Nou anvi fer plezir Zeova dan tou sa ki nou fer. (Pr 27:11) Pour reisi fer sa, nou bezwen fer bann desizyon ki reflekte son fason panse menm ler napa okenn lalwa oubyen komannman pour gid nou. Kwa ki kapab ed nou pour fer sa?

Annan labitid etidye Labib regilyerman. Sak fwa nou lir Labib, i konmsi nou pe pas letan avek Zeova. Nou kapab aprann konn fason ki Zeova i panse ler nou vwar ki mannyer i ti tret son pep e par egzamin legzanp bann ki ti fer sa ki byen oubyen sa ki mal dan son lizye. Ler nou bezwen fer en desizyon, lespri sen i kapab fer nou rapel bann leson enportan ek bann prensip ki nou’n aprann dan Parol Bondye.​—Zan 14:26.

Fer resers. Ler ou bezwen fer en desizyon, demann ou lekor: ‘Ki bann verse oubyen resi dan Labib ki kapab ed mwan konpran ki mannyer Zeova i santi konsernan mon desizyon?’ Priy Zeova pour ganny son led e servi bann zouti resers ki disponib dan ou langaz pour ed ou vwar e aplik bann prensip ki aplikab avek ou sityasyon.​—Ps 25:4.

GET SA VIDEO WE MUST “RUN WITH ENDURANCE”​—EAT NUTRITIOUS FOOD. APRE REPONN SA BANN KESTYON SWIVAN:

• Ki presyon sa zenn ser dan sa video ti fer fas avek?

  Ou larepons

• Ki mannyer ou kapab servi bann zouti resers pour ed ou fer fas avek bann presyon en pe parey?

  Ou larepons

• Ki byenfe nou gannyen ler nou fer resers ek letid personnel ki ed nou fer bann bon desizyon?​—Ebr 5:13, 14

  Ou larepons