Ngê ku môlê za ka pô bila koda?
Bô ka kudji . . .
-
nôô?
-
taluvê?
-
yôxi?
PYA KWA KU BIBILHA KA FLA
‘Ũa dja, ngê ku môlê ka bi koda.’ — Atos 24:15, Tradução do Novo Mundo.
KUMA KU KWA SE KA PÔ ZUDA BÔ?
Plomesa se ka pô . . .
konsola non ola familya non ka môlê. — 2 Coríntios 1:3, 4.
livla non di mendu di motxi. — Hebreus 2:15.
da non kunfyansa setu di bê familya non ku môlê. — João 5:28, 29.
NON KA PÔ KÊLÊ ME NI KWA KU BIBILHA KA FLA?
Yôxi, plôvya di pêlu menu tlêxi kwa:
-
Dêsu so ku fe non. Bibilha ka sama Jova Dêsu ‘fontxi di vida’. (Salmo 36:9; Atos 17:24, 25) Kuma Dêsu so ku da tudu kwa vida, Ê ka pôdji koda ngê ku môlê.
-
Dêsu koda ngê ku môlê za. Bibilha ka fla di ôtô ngê ku Dêsu koda pa inen bila vivê ni tela se: maxibin ku mina-mosa, ngê-tamen, ome, mwala. Ũa-ũa dinen tava molidu di pôkô tempu, maji ê tê ũa dê ku tava molidu ku kwatlu dja za! — João 11:39-44.
-
Dêsu sa ku yô vonte di bila koda ngê ku môlê. Jova tê odjo di motxi; Ê ka b’êlê mo numigu. (1 Coríntios 15:26) Ê tê yô vonte di kaba ku numigu se. Ê ka kaba ku ê ola Ê ka koda ngê ku môlê. Ngê ku môlê ku sa ni lemblansa Dêsu, ka bi koda punda Ê mêsê bê inen vivu ôtlô vê. — Jó 14:14, 15.
PENSA NI KWA SE
Punda ka manda ngê ka bila ve, ka manda ngê ka môlê?
Bibilha ka kudji kwa se ni GÉNESIS 3:17-19 ku ROMANOS 5:12.