Xi non mêsê pa Jova gôgô ku non, sela non tendê ôtlô ngê importanti. Yô d’anu antix di Jova fe Adon, Ê fe ũa anzu plôdôzu n’ose.

Ê xiga tempu, Jova manda ngê se bi nansê ni Belen, di ũa vijen ku tava ka sama Maya. Ola mina se nansê a d’e nomi di Jizu. — João 6:38.

Ola ê tava ni tela, Jizu mita axen me modu di fe di Dêsu. Ê foi ũa ngê di bon kloson, ku amôlê, nê ũa ngê na tava ka xintxi mendu di fla ku ê fa. Ê xina tudu ngê palavla di Jova sê mendu.

Jizu tembeten kula dwentxi bila koda ũa-dôsu ngê ku môlê.

Inen xefi di glêza kontlê Jizu punda ê bili pê lwa tudu mintxila ku ma kunduta dinen.

Inen xefi di glêza fe inen Lomanu da Jizu pankada bila mat’e.