VIV KONMAN EN KRETYEN
Ki mannyer ou pou prepar ou pour Memoryal?
Konmansman sa lannen, nou pou annan plis letan pour prepare pour Memoryal lanmor Kris. Ler Memoryal i tonm dan lasemenn, i pou napa renyon lasemenn. Ler Memoryal i tonm dan wikenn i pou napa diskour piblik ek letid Latour Veyer. Eski ou pou servi byen sa letan an plis ki ou pou annan? Zis parey dan premye syek, bann laranzman i bezwen ganny fer pour sa lokazyon spesyal. (Li 22:7-13; km 15/3 1) Me nou tou nou bezwen prepar nou leker. Ki mannyer nou kapab fer sa?
-
Reflesir lo akoz i enportan pour asiste Memoryal.—1Ko 11:23-26
-
Priye e mazin lo ou lanmitye avek Zeova.—1Ko 11:27-29; 2Ko 13:5
-
Lir e medit lo bann lenformasyon baze lo Labib ki koz lo Memoryal.—Zan 3:16; 15:13
Serten proklanmater i lir e medit lo Lektir Labib pour Memoryal ki dan brosir Egzamin Labib sak zour. I annan ki servi sa progranm ki lo sa latab anba. Lezot i lir bann lartik dan Latour Veyer ki koz lo Memoryal e lanmour ki Zeova ek Zezi in demontre anver nou. Nenport ki keksoz ki ou servi, nou swete ki sa i fer ou vin pli pros avek Zeova ek son Garson.