PATXI 8
Kuma ku motxi di Jizu ka pô zuda bô?
Jizu môlê pa non pô vivê. João 3:16
Jizu môlê di tlêxi dja, ũa-dôsu mwala ba vizita tumba dê, inen na bê nadaxi fa. Punda Jova koda Jizu di motxi.
Maxi taji, Jizu plasê da inen apoxtulu dê.
Jova koda Jizu mo d’anzu plôdôzu ku na ka môlê maxi fa. Inen dixipulu di Jizu b’êlê ka subli ba ose.
Dêsu koda Jizu pa ê pô sa Alê di Lenu di Dêsu. Daniel 7:13, 14
Jizu tanda vida dê mo lajigatxi di paga pekadu di mundu. (Mateus 20:28) Plôvya di lajigatxi se, Dêsu xka bi fe non vivê pala semple.
Jova kôyê Jizu kuma Alê pa ê pô govena tela. Ê ka ba govena ku maxi 144 mili ngê fyeli ku Dêsu kôyê ni tela, ku Ê xka lesuxita pa inen vivê n’ose. Jizu ku 144 mili zuntadu sa ũa govenu zuxtu n’ose – Lenu di Dêsu. — Apocalipse 14:1-3.
Lenu di Dêsu ka bi bila tela ũa plaizu. Gela, klimi, pôblêza, ku fomi na ka bila sen fa. Tudu ngê ka bi xintxi alêglia di vede. — Salmo 145:16.
Taluvê bô ka pô ngoxta
MEMORIAL
Lembla motxi di Jizu
Non tê gôxtô lumadu di kuvida bô di zunta ku non di lembla motxi di Jizu axen me mo ê manda. Sêbê modu ku vida di Jizu ku motxi dê ka pô zuda bô me.
LIVLU KU BLUXULA
Ngê ku môlê za ka pô bila koda?
Bô plêdê kwakwali ngê ku bô tê amôlê ku ê ni motxi za? Plomesa di konsôlu di Bibilha ka pô zuda bô.
