Zeova pa fer lapreferans. (Akt 10:34, 35) I aksepte dimoun “sorti dan tou nasyon, tribi, pep ek langaz.” (Re 7:9) Alor, i pa devret annan okenn prezidis oubyen lapreferans dan kongregasyon Kretyen. (Zak 2:1-4) Gras a lansennyman Bondye, nou pe rezouir en paradi spirityel kot nou’n vwar bokou dimoun in transform zot personnalite. (Iza 11:6-9) Anmezir ki nou fer bokou zefor pour retir tou prezidis dan nou leker, nou montre ki nou pe imit Bondye.—Efe 5:1, 2.

• Akoz lansennyman Bondye i pli siperyer ki zefor bann imen pour elimin diskriminasyon ek prezidis?

• Kwa ki enpresyonn ou lo nou lasosyasyon mondyal nou bann frer ek ser?

• Ki mannyer Zeova i ganny glorifye ler nou gard nou linite Kretyen?