Adon ku Eva lanja mina, ngê bila montxi ni tela. Tempu pasa, ũa-dôsu anzu d’ose zunta ku Satanaji bila kontla Dêsu.

Inen bi tela muda klôpô bila ome, pa inen pô kaza ku mwala. Mwala dinen pali mina jingantxi, bluku ku yô fôsa.

Mundu tava xa di ngê ku ka fe kwa mali. Bibilha ka fla kuma ‘madadji di ome tava montxi ni tela, tembeten tudu xintxidu di pensamentu di kloson dinen tava mali tudu ola’.

Noe foi ũa bon ome. Jova fada Noe kuma Ê tava ka bi kaba ku ngê maluvadu ni diluviu.

Dêsu tembeten manda Noe fe memen vapô, ku tava ka sama alika, pa ê pê familya dê ku tudu nanson bisu ni nglentu dê.

Noe viza ngê kuma Diluviu tava ka bi, maji inen na tendê fa. Yô dinen fe mangason di Noe; ôtlô fika ku odjo dê.

Ola Noe kaba di fe alika, ê pê tudu bisu ni nglentu dê.