Bann portre ek video i atir latansyon en dimoun e ed li konpran e mazin sa ki in aprann. Dan lepase, Zeova nou Gran Enstrikter ti montre son bann serviter bann keksoz o tour zot pour ansenny zot bann leson enportan. (Ze 15:5; Zer 18:1-6) Zezi, nou Gran Ansenyan, ti fer menm parey. (Mt 18:2-6; 22:19-21) Dan sa bann dernyen lannen, nou’n vwar ki bann video in ed bokou dimoun. Eski ou servi bann video ler ou pe ansenny bann ki ou etidye Labib avek?

I annan dis video ki’n ganny prepare pour ed nou ansenny bann leson ki ganny trouve dan sa brosir Bon nouvel sorti kot Bondye! Souvan tit bann video i parey avek en kestyon ki ganny ekrir dan gro lekritir nwanr. Dan versyon elektronik sa brosir lo Enternet, i annan bann links ki montre nou kan nou kapab montre sak video. I osi annan lezot video ki kapab ganny servi pour lezot piblikasyon ki dan nou Zouti predikasyon.

Eski ou pe diskit lo en topik ki kapab difisil pour sa etidyan konpran? Oubyen eski i pe pas dan en problenm? Fer resers dan bann video lo jw.org® ek Televizyon JW® pour trouv en video ki kapab ed li. Petet zot kapab get enn sa bann video ansanm e apre diskit lo la.

Tou le mwan, i annan bann nouvo video ki sorti. Ler ou get sa bann video, mazin lo lafason ki ou kapab servi zot pour ansenny lezot.