LISON 02
Kê xperansa ku Bibilha ka da non?
Ngê di mundu ntêlu ka pasa yô matxi ku ka desa inen tlixti, ku kabêsa-kôlê ô ku yô dôlô. Kwa se da ku bô za? Taluvê bô xka sufli plôvya di dwentxi ô plôvya d’ũa familya ô migu bô ku môlê. Taluvê bô ka pô punta: ‘Ũa dja vida ka pô muda me?’ Bibilha ka da non laxpoxta ku ka konsola non.
1. Kê xperansa ku Bibilha ka da non?
Bibilha ka fada non punda kamanda mundu sa ku yô matxi, maji tembeten ê tê bon nutixa. Ê ka fla kuma wele me tudu inen matxi se ka bi kaba. Plomesa di Bibilha ka pô da bô ‘ũa futuru ku ũa xperansa’. (Lê Jeremias 29:11, 12.) Inen plomesa se ka zuda non ku matxi ku non xka pasa myole, ka zuda non pensa ni kwa bwadu, bila ka zuda non vivê ku gôxtô ku alêglia myole i pala semple.
2. Kê plomesa ku Bibilha tê da dja ku sa wê xka bi?
Bibilha ka fla, kuma ũa dja ‘dôlô, motxi, aflison, kidalê, nantan ka bila sen fa.’ (Lê Apocalipse 21:4.) Kwa ku ka fe non sufli oze, mo dwentxi, motxi, pôblêza ku inzuxtisa, na ka bi bila sen maxi fa. Bibilha ka plômêtê kuma ngê ka bi vivê ku gôxtô ku alêglia pala semple ni Plaizu nai tela.
3. Kuma ku bô ka pô tê di setu kuma tudu kwa ku Bibilha ka fla ka bi kumpli?
Yô ngê xka gwada pa mundu bila ũa luge maxi bwadu. Inen na sêbê di setu xi kwa se xka ba da fa, maji Bibilha ka zuda non sêbê. Xi bô ‘zamina Bibilha ku lepalu’ mo Atos 17:11 ka munsa, bô ka ba tê di setu kuma tudu kwa ku ê ka fla ka ba kumpli. Xtudu di Bibilha ka ba zuda bô sêbê xi bô ka kêlê ni kwa ku Bibilha ka fla, da dja ku sa wê xka bi.
XINA MAXI
Pya ũa-dôsu kwa ku Bibilha ka plômêtê da dja ku sa wê xka bi. Pya tembeten modu ku xperansa di Bibilha xka zuda yô ngê oze.
4. Bibilha ka plômêtê kuma non ka pô vivê pala semple sê suflimentu
Kwa ku sa wê, sa ũa-dôsu kwa ku Bibilha ka plômêtê. Kali dê ku bô ka ngoxta maxi? Punda kamanda?
Lê tudu têxtu ku sa lumyadu ni bodo dinen plomesa se, bila fla dinen pluguntu se:
-
Bô ka xintxi kuma inen têxtu se ka da xperansa? Inen têxtu se ka pô zuda inen migu ku familya bô?
Pensa bô me n’ũa mundu ku
|
NÊ ŨA NGÊ NA KA BA . . . |
TUDU NGÊ KA BA . . . |
|---|---|
|
|
|
|
|
|
|
|
|
|
5. Plomesa di Bibilha ka pô muda vida bô
Yô ngê ka fika tlixti ô blôxidu, plôvya di yô kwa mali ku xka da ni mundu. Ũa-dôsu ngê ka fe tudu kwa ku inen ka pôji, di bila kwa ni mundu maxi bwadu. Pya modu ku plomesa di Bibilha, kuma kwa xka bi bila maxi bwadu, xka zuda yô ngê oze. Pya VIDIU, zo fla dinen pluguntu se:
-
Ni vidyu se, kê kôlô di inzuxtisa ku Rafika na tava ka gôgô ku ê fa?
-
Inzuxtisa ku Rafika bê na kaba fa, maji, kuma ku Bibilha zud’e?
Xperansa ku Bibilha ka da non da dja ku sa wê xka bi, ka pô zuda non ola non sa tlixti, i ê ka pô zuda non vensê kwakwali matxi ku non xka pasa. Lê Provérbios 17:22 ku Romanos 12:12, zo fla dinen pluguntu se:
-
Xperansa di Bibilha ka pô muda vida bô myole? Punda kamanda?
ŨA-DÔSU NGÊ KA FLA: ‘Kwa ku Bibilha ka plômêtê da dja ku sa wê xka bi, sa fina muntu pa ê sa vede.’
-
Pla bô, punda kamanda ê sa bwadu golo sêbê maxi, di sêbê xi ê sa vede?
LÊZUMU
Bibilha ka da non xperansa. Sêbê kuma ê ka plômêtê non ũa vida bwadu ni dja ku sa wê xka bi, ka zuda non gwenta matxi di vida.
Kê kwa ku bô xina?
-
Punda kamanda ngê xka plixiza di xperansa?
-
Kê kwa ku Bibilha ka fla da dja ku sa wê xka bi?
-
Kuma ku xperansa di Bibilha ka pô muda vida bô myole?
GOLO SÊBÊ MAXI
Xina maxi ku pôdê di xperansa.
“Esperança — Onde pode encontrá-la?” (Despertai!, 22 di Abli di 2004)
Pya modu ku xperansa di Bibilha da dja ku sa wê xka bi, ka pô zuda ũa ngê ku xka dwentxi yô dja za.
“Será que a Bíblia pode ajudá-lo a conviver com uma doença crónica?” (Artigu di sayti jw.org)
Ola bô xka pya vidyu se, golo pensa ni modu ku bô ku familya bô ka ba vivê ku gôxtô ku alêglia ni Plaizu ku Bibilha ka plômêtê.
Lê pa bô sêbê modu ku vida d’ũa ngê ku tava ka luta di dêfendê bisu muda, ola ê fika ka sêbê di xperansa di Bibilha da dja ku sa wê xka bi.
“Já não acho que preciso de mudar o mundo” (A Sentinela, 1 di Julhu di 2013)
Taluvê bô ka pô ngoxta
PLUGUNTU KU A KA FE MAXI
Kê Kwa Ku Sa Xtudu Di Bibilha Ku Inen Sêxtêmunha Jova Ka Da?
Ni ploglama di xtudu di Bibilha dinen Sêxtêmunha di Jova bô ka pô uza kwakwali tladuson di Bibilha ku bô mêsê. Na kanha di di kunvida tudu familya bô ku inen migu bô da xtudu fa.
