Sak lannen, pep Zeova i esper avek pasyans pour selebre Memoryal ansanm. Pandan bann semenn avan e apre Memoryal, nou pran sa loportinite spesyal pour loue e remersye Zeova pour sa kado ranson. (Efe 1:3, 7) Par egzanp, nou travay dir pour envit lezot dimoun pour asiste Memoryal. Serten i kapab fer bann azisteman pour fer pionye asistan avek sa lobzektif pour fer 30 oubyen 50 erdtan pandan mwan Mars oubyen Avril. Eski ou ti a kontan fer plis dan predikasyon pandan sezon Memoryal? Kwa ki pou ed ou reisi?

Souvandfwa, nou kapab fer plis ler nou planifye davans. (Pr 21:5) Vi ki Memoryal pe aprose, la i sa bon letan pour konmans fer plan. Reflesir lo lafason ou ti pou kontan fer plis dan predikasyon pandan sezon Memoryal e sa ki ou kapab fer pour atenn ou lobzektif. Apre demann Zeova pour beni ou zefor.​—1Zan 5:14, 15.

Eski ou kapab mazin serten fason pour fer plis dan predikasyon pandan sezon Memoryal?