Akoz ou bezwen prepare? Ou kapab ganny en ka medikal irzan ki ou pou bezwen reste lopital. Sa i kapab ariv vitman san ki ou ekspekte. Alor, avan ou ganny en problenm medikal grav, rod tou lenformasyon ki pou ed ou ganny sa pli bon swen medikal. Ler ou fer sa, ou montre ki ou annan respe pour lavi ek lalwa Zeova lo disan.​—Akt 15:28, 29.

Ki ou kapab fer pour prepare?

• Priye e apre ranpli byen sa kart durable power of attorney (DPA). a Bann proklanmater batize i kapab ganny enn sa kart e osi en Identity Card (ic) pour zot zanfan ki anba laz avek sa frer ki okip piblikasyon

• Si ou ansent, demann ou ansyen en kopi Information for Expectant Mothers (S-401). Sa dokiman pou ed ou fer bann bon desizyon konsernan bann problenm medikal ki kapab arive pandan ou lansentman e ler ou pe donn nesans

• Si ou bezwen fer en loperasyon oubyen reste lopital, les bann ansyen konnen davans e enform lopital ki ou ti a kontan en ansyen i vizit ou

Ki mannyer bann ansyen i kapab asiste ou? Zot kapab ed ou ranpli ou kart DPA. Par kont, bann ansyen pa pou fer bann desizyon medikal dan ou plas oubyen donn zot pwennvi personnel lo swa ki ou fer. (Ro 14:12; Ga 6:5) Ler ou enform ou bann ansyen ki ou pe fer fas avek en sityasyon medikal ki kapab enkli servi disan, deswit zot pou kontakte Komite Lyezon Lopital (HLC) pour ou.

Ki mannyer HLC i kapab ede? Bann frer ki pe servi lo sa komite in ganny formen pour ed bann ki dan kominote legal ek medikal konpran nou pozisyon konsernan disan. Zot kapab diskit avek ou dokter lo bann lezot tretman medikal kot ou pa pou bezwen en transfizyon disan. Si i neseser, zot kapab ed ou trouv en lot dokter ki pou korpere avek ou desizyon pour pa servi disan.

GET SA VIDEO HOW TO MAKE HEALTH-CARE DECISIONS REGARDING BLOOD. APRE REPONN SA BANN KESTYON SWIVAN:

• Ki mannyer sa video i kapab ed ou prepare pour en ka medikal irzan ki enkli servi disan?

  Ou larepons