PATXI 12
Kuma ku familya bô ka pô vivê ni paji ku sosegu?
Amôlê ka zuda familya tê paji ku sosegu. Efésios 5:33
Alê di Dêsu sa pa ũa ome kaza ku ũa mwala.
Ome kazadu toka tê amôlê ku mwala dê. Ê ka xtim’e bila komplend’ê.
Mwala kazadu toka poya ome dê.
Mina-pikina toka bili olha tendê kwa ku pe ku men ka fla.
Tê bon kloson, sa fyeli, na bila maw nê ngana ôtlô fa. Colossenses 3:5, 8-10
Palavla di Dêsu ka fla kuma ome kazadu toka tê amôlê ku mwala dê, mo ê tê ku klôpô dê. Sa mo ten, mwala kazadu toka tê lixpêtu ni kloson ku ome dê.
Fe seksu ku ũa ngê ku na sa mwala ô ome dê kazadu fa, sa pekadu. Ome toka kaza ku ũa mwala tan, mwala toka kaza ku ũa ome tan.
Palavla di Jova ka xina familya kuma ku inen ka pô vivê ni paji ku sosegu.
Taluvê bô ka pô ngoxta
LIVLU KU BLUXULA
Kê kwa ka pô zuda familya vivê ni paji ku sosegu?
Ê tê ngê ku ka kunda kuma djêlu so ka pô fe inen tê paji ku sosegu ni familya, maji ê ka pô zuda familya me tê paji ku sosegu?
