Parol Bondye i kapab sanz nou lavi. (Ebr 4:12) Par kont, pour nou benefisye avek son bann lenstriksyon, konsey ek gidans, nou bezwen konvenki ki Labib i vreman “parol Bondye.” (1Te 2:13) Ki mannyer nou kapab fortifye nou lafwa dan Labib?

Lir en porsyon Labib sak zour. Anmezir ki ou lir, rod levidans ki Zeova i loter Labib. Par egzanp, egzamin bann konsey ki dan liv Proverb e remarke ki mannyer son lasazes i aplikab dan nou lavi konmela.​—Pr 13:20; 14:30.

Konmans en progranm letid. Etidye bann levidans ki prouve ki Labib in ganny enspire. Dan Liv resers pour Temwen Zeova, get anba topik “Labib,” apre “Enspire par Bondye.” Ou kapab fortifye ou lafwa ki sa mesaz ki dan Labib pa’n sanze ler ou egzamin sa bann lenformasyon dan Appendix A3 dan New World Translation an Angle.

GET SA VIDEO AKOZ NOU ANNAN LAFWA . . . DAN PAROL BONDYE. APRE REPONN SA BANN KESTYON SWIVAN:

• Ki mannyer en miray tanp ki’n ganny dekouver Karnak, Lezip, i montre ki Parol Bondye i vre?

  Ou larepons

• Ki mannyer nou konnen ki sa mesaz dan Labib pa’n sanze?

  Ou larepons

• Lefet ki Labib i ankor egziste ozordi, ki mannyer sa i prouve ki Labib i vreman Parol Bondye?​—Lir Izai 40:8

  Ou larepons