Lekel ki nou pou akeyir? Nenport dimoun ki asiste nou bann renyon, ki swa zot nouvo oubyen lontan zot la. (Ro 15:7; Ebr 13:2) I kapab en frer oubyen ser ki sorti dan en lot pei oubyen en Kretyen inaktif ki pour plizyer lannen pa’n asiste renyon. Zis mazinen ki mannyer ou ti pou santi si ou ti dan sa sityasyon. Eski pa ou ti pou kontan ganny en bon lakey? (Mt 7:12) Alor ler ou vin lasal, akoz ou pa fer zefor pour al koz avek lezot avan oubyen apre renyon? Sa i ede pour annan en bon latmosfer e i anmenn loner pour Zeova. (Mt 5:16) Byensir, i pa pou posib pour nou koz avek tou dimoun me nou tou nou pou santi nou alez si nou fer zefor. *

Nou pa devret akeyir bann dimoun zis dan bann lokazyon spesyal parey Memoryal me toultan. Ler bann nouvo i vwar bann Kretyen pe demontre lanmour, zot kapab ganny ankouraze pour loue Bondye e zwenn ansanm avek nou dan vre ladorasyon.—Zan 13:35.