PATXI 4
Inen tendê kwa ku Satanaji fla — kê kwa ku da ku inen?
Adon ku Eva na kumpli kwa ku Dêsu fla fa, êlê manda inen môlê. Génesis 3:6, 23
Eva tendê kwa ku koblo fla, sososo ê kume flutu. Zawo, ê da Adon pikina, ê ten kume.
Inen fe kwa mali muntu — kwa se foi pekadu. Dêsu kôlê ku inen di Plaizu, ke dinen.
Vida dinen ku mina dinen fika ku yô matxi. Inen bila ve, môlê. Inen na ba ose nê nfenu nê ôtlô luge fa; inen môlê ũa môlê.
Ngê motxi na tê vida fa, inen sa mo opo. Génesis 3:19
Non ka môlê punda non sa mina di Adon ku Eva. Ngê motxi na ka pô bê fa, tendê ô fe kwakwali kwa fa. — Eclesiastes 9:5, 10.
Jova na tava mêsê pa ngê môlê fa. Myole me, Ê ka bi koda inen ngê ku môlê za. Xi inen tendê kwa ku Dêsu ka fla inen ka bi vivê pala semple.
