I annan bokou plis dezas natirel konmela. Ler en dezas i arive, bann dimoun ki pe anmenn led i bezwen annan bon korporasyon e zot bezwen byen organize. I pour sa rezon ki Konsey Direkter in fer laranzman pour met an plas en Departman Led Sekour dan sak biro brans.

Ler bann frer dan sa departman i aprann ki i annan en dezas, zot deswit kontakte bann ansyen pour rode ki led bann proklanmater i bezwen. Si i annan bokou plis domaz ki bann proklanmater pa kapab rezourd, biro brans pou donn bann frer kalifye sa responsabilite pour organiz travay led sekour. Sa bann frer i kapab demande pour bann volonter vin ede oubyen pour ganny donasyon pour bann keksoz spesifik ouswa zot kapab aste e distribye bann keksoz ki dimoun pou bezwen.

I annan bokou lavantaz pour organiz keksoz dan sa fason. I evit bann travay ki pa neseser, konfizyon, gaspiyaz larzan ek materyo. Sa i bann keksoz ki kapab arive ler bann frer i servi zot prop linisyativ.

Bann frer ki biro brans i apwente pou kapab determinen konbyen larzan e ki kantite volonter ki pou bezwen dan sa travay led sekour. Zot osi kapab konn bann zofisye ki kapab ed nou fer sa travay led sekour al bokou pli vit. Alor, personn pa devret pran sa linisyativ pour anmas larzan, anvoy manze ek lezot keksoz oubyen pour al dan sa landrwa ki’n ganny afekte, eksepte si zot in ganny demande pour fer li.

Me ler bann dezas i arive, nou anvi ede. (Ebr 13:16) Nou kontan nou bann frer! Ki nou kapab fer? Sa ki pli enportan, nou kapab priy pour bann viktim ki’n ganny afekte dan sa dezas e pour bann ki pe donn led. Nou osi kapab fer kontribisyon pour sa travay mondyal. Anba gidans Konsey Direkter, bann biro brans pou dan en pli bon pozisyon pour konnen kote sa larzan i kapab ganny pli byen servi. Si nou anvi ede dan travay led sekour, nou kapab ranpli sa form Local Design/Construction Volunteer Application (DC-50).

GET SA VIDEO DEVASTATING FLOODING IN BRAZIL. APRE REPONN SA KESTYON SWIVAN:

Kwa ki’n enpresyonn ou konsernan sa travay led sekour ki Temwen Zeova ti fer apre ki ti annan linondasyon Brezil an 2020?