PATXI 13
Kê kwa ku non ka pô fe pa Dêsu gôgô ku non?
Na fe kwa mali fa. 1 Coríntios 6:9, 10
Xi non tê amôlê ku Jova, non na ka fe kwa ku Ê tê odjo dê fa.
Jova na mesê pa non futa, bebeda nê fe uzu di dloga fa.
Dêsu tê odjo di ngê ku ka mata ôtlô, lanka bega, ome ku ka fe seksu ku ome ô mwala ku mwala. Ê na mêsê pa non tê ambison nê luta ku ôtlô fa.
Non na toka fla lason da majen, baya da ôtlô nê pê kume da motxi fa.
Ola ku tela ka bi bila ũa Plaizu, nê ũa ngê ku ka fe kwa mali nantan ka bila sen fa.
Fe kwa bwadu. Mateus 7:12
Pa Dêsu gôgô ku non, sela non mit’E.
Munsa amôlê ku ôtlô ngê, tê bon kloson bila tê mon betu.
Na ngana ôtlô ngê fa.
Tê mixikodji, poda ngê.
Fla ku ôtlô ngê di Jova, munsa inen xtlada Dê. — Isaías 43:10.
Taluvê bô ka pô ngoxta
KÊ NGÊ KU SA NON
Ka Manda a Toka Xtuda Bibilha? — Vidiu Kompletu
Bibilha xka da laxpoxta di tudu punta di milhon di ngê ni mundu ntêlu. Bô mêsê sa ũa dinen?
