanotantyariri Yioba?
-
¿Paita okameetsatantari pantyarotakayero pikemisantiri Yioba?
PAMENERO PASHINIPEE
¿Ikoakempa Yioba ankemisanteri onkantyani irompa ikoake ankemisanteri kapichaji?
Amaterome ampeakotyarome antabeetiniri Yioba kimoshire, ¿jaoka onkantyari aikero antabeetantyanariri kimoshire?
¿Paita amonkaratantyarori akoayetiri?
“Fijémonos metas espirituales para glorificar al Creador” (La Atalaya, 15 de julio de 2004)
Piyotakotero paita okameetsatantari antyarotakayero akemisantiri Yioba, aisati jaoka onkantyari pantero oka abirori.
“‘El gran día de Jehová está cerca’: avancemos hacia la madurez” (La Atalaya, 15 de mayo de 2009)
