‘Tudu kwa ku ka da non awa-wê, Dêsu ka bi kaba ku ê. Dôlô, motxi, aflison, kidalê nantan ka bila sen fa.’ — Apocalipse 21:3, 4, Tradução do Novo Mundo.

Tê di setu kuma . . .

na sa Dêsu so ka fe non sufli fa. — Tiago 1:13.

ê ka da non paji ku sosegu di sêbê kuma ola non ka sufli, Dêsu ten ka sufli ku non. — Zacarias 2:8.

tudu dôlô ku aflison ka bi kaba. — Salmo 37:9-11.

Yôxi, plôvya di pêlu menu dôsu kwa:

• Dêsu tê odjo di tudu mali. Pya modu ku Jova Dêsu xintxi ola ku a tava ka matlata pôvô dê. Bibilha ka fla non kuma Dêsu xintxi dôlô lumadu, ‘punda a tava ka tlata inen mali muntu’. — Juízes 2:18.

  Dêsu ka kontlê ngê ku ka fe ôtlô mali. Bibilha ka fla non kuma Dêsu ka kontlê ngê ku ka ‘txila vida di nôsentxi’. — Provérbios 6:16, 17.

• Dêsu ka pota ku tudu ngê. Punda ê sêbê tudu dôlô ku peneta ni kloson non. — 2 Crónicas 6:29, 30.

  Myole me, Lenu di Dêsu xka bi txila tudu ngê ni aflison. (Mateus 6:9, 10) Antê dja se, tudu ngê ku ka golo Dêsu oze, Ê ka d’e fôsa pa ê pô ngwent’e. — Atos 17:27; 2 Coríntios 1:3, 4.