Menm si Zeova pa ti ankor donn lalwa lo ador zidol, Zakob ti konnen ki zis Zeova tousel ki merit ganny adore. (Eg 20:3-5) Alor, ler Zeova ti demann li pour retourn Betel, Zakob ti donn lord tou dimoun ki ti avek li pour debaras zot avek bann zidol. Zakob ti anter sa bann zidol, enkli bann zanno ki posibleman zot ti mete konman bann portboner. (Ze 35:1-4) Nou kapab asire ki Zeova ti kontan sa ki Zakob ti fer.

Ozordi, ki mannyer nou kapab ador zis Zeova tousel? En keksoz enportan ki nou devret fer i rezet okenn keksoz ki annan pour fer avek ador zidol oubyen bann pratik demonyak. Sa i enkli zet okenn lobze ki annan pour fer avek grigri e vey byen nou divertisman. Par egzanp, demann ou lekor: ‘Eski mon kontan bann liv oubyen film ki annan bann vampire, zonbi ouswa bann keksoz paranormal? Eski mon bann divertisman i donn lenpresyon ki mazik ouswa zet sor i gou e ki napa nanryen avek?’ Nou devret reste lwen avek okenn keksoz ki Zeova pa kontan.​—Ps 97:10.

GET SA VIDEO “OPPOSE THE DEVIL,” APRE REPONN SA BANN KESTYON:

• Ki problenm en etidyan Labib ki apel Palesa ti gannyen?

• Akoz i bon pour rod led avek bann ansyen si ou, en dimoun ki ou konnen oubyen en letid pe ganny problenm avek bann keksoz demonyak?

• Ki nou bezwen rezete si nou anvi Zeova i protez nou?

• Ki desizyon Palesa ti pran?

• Ki ou kapab fer pour evit lenfliyans bann demon kot ou reste?