Sa brosir Lekel ki pe fer lavolonte Zeova ozordi? in ganny fer pour servi avek bann dimoun ki pe etidye Labib. I devret ganny servi avan oubyen apre en letid. * Leson 1 ziska 4 i ed bann etidyan konn Temwen Zeova, leson 5 ziska 14 i ed zot konn nou bann aktivite e leson 15 ziska 28 i montre ki mannyer nou lorganizasyon i fonksyonnen. I pli bon pour fer bann leson dan lord amwen ki i annan en leson ki enteres sa dimoun. Lo en paz i annan zis en leson ki kapab ganny diskite dan senk a dis minit.

• Konmans par demann sa kestyon ki tit sa leson

• Lir sa leson antye oubyen par seksyon avek ou etidyan

• Diskit sa ki ou’n fek lir. Servi bann kestyon anba lo paz ek portre. Servi ou bon zizman pour deside ki verse ki ou pou lir e diskite. Met lanfaz lo konman sa bann soutit an gro lekritir nwanr i reponn sa kestyon ki tit sa leson

• Si i annan en bwat “Plis lenformasyon” lir li ansanm avek ou etidyan e ankouraz li pour swiv sa sizesyon