VIV KONMAN EN KRETYEN
Zeova i ed nou dan nou bann problenm
Dan bann dernyen zour, nou fer fas avek bokou difikilte. Parfwa, nou kapab santi ki nou bann difikilte i tro bokou pour nou siporte. Par kont, si nou kontinyen reste pros avek Zeova, i pou ed nou andir menm bann gro problenm ki fer nou sagren. (Iza 43:2, 4) Ki mannyer nou kapab reste pros avek Zeova ler nou pas dan difikilte?
Lapriyer. Ler nou devid nou leker avek Zeova, i donn nou lape lespri e i ed nou emosyonnelman pour andire.—Fil 4:6, 7; 1Te 5:17.
Bann renyon. La i sa letan ki nou pli bezwen bann manze spirityel ek lasosyasyon nou bann frer ek ser ki Zeova i donn nou dan bann renyon. (Ebr 10:24, 25) Ler nou prepare, asiste e partisipe dan nou bann renyon, nou kapab benefisye plennman avek led lespri sen Zeova.—Re 2:29.
Predikasyon. Nou pou vwar li pli fasil pour konsantre lo bann keksoz pozitif si nou fer tou sa ki nou kapab pour reste aktif dan predikasyon. Nou pou osi ranforsi nou lanmitye avek Zeova ek nou bann frer ek ser, ensi ki Zeova.—1Ko 3:5-10.
GET SA VIDEO JEHOVAH WILL TAKE YOU IN. APRE REPONN SA BANN KESTYON SWIVAN:
-
Kwa ki ti ed Malu pour reste pros avek Zeova ler i ti dan problenm?
-
Parey Malu, ki mannyer sa bann parol dan Psonm 34:18 i kapab rekonfort nou ler nou dan problenm?
-
Ki mannyer leksperyans Malu i montre ki Zeova i donn nou ‘lafors ki pli pwisan ki nou prop lafors’ ler nou pas dan problenm?—2Ko 4:7
