Definisyon en zanmi i “enn ki atase avek en lot par sa lafeksyon ek respe ki zot annan pour kanmarad.” Par egzanp, Zonatan ek David ti konmans annan en lanmitye for apre ki David ti touy Golyat. (1Sa 18:1) Tou le de ti demontre bann kalite ki ti fer zot anvi vin zanmi avek kanmarad. Alor, en lanmitye for i baze lo konnesans egzakt. Normalman, i pran letan ek zefor pour konn en lot dimoun. Par kont, i vreman fasil pour vin “zanmi” avek en dimoun lo rezo sosyal zis par pez en bouton. Vi ki dimoun lo Enternet i kapab prepar egzakteman sa ki zot pour dir e zot annan en serten kontrol lo lafason lezot i vwar zot, i fasil pour zot kasyet sa ki zot vreman ete. Alor, nou bezwen mazin byen ki kalite dimoun nou anvi aksepte konman nou zanmi lo Enternet. Pa bezwen per pour inyor oubyen rezet bann lenvitasyon pour vin zanmi sorti kot dimoun ki ou pa konnen akoz ou pa anvi ofans zot. Bokou in swazir pour pa servi rezo sosyal akoz bann danze ki asosye avek. Me si ou swazir pour servi en rezo sosyal, ki ou devret gard antet?

GET SA VIDEO SERVI BYEN REZO SOSYAL. APRE REPONN SA BANN KESTYON SWIVAN:

• Ki ou devret demann ou lekor avan ou poste en komanter ek portre lo rezo sosyal?

• Akoz ou bezwen vey byen ler ou pe swazir ou zanmi lo Enternet?

• Akoz ou devret met en limit lo lakantite letan ou pase lo rezo sosyal?​—Efe 5:15, 16