Dapre Lalwa Moiz, en zonm ki ti oule divorse ti oblize prepar en sertifika legal. Sa ti anpese ki dimoun i divors vitman. Par kont, dan letan Zezi, bann sef relizye ti fer li fasil pour en dimoun divorse. Bann msye ti kapab divors zot madanm pour tou sort kalite rezon. (“sertifika divors” not letid dan nwtsty-E dan Mr 10:4; “divors son madanm,” “i komet adilter kont li” not letid dan nwtsty-E dan Mr 10:11) Zezi ti montre ki sa laranzman maryaz ti’n ganny etablir par Zeova. (Mr 10:2-12) Dapre sa laranzman, en msye ek en madanm ti pou vin “en sel” pour touzour. Dan levanzil Matye, sa sel rezon pour en koup divorse, i si enn i “komet imoralite seksyel.”​—Mt 19:9.

Bokou dimoun ozordi i vwar maryaz parey bann sef relizye dan letan Zezi. Letan zot ganny problenm dan maryaz, zot taye pour divorse. De lot kote, bann koup Kretyen i pran zot maryaz o serye e zot esey rezourd problenm par aplik bann prensip Labib. Apre ki zot in zwe sa video Love and Respect Unites Families, reponn sa bann kestyon swivan:

• Ki mannyer ou kapab aplik Proverb 15:1 dan ou maryaz e akoz i enportan pour fer sa?

• Ki mannyer Proverb 19:11 i kapab ed ou evit problenm?

• Si ou maryaz pres pour kase, dan plas mazin divorse, ki bann kestyon ou devret demann ou lekor?

• Ki mannyer Matye 7:12 i kapab ed ou vin en pli bon msye oubyen madanm?