Sêxtêmunha di Jova tê ũa modu pratiku di zuda ngê sêbê kwa ku Bibilha ka xina. Ploglama non di xtudu di Bibilha ka ba zuda bô:

•   Vivê ku gôxtô ni kloson

•   Bila migu di Dêsu

•   Sêbê plomesa di Bibilha da dja ku sa wê xka bi

Ni pajina se

•  Kuma ku xtudu se sa fedu?

•  Sela n paga pa n fe xtudu di Bibilha?

•  Kantu tempu ku xtudu se ka tada?

•  Kuma nga pô komesa?

•  Nga pô plapa ũa seson di xtudu plumê?

•  Xi n seta fe xtudu di Bibilha a ôbliga mu bila ũa Sêxtêmunha di Jova?

•  Nga pô fe xtudu ku Bibilha mu plopi?

•  N pô kunvida ôtlô ngê di lêlê xtudu?

•  Xi n xtuda Bibilha ku inen Sêxtêmunha di Jova za? Nga pô xtuda ôtlô vê?

•  Nansê tê xtudu di Bibilha ku a ka pô fe sê ũa inxtrutôru?

 Ũa inxtrutôru ka ba zuda bô xina kwa ku Bibilha ka fla ũa asuntu di kada vê. Ku zuda di manual interativu di xtudu Seja Feliz Para Sempre! bô ka ba konsê leve-leve kwa ku Bibilha ka xina I modu ku ê ka pô zuda. Pa bô sêbê maxi, fe favôlô pya vidiu se.

 Nôô. Inen Sêxtêmunha di Jova ka sigi olientason ku Jizu da inen dixipulu dê: “Nansê lêsêbê di glasa, anton da di glasa ten.” (Mateus 10:8) Tenbeten, bô na ka paga Bibilha nê livlu Seja Feliz Para Sempre! fa.

 Ploglama kompletu di xtudu tê 60 lison. Bô so ka kôyê tempu ku bô ka gaxta ni kada lison, maji yô ngê ka xtuda ũa ô dôsu lison plô somana.

1.  1. Xina formulariu online. Non ka ba uza informason ku bô manda tan di kontakuta bô mo bô pidji.

2.  2. Ũa sêxtêmunha di Jova ka ba lentla ni kontakutu ku bô. Inxtrutôru bô ka ba xplika bô kê kwa bô pô gwada di xtudu interativu di Bibilha bila da laxpoxta da kwakwali kwa bô mêsê punta.

3.  3. Bô ku inxtrutôru bô ka ba fe kumbinason di modu di fe xtudu. Xtudu ka pô sa fedu ni ũa luge kumbinadu, ni telefoni vidiu konferensya, kata ô e-mail. Kada Seson di xtudu ka tada ũa ola, maji ê ka pô sa maxi ô menu xi tempu bô ka da ô na ka da fa.

 Yôxi. Xina formulariu online. Ola k’ũa ixtrutôru ka kontakuta bô, fad’e kuma bô mêsê plapa xtudu pa bô pya xi bô ka ngoxta d’ê. Ê ka ba fe uzu di bluxula Seja Feliz Para Sempre! ku tê tlêxi lison, di zuda bô pya xi bô ka ngoxta di xtudu.

 Nôô. Sêxtêmunha di Jova ka ngoxta muntu di xina ngê kwa di Bibilha maji nunka inen ka ôbliga ngê bila ũa Sêxtêmunha di Jova fa. Kwa ku inen ka fe sa, inen ka munsa ku lixpêtu kwa ku Bibilha ka xina, maji inen ka desa bô kôyê kwa ku bô mêsê kêlê nê. — 1 Pedro 3:15.

 Yôxi, bô ka pô uza kwakwali tladuson di Bibilha ku bô mêsê. Non ka ngoxta di uza Tradução do Novo Mundo da Bíblia Sagrada, punda ê sa klalu i na tê matxi di komplendê, maji non sêbê kuma yô ngê ka ngoxta di uza tladuson ku inen sa kuxtumadu ku ê za.

 Yôxi. Bô pô zunta tudu familya bô ô kwakwali migu ku bô mêsê kunvida.

 Yôxi. Andeji me, bõ ka pô ngôxta maxi di xtudu ku bô xka fe miôlê dokê ixi ku bô fe za punda ploglama se di xtudu di Bibilha fôi atualizadu di ũa modu ku ka zuda ngê maxi ni tempu d’oze Ploglama di xtudu di Bibilha myole ê sa fedu maxi mo klonvesa ku ngê i tembetem ê tê vidiu ku fêgula di munsa.

 Yôxi. Andeji me ku maxi montxi xtudantxi di Bibilha ka xina maxi bwadu ku ũa inxtrutôru, ũa dôsô ngê ni kômêsu ka mêsê xtuda inen tan. Ajudas Para Estudar a Bíblia tê lixta di yô flamenta ku ôtô kwa di zuda bô ni xtudu bô di Bibilha. Pya nai ũa-dôsu dê ku ka pô sa di zuda da bô:

•   Vídeos Sobre a Bíblia. Inen vidiu se kutu ka da xplikason di xinamentu di Bibilha ku tê yô importansia.

•   Perguntas Bíblicas Respondidas. Inen artigu se ka da laxpoxta da tudu kôlô di pluguntu di Bibilha ku ngê ka fe.

•   Textos Bíblicos Explicados. Sêbê xintxidu di frasi ku têxtu di Bibilha ku yô ngê konsê.